NEHEMIA 9:17 - KITABI HABARI MOPIOHE

¹⁷ Timongolio diila lodungohe, wau totoonulalo opopiohu lo Eeya hepilalongi mongolio, wau ngoa̒amila huhutu u moo̒linggolabe lonto Eeya heilooli lonto pikiilangi limongolio. Wolo mangimangi timongolio helo lulaotao̒ tau̒wa ngota, u lodelo olimongolio ode Masiri, luli lowali wato. Bo Eeya Allahu Taa̒ala tamotohilaa momaa̒apu mai, diila opulita lo sabali, mura lohilao wau polupolu lo ponu. Ponu lo Eeya otutu polu-polutuo̒; Eeya diila lololaa olimongolio.

NEHEMIA 9:17 ပူးပေါင်းရင်းမြစ်များ

BOHULO MONGO OLONGIA 6:13

Wau̒ mamo tibiluloa̒ todelomo bele u bongulomu botie tohuungo umati-U̒ Isirai̒lu. Wau̒ diila tamololaa olimongolio.”

BOHULO MONGO OLONGIA 8:57

Pohileaala dua̒ Eeya Allahu Taa̒alanto pee̒-pee̒enta wolanto debo odelo Eeya pee̒-pee̒enta wolo loluuhurunto. Pohileaala dua̒ Eeya diila mololaa olanto.

OLUO TAWARI 36:13

Ti Olongia Nebukadnejar malo makusa olei Jedekia u lotadia mola domi Allahu Taa̒ala deu̒ tio matatapu wau molotolo hilao to olei Nebukadnejar. Bo lapatio mao̒ tei Jedekia helo mintaa̒a tingolo to olei Nebukadnejar. Tei Jedekia baaa̒ngiolo to Eeya, Allahu Taa̒ala lo Isirai̒lu. Tio diila lohuto lololaa duduu-saalio wau diila lohuto lohualinga ode Eeya.

ESRA 9:9

Tou̒ mongowatotia donggo todelomo polowato, Eeya diila lololaa to mongowatotia. Eeya lohutu mai tomongo olongia lo Persia helo tolia̒nga to mongowatotia wau yiluasia luli lomongu mola Bele lo Eeya ubolo tuodio boito. Eeya helo duo̒lai to mongowatotia tewe, to Yehuda wau Yerusalemu.

NEHEMIA 9:31

Bo sababu ponu lo Eeya udaa̒ polu-polutuo̒, diila tilolaa lo Eeya meaambo ilaantulu lo Eeya timongolio. Memangi, Eeyaalo Allahu Taa̒ala tadiila obandingi; udaa̒ ponu lo Eeya, poluolu lo odehu hilao!

JABURU 106:13

Bo timongolio hua̒a lolipata huhutu lo Eeya wau helohutu lou̒ diila lei̒ potua lonto Eeya.

JABURU 106:7

Tou̒ to Masiri nenemoya lo mongowatotia diila mongalati; huhutu lo Eeya u moo̒linggolabu diila ilopahamua limongolio. Yilipati mongolio ponu lo Eeya udiilalo o eenggadelio, wau totili lo Deheto Gelaga timongolio helo makala to Taa Laba-labaalo molanggato.

JABURU 130:4

Bo Eeya motohilaa mongambungu, alihu tau mowali saale.

JABURU 78:10

Timongolio helo lambanga daantia lo Allahu Taa̒ala woli mongolio, diila lohuto lodungohe tobutoo̒ lo Eeya.

JABURU 78:11

Timongolio helo lipata huhuu-hutuuwalo Eeya, wau susuu-aliyaalo moo̒linggolabu u piloi̒laalo mai lo Eeya olimongolio.

JABURU 78:38

Bo Allahu Taa̒ala lomonu wau helo ngambungu umati-Lio, wau diila helo pobinasa olimongolio. Pipiiu̒wa Eeya helo ngotonga omuluka lo Eeya, wau diila helo pomukaa̒i omuluka lo Eeya.

JABURU 86:15

Bo Eeya, yaa Eeya, Allahu Taa̒ala tamoomonua, wau tao̒odehu hilao, sabali, lealeaatu loponu wau tatapu molotolo hilao.

JABURU 86:5

Eeya mopiohu, yaa Eeya, wau ohilaa mongambungu, taa u hemodua̒ mola to Eeya debo ponuo mai lo Eeya wolo ponu u diilalo o eenggadelio.

PILOTIMUA̒TA 32:9

Otaawa-U̒ deu̒ bangusa boito baa̒ngiola daa̒.

POHUMAYA 1:24

Timongoli maa tiliyanguu̒, bo timongoli diila mololimo wau diila mohuto momandungi.

