NEHEMIA 9:15 - KITABI HABARI MOPIOHE

¹⁵ Tou̒ timongolio hepolaanga wau ilokulangia lo ua̒alo, roti lonto hulungo pilotuhutai lo Eeya. Wau lonto botu u loobuo̒, mototoheto wau moluwalo taluhee poluli totoa̒ngo pilopo tolohei lo Eeya wolo tolo-tolobulio. Ilahula lo Eeya timongolio lotihuloa̒a tohuta u pilodanti mai lo Eeya olio wolo tadia.

NEHEMIA 9:15 ပူးပေါင်းရင်းမြစ်များ

ILOOWALI 14:22

Bo tei Abram lolametao̒, “Watia motadia mai totalu lo Eeya, Allahu Taa̒ala Taa Laba-labaalo molanggato, Talo powali mai hulungo wau dunia,

NEHEMIA 9:20

Wolo kawasa lo Eeya u mopiohu hepilate lo Eeya timongolio. Timongolio lolamelo manna wau longilu taluhu lotuuu̒delo mao̒.

JABURU 114:8

talo lomeelo patihu lowali kulamu lotaluhu, wau hui̒dee botu lowali butu lotaluhu.

PILOTIMUA̒TA 16:4

Tahuda lo Eeya odelei Musa, “Botia matuhuto-U̒ mai ua̒alo uleta-letaao̒ debo odelo didi ode limongoli ngoa̒amila. Timii̒du dulahu timongoli musi mohimoa̒ ua̒alo boito tutuuu̒delo mao̒ tou̒ ngohui. Wolo pohuli boito Wau̒ ohilaa motesi mai umati-U̒ alihu otaawa-U̒ mao̒ wolo timongolio modungohe totoonulalo palentaa-U̒ meaalo diila.

PILOTIMUA̒TA 17:3

Bo tau-tauwala boito malo odito totoa̒ngio wau timongolio hemo hungoto tulusi to olei Musa. Uali mongolio, “Yilongola ami yiluwalumu mai lonto Masiri? Otohilaamu alihu ami, mongo walao̒ lami, bibiahu lami mate lou̒ mototoa̒ngo?”

PILOTIMUA̒TA 17:6

Wau̒ matimihula to talumu toitaato botu leidaa̒ tuwau to Hui̒dee Sinai. Wumbade mao̒ botu boito yi taluhu malumualai tunggula tau-tauwala boito mowali mongilu.” Tei Musa lohutu mao̒ odito silakusia lomongo tau̒wa lo Isirai̒lu.

PILOTIMUA̒TA 6:8

Ngoa̒amila tahuli lo Eeya boito pilopo tunggulao̒ lei Musa ode bangusa lo Isirai̒lu, bo timongolio diila mohuto momandungi olei Musa, sababu polowato udiila omanusia boito malohutu olimongolio heilooli halapani.

YESAYA 48:21

Tou̒ Eeya lodelo olimongolio lolibaya huta datahu wau luasi u mohengu, timongolio diila lodutolaa totoa̒ngo. Eeya lomutao̒ hui̒du botu wau lopotolohe tuluhu, wau lonto botu Eeya lopo pentelai taluhu ode limongolio.

YEREMIA 32:23

Bo tou̒ timongolio lonao̒ mai ode lipu botie wau lohama mao̒, timongolio diila lodungohe to ngoa̒amila palenta lo Eeya, wau diila tilumumulo lodudua̒ ngoa̒amila pongaajali lo Eeya. Ngoa̒amila upilo malenta mai lo Eeya ode limongolio diaaluo penu boli tuwau mao̒ u piloponao̒ limongolio. Sababu uito Eeya lopodungga mai totoonulalo baala botie ode yitaati mongolio.

YEHESKIEL 20:15

To huta luasi ohungayo boito olo Wau̒ helo ngaanjamu deu̒ bangusa lo Isirai̒lu diila tadeloo-U̒ tumuwoto ode huta u mapilohetu ode limongolio, huta u kaya wau molomiodu boli mopiohe daa̒ to ngoilanggubu dunia.

YIA̒APO 14:30

Ngopohia tei Kale wolei Yosua, diaaluo penu boli ngotaa mao̒ towolota limongoli tao̒ umulu dulopulu lotaunu ode yitaato matumuwota ode lipu u pilodanti-U̒ mai olemu boito.

TINGULI 1:8

Wau̒, Eeya, malodanti mai ngoilanggubu huta boito ode loluuhurumu tei Abraham, Isihaka wolei Yako wau wali mai limongolio. Oditolio ponao̒lo mota motihuloa̒ tohuta boito.’ ”

TINGULI 8:3

Tio lopoluli mao̒ olimongoli pola-polaango, lapatao̒ timongoli yilohia-Lio maana u mowali aaloolo. Timongoli wau loluuhuru limongoli diila pee̒enta mao̒ lolamela ua̒alo boito tou̒ dipo-dipolulio mai. Eeya helohutu mao̒ odito u mongaajali mai olimongoli deu̒ manusia diila bo tumumulo monto ua̒alo wambao̒, bo monto totoonulalo hitua-tuawua u pilotahuda mai lo Eeya.