NEHEMIA 9:16 - KITABI HABARI MOPIOHE

¹⁶ Bo loluuhuru lo mongowatotia soombongi wau baaa̒ngiolo; totoonulalo palenta lo Eeya diila dilungohe limongolio.

NEHEMIA 9:16 ပူးပေါင်းရင်းမြစ်များ

OLUO MONGO OLONGIA 17:14

Bo Isirai̒lu wau Yehuda diila mohuto modungohu. Timongolio baaa̒ngiolo odelo loluuhuru limongolio tadiila palacaya to Eeya, Allahu Taa̒ala limongolio.

OLUO TAWARI 29:6

Loluuhurunto diila tatapu wau molotolo hilao to Eeya Allahu Taa̒alanto wau timongolio helohutu udiila loo̒sanangi hilaa lo Eeya. Timongolio diila lomandungi to Eeya wau diila lomandungi tambati biluloa̒ lo Eeya.

OLUO TAWARI 30:8

Diila mao̒ potibaaa̒ngi debo odelo timongolio, bo podungohulo to Eeya. Ponao̒lo mai ode Yerusalemu, ode bele lo Eeya u mapilo tolomodu lo Eeya Allahu Taa̒ala limongoli ode batanga-Lio u ohiheo-hiheolo mao̒. Duloolo poi̒baadatilo to Eeya alihu mooleelo mola omulukaa-Lio toli mongoli.

OLUO TAWARI 36:13

Ti Olongia Nebukadnejar malo makusa olei Jedekia u lotadia mola domi Allahu Taa̒ala deu̒ tio matatapu wau molotolo hilao to olei Nebukadnejar. Bo lapatio mao̒ tei Jedekia helo mintaa̒a tingolo to olei Nebukadnejar. Tei Jedekia baaa̒ngiolo to Eeya, Allahu Taa̒ala lo Isirai̒lu. Tio diila lohuto lololaa duduu-saalio wau diila lohuto lohualinga ode Eeya.

NEHEMIA 9:10

Toli olongia lo Masiri hepilohutu mai lo Eeya susuu-aliyaalo upolu-polutuo̒, wau olo to pogawee wau ulipu lo lipulio, sababu otaawa lo Eeya woloolo mola umati lo Eeya hepiloo̒ ngongotio. Lapatao̒ lomasahuru lomola tanggulo Eeya tunggula to dulahe botie.

NEHEMIA 9:29

He dilini lo Eeya timongolio alihu pongaajali lo Eeya dungoheelo, bo timongolio he lopotouli butoo̒ Eeya wolo hilaa mangimangi. Lebe-lebe pomao̒, wonu butoo̒ Eeya poponao̒olo, tantuulo mao̒ maa mowali pongakualo tutumulo. Timongolio baaa̒ngiolo wau diila mowali bolio̒lo huhamaalio, diila mohuto modungohu, diila mohuto motaaa̒ti.

JABURU 106:6

Mongowatotia mai̒lodusa debo odelo loluuhuru lo mongowatotia; mongowatotia malohutu u moleeto wau helomaahe palenta.

JABURU 81:8

To delomo osuusamu timongoli hipo ngiibode, wau Wau̒ lopoa̒ahu mai olimongoli. Tilameta-U̒ mai timongoli lonto bulonggodu tambati pilo tituua̒a-U̒, tilesi-U̒ mai timongoli tobutu lotaluhu Meriba.

PILOTIMUA̒TA 15:26

Tahuda lo Eeya, “Podungohulo ola-U̒ lou̒ tio̒otutua, wau pohutualo wolo u oontonga-U̒ mopiohe; duduui̒lo ngoa̒amila palentaa-U̒. Wonu timongoli mohutu mao̒ odito, timongoli diila tahukuu-maniyo-U̒ wolo ngongoo-towaalo u podungga-U̒ ode taulo Masiri. Wau̒lo Eeya tamo poo̒luli olimongoli.”

PILOTIMUA̒TA 32:9

Otaawa-U̒ deu̒ bangusa boito baa̒ngiola daa̒.

POHUMAYA 29:1

Tatoonu taa tulusi baaa̒ngiolo wonu naseehatiyalo, tou̒ wakutu tuwau mamoa̒ntulu wau diilalo mowali poo̒piohulo.

YESAYA 48:18

Humayaalio yio̒ mopoo̒tuoto totoonulalo palentaa-U̒, yi aamani sontosa wau maa̒mulumu debo odelo dutulaa u diila pee̒enta mao̒ mohengu, wau opaladu mopiohu debo odelo buo̒olo todeheto u diila pee̒enta mao̒ mohuheli.

YESAYA 48:4

Otaawa-U̒ deu̒ yio̒ diila mohuto modungohe, baaa̒ngiola wau abaloolo.

YESAYA 63:10

Bo timongolio lomalakala wau helo posuukali hilaa lo Eeya. Yi Eeya lobale lowali musu limongolio Eeya lohihilao helopaatea loluwali olimongolio.

YEREMIA 19:15

deu̒ Eeya Taa Laba-labaalo kawasa, Allahu Taa̒ala lo Isirai̒lu, lotahuda mai odie, “Sababu timongoli baaa̒ngiolo wau diila lohuto lodungohe, yi Wau̒ mamopo dungga mai ode yitaato kota botie wau ode ngoa̒amila kambungu to palitio totoonulalo baala u mailanjana-U̒ mai.”

YEREMIA 2:31

Wuu umati lo Isirai̒lu, dungohilo tahudaa-U̒ botie. Wolo Wau̒ mapee̒enta debo odelo huta datahu wau luasi daa̒ udelita ode olemu meaambo debo odelo huta u modio̒loma daa̒? Bo yilongola timongoli hemoloi̒ya deu̒ timongoli motohilaa molopato, wau diilalo mohuto mohualingai ode Olau̒?

YEREMIA 7:26

Bo diaaluo talo dungohe meaambo helo po̒tuoto. Timongoli tumbao̒ lowali lebe bilaaa̒ngi wau moleeto wolo loluuhuru limongoli.”

YEHESKIEL 5:6

Bo Yerusalemu malo potouli palentaa-U̒ wau loi̒laalo mai lebe moleeto wolo babaa-ngusawalo wewo, tumbao̒ lebe diila lodungohe wolo lilii-puwaalo to palitio. Yerusalemu helo lambanga ngoa̒amila palentaa-U̒ wau diila lohuto lodungohe butoo̒o-U̒.”

WUNGGULI LOMONGO RASULU 7:51

Donggo boli baaa̒ngilio lo Mongo wutato wau odito totolio modungohe to Allahu Taa̒ala! Bulongamu bungolo tio̒otutua to tahuda lo Allahu Taa̒ala! Timongoli tutuuwauwa woli nenemoya limongoli; laito hemoluwali Rohullah!

ROMA 2:5

Bo timongoli baaa̒ngiola wau diila mohuto molomelo. Masababu uito timongoli lohihilaolo talohutu hukuumani limongoli heo̒duhenga mola buheetio to Dulahe Kiama, wonu Allahu Taa̒ala mopoilaalo mai mulukaa-Lio wau mopodehu hukuumani u aadili.

TINGULI 31:27

Otaawa lowatia timongolio baa̒ngiyolo daa̒ wau ohilaa momalakala. Penu boli watia donggo tumu-tumula olo timongolio hemo malakala to Eeya; tidiyolo de, wonu watia mailate mao̒!

TINGULI 32:15

Umati lo Eeya lowali kaya, bo yinao momalakala, timongolio hiliingohe, hibutuhe lou̒ aalo. Lapatao̒ timongolio lololaa mao̒ Allahu Taa̒ala, Talopowali mai olio wau diila mololimo Tamoo-poa̒ahua olio tamolotolo boli buheli.

TINGULI 5:29

Ntali wonu timongolio laito opongolaasa odito! Ntali wonu timongolio laito mohulumati ola-U̒ wau modungohe ngoa̒amila palentaa-U̒ tilinggula timongolio wau wali mola limongolio moa̒ahu u ohiheo-hiheolo mao̒!

TINGULI 9:13

Eeya olo lotahuda mai olaatia, ‘Otaawa-U̒ bangusa boito baa̒ngiyolo daa̒.

TINGULI 9:27

Ambunguolo eelai mai tomongo wato-Mu Abraham, Isihaka wolei Yako, wau ambunguolo diila mao̒ poo̒tuota siipati baa̒ngiyola, ololeeto wau dusa lobangusa botie.

TINGULI 9:6

Poyakinilo deu̒ Eeya Allahu Taa̒ala limongoli diila mohudu mai huta u molomiodu boito ode limongoli masababu timongoli patuti mololimo mao̒. Diila! Timongoli botie bangusa tabaa̒ngiyolo.

IBRANI 3:13

Oditolio, alihu diaaluo penu boli ngotaa mao̒ to wolotamu u oimbulowa lodusa, tilinggula motehengi to Allahu Taa̒ala, mamusi timongoli monanaa-sehatia timii̒du dulahu ngotilonggadu ito donggo tumutumulo todelomo jamani u ilunte “Dulahe Botie” todelomo Kitabi.

IBRANI 3:15

Uti-utieelo u tulatulade todelomo Kitabi, “Wonu todulahe botie timongoli modungohe suala lo Allahu Taa̒ala, timongoli diila mao̒ potibaa̒ngi, debo odelo loluhurumu, tou̒ timongolio lomalakala to Allahu Taa̒ala.”