YEREMIA 18:15

Bo umati-U̒ malo lipata ola-U̒, wau helomobu alama ode balaahala. Timongolio leiteduo̒ to dalalo u mulooloalio mai daa̒ u musi polibaya limongolio, lapatao̒ lobasepi ode dalaalo u diipo pilopo payadu.

YEREMIA 19:15

deu̒ Eeya Taa Laba-labaalo kawasa, Allahu Taa̒ala lo Isirai̒lu, lotahuda mai odie, “Sababu timongoli baaa̒ngiolo wau diila lohuto lodungohe, yi Wau̒ mamopo dungga mai ode yitaato kota botie wau ode ngoa̒amila kambungu to palitio totoonulalo baala u mailanjana-U̒ mai.”

YEREMIA 7:26

Bo diaaluo talo dungohe meaambo helo po̒tuoto. Timongoli tumbao̒ lowali lebe bilaaa̒ngi wau moleeto wolo loluuhuru limongoli.”

YEHESKIEL 5:6

Bo Yerusalemu malo potouli palentaa-U̒ wau loi̒laalo mai lebe moleeto wolo babaa-ngusawalo wewo, tumbao̒ lebe diila lodungohe wolo lilii-puwaalo to palitio. Yerusalemu helo lambanga ngoa̒amila palentaa-U̒ wau diila lohuto lodungohe butoo̒o-U̒.”

DANIALI 9:9

Eeya polupolu lopongo ngambungu wau odehu hilao, eleponu mongowatotia malo luwali to Eeya.

YOEL 2:13

Antangaalo hilaamu wau diila pakeyangimu.” Pomalingolo ode Eeya Allahu Taa̒alamu. Tio sabali diila o enggadelio wau tamoomonua muura lohilao wau lealeaatu lo odehu hilao. Sanangi mongambungu wau diila mohuto moponao̒ lo hukuumani.

IMAAMATI 26:44

Bo tou̒ timongolio penu boli donggo woluo tolipu lomusu, timongolio diila tatolaa-U̒ meaalo pobinasa-U̒ sama-samaata. Sababu wonu timongolio pobinasa-U̒, uito boliilio Wau̒ momunto daantia-U̒ woli mongolio, hiambola Wau̒ botie Eeya, Allahu Taa̒ala limongolio.

NAHUM 1:3

Memangi Eeya, diila hua̒a momuluka; bo Tio olo okawasa daa̒ tilinggula titaalo tita mohutu totala diila talopato-Lio monto hukuumani. Tou̒toonu ponao̒wa lo Eeya, teto tumoodei dutalo; totambati potidutaa̒ lo oa̒a-Tio teto peaahuo̒ mowali heengo.

YIA̒APO 14:11

Eeya lotahuda mai odelei Musa, “Donggo ngolo mola hiheolio tau-tauwala botie moluwali ola-U̒? Tunggula omolua timongolio diila mohuto palacaya ola-U̒, eleponu Wau̒ malohutu mai odito daatalio u moo̒linggolabu towolota limongolio?

YIA̒APO 14:41

Bo tei Musa loloi̒ya mao̒, “Yilongola timongoli botia ohilaa molambanga palenta lo Eeya? Timongoli diila tao̒ haasili!

YIA̒APO 16:14

Tutuulio tutu yio̒ diila modelo olami ode huta u molomiyodu, meaalo mongohi mao̒ olami hahaa-laboluwalo wau ii̒i-lengiyalo angguru mowali miliki pusaka lami! Botia yio̒ ohilaa mohimbulo olami! Diila, ami diila mohuto monao̒ mai!”

WUNGGULI LOMONGO RASULU 7:39

Openu boli odito tinene moyaanto diila lohuto lodungohe olio. Timongolio diila lololimo olio wau ohilaa muli mohualinga ode Masiri.

ROMA 9:15

Sababu Allahu Taa̒ala lotahuda odelei Musa, “Wau̒ mamopo bilohei odehu hilao totaa u otohilaa-U̒ pobilohela lo odehu hilaa-U̒, wau Wau̒ mamopo bilohei odehu hilao totaa u otohilaa-U̒ pobilohela odehu hilao.”

IBRANI 12:25

Sababu uito, poo̒daha-dahaalo mao̒ diila bolo timongoli diila mohuto modungohe o-Lio tahe lotahuda mai boito. Timongolio tadiila mohuto modungohe o-Lio tamei dungga mai ode dunia wau mopo tunggulo habari monto Allahu Taa̒ala, diila mowali mopolahi lobatanga. Tidiyolo mao̒ ito botie tamo dungohe o-Lio u motahuda mai monto sologa! Wonu ito diila mohuto modungohe o-Lio, diila pongalo akali ito mowali moa̒ahu!

BOHULO SEMUEL 12:22

Eeya malotadia mai, deu̒ Tio diila tamololaa olimongoli sababu Tio malolantu mai u mopowali mao̒ olimongoli umati-Lio lohihilao.