NEHEMIA 9:19 - KITABI HABARI MOPIOHE

¹⁹ Bo to delita boito timongolio diila tilolaa lo Eeya, sababu Eeya polupolu lo ponu. Wolihi patoo̒ heengo wau tulu diila luli pilahuto Eeya, potuhata to dalaali mongolio tou̒ dulahu wau tou̒ hui.

NEHEMIA 9:19 ပူးပေါင်းရင်းမြစ်များ

NEHEMIA 9:12

Wolo heengo ngopita hetilau̒wa lo Eeya timongolio tou̒ dulahu. Wau tou̒ hui dalalio hetilinela mai lo Eeya wolo wolihi patoo̒ tulu.

NEHEMIA 9:27

yi yiludu mao̒ lo Eeya timongolio ode musulio tawolo diila omanusia helo ngaawasa wau lodeehe olio. Bo todelomo osuusa u helo dutonga, timongolio helo ngiibode ode Eeya lei̒ tulungi mai. Lonto sologa Eeya helo dungohe; wolo polupolu loponu Eeya lolametai. Yilao mai lo Eeya tau̒wa wau tamoohipatea tamolotolo buheli talo pobebasi olimongolio lonto laawani.

NEHEMIA 9:31

Bo sababu ponu lo Eeya udaa̒ polu-polutuo̒, diila tilolaa lo Eeya meaambo ilaantulu lo Eeya timongolio. Memangi, Eeyaalo Allahu Taa̒ala tadiila obandingi; udaa̒ ponu lo Eeya, poluolu lo odehu hilao!

JABURU 106:45

Domi timongolio Eeya loe̒elai daantia-Lio wau lodehu hilao olimongolio sababu ponu lo Eeya u udaa̒.

JABURU 136:16

Tilau̒wa lo Eeya umati-Lio lolibaya huta datahu wau luasi udelita; ponu lo Eeya ohiheo-hiheolo mao̒ diila opulitio.

PILOTIMUA̒TA 40:36

Timi-timii̒du heengo boito mobotulo monto yitaato Kema lo Eeya, bangusa lo Isirai̒lu molonggalo kema limongolio u molimbato ode tambati wewo.

PILOTIMUA̒TA 40:38

Ngotilonggadu bangusa lo Isirai̒lu monao̒ ode utoonulalo mao̒, Eeya woluo to Kema boito todelomo laku loheengo tou̒ dulahu wau todelomo laku lotulu tou̒ hui. 34

YESAYA 44:21

Eeya lotahuda mai, “Eelailo ngoa̒amilalo botie, wuu Isirai̒lu, sababu yio̒olo wato-U̒. Wau̒ lopowali mai olemu, wau yio̒ wato-U̒, Isirai̒lu, Wau̒ diila tamolipata olemu!

HIYONGO MOPOILAALO SUUSA 3:22

Ponu lo Eeya ohiheo-hiheolo mao̒ diila opulitio, odehu hilao lo Eeya diila pee̒enta mao̒ mopulito,

YEHESKIEL 20:14

Bo Wau̒ diila loponao̒ mao̒ domi ohulumati tanggulu-U̒, alihu tanggulu-U̒ diila mao̒ hinaa lo babaa-ngusawalo tamoo̒onto ola-U̒ mopolualao̒ Isirai̒lu monto Masiri.

YEHESKIEL 20:17

Bo lapatio mao̒ Wau̒ lodehu hilao toli mongolio, tilinggula timongolio diila lomata pilate-U̒ yila-yilateelo mao̒ tohuta luasi ohungayo boito.

YEHESKIEL 20:22

Bo Wau̒ diila lopohutu mai alihu tanggulu-U̒ diila mao̒ hinaa lo babaa-ngusawalo tamoo̒onto ola-U̒ mopolualao̒ Isirai̒lu monto Masiri.

DANIALI 9:18

Dungohilo mai mongowatotia oo Allahu Taa̒ala, bilohiilo mongowatotia wau poo̒tuotalo mai polodutolo mongowatotia wau obobinasa lokota u ilunte wolo tanggulo Eeya. Mongowatotia modua̒ mola ode Eeya diila sababu jajaa-sawaalo mongowatotia, bo sababu Eeya polupolu lo odehu hilao.

DANIALI 9:9

Eeya polupolu lopongo ngambungu wau odehu hilao, eleponu mongowatotia malo luwali to Eeya.

MALEAKHI 3:6

“Wau̒ulo Eeya, wau Wau̒ diila mobolio̒. Sababu uito timongoli, wali mai lei Yako, diila pobinasaalo.

YIA̒APO 14:14

wau timongolio mamo hungguli mao̒ ode tau-tauwala tolipu botie, tamalo dungoheo̒ deu̒ Eeya, Eeya, pee̒-pee̒enta wolo mongowatotia. Timongolio malo dungohe olo deu̒ Eeya lopo bilohei batanga ode mongowatotia tou̒ Eeya lonao̒ totalu lo mongowatotia todelomo patoo̒ heengo tou̒ dulahu, wau todelomo patoo̒ tulu tou̒ hui.

TINGULI 8:2

Eelai mola! Wopato pulu lotaunu hiheolio Eeya Allahu Taa̒ala limongoli lodelo olimongoli todelomo nonao̒ molaminga lolibaya tohuta luasi udelita. Nonao̒ boito milakusudu lo Eeya u mohimontala olimongoli, alihu Tio mowali moo̒onto mao̒ wolo ubuhu-buhulo todelomo hilaa limongoli wau wolo timongoli mamodungoheo̒ totoonulalo palentaa-Lio.

BOHULO SEMUEL 12:22

Eeya malotadia mai, deu̒ Tio diila tamololaa olimongoli sababu Tio malolantu mai u mopowali mao̒ olimongoli umati-Lio lohihilao.