NEHEMIA 9:14 - KITABI HABARI MOPIOHE

¹⁴ Dulahu Saabati u mantali musi polameya mao̒ limongolio, wau lotimbulude olei Musa butoo̒ Eeya yilohi mai lo Eeya.

NEHEMIA 9:14 ပူးပေါင်းရင်းမြစ်များ

ILOOWALI 2:3

Yi bilalakatia-Lio dulahee u opitulio boito wau pilopowali-Lio dulahee utolo-tolomodu, sababu todulahee boito Allahu Taa̒ala lohuheli lapatio mao̒ lopoo̒ lapato kalajaa-Lio.

NEHEMIA 1:8

Yaa Eeya, aambunguolo eelailo mai tataa-heyaalo Eeya uiloi̒ya lei Musa to palenta mai lo Eeya, deu̒ wonu mongowatotia, diila tatapu wau molotolo hilao to Eeya, mongowatotia mapo bubuualawa towolota lo babaa-ngusawalo.

NEHEMIA 10:32

Timii̒du taunu ami ngota-ngota mamopo dembulo mao̒ limo loharamu talaa̒ duo̒lo oonