NEHEMIA 9:21 - KITABI HABARI MOPIOHE

²¹ Ngotilonggadu wopato pulu lotaunu mola to auhu padengo, pilopo tuu̒udu mai lo Eeya totoonulalo u palaluo limongolio. Pakeyangi limongolio diila pee̒enta mao̒ helorusa, oa̒ati mongolio diila helo ngongoto wau loomatango,

NEHEMIA 9:21 ပူးပေါင်းရင်းမြစ်များ

JABURU 34:10

Hurumatiaalo Eeya, wuu timongoli umati-Lio, sababu taa saale diila tao̒kuulangia.

PILOTIMUA̒TA 16:35

Manna boito lowali ua̒alo duo̒lo taulo Isirai̒lu ngotilonggadu wopato pulu lotaunu wumbutio mola, tunggula timongolio leidungga mola ode Kanaa̒n, tambati poti tatapua limongolio. (

AMOS 5:25

Wuu umati lo Isirai̒lu, tou̒ Wau̒ lodelo olimongoli loli huta datahu wau luasi udelita wopato pulu lotaunu mola hiheolio, Wau̒ diila lohile wolo moo̒ohuu̒ dewo wau bake lonto olimongoli.

WUNGGULI LOMONGO RASULU 13:18

Tio sabari topii̒li wau huhutu limongolio tohuta datahu u luasi daa̒ wau delita wopato pulu lotaunu mola hiheolio.

TINGULI 2:7

Eelai mao̒ woloolo mola Eeya Allahu Taa̒ala limongoli malo balakati mai olimongoli todelomo totoonulalo upilohutu limongoli. Tio lolaala olimongoli ngotilonggadu timongoli hinao̒wa ode utoonulalo mao̒ tohuta datahu udelita u luasi botie wau helongohi mai olimongoli ngoa̒amila upalaluo limongoli.

TINGULI 29:5

Wopato pulu lotaunu mola hiheolio Eeya lodelo olimongoli lolibaya tohuta luasi udelita, boli odito pakeyangi wau sandale limongoli diila lowali yiloodu.

TINGULI 8:2

Eelai mola! Wopato pulu lotaunu hiheolio Eeya Allahu Taa̒ala limongoli lodelo olimongoli todelomo nonao̒ molaminga lolibaya tohuta luasi udelita. Nonao̒ boito milakusudu lo Eeya u mohimontala olimongoli, alihu Tio mowali moo̒onto mao̒ wolo ubuhu-buhulo todelomo hilaa limongoli wau wolo timongoli mamodungoheo̒ totoonulalo palentaa-Lio.

TINGULI 8:4

Ngotilonggadu wopato pulu lotaunu mola botie pakeyangi limongoli diila lowali yiloodulo wau oa̒ato limongoli diila lowali lomatango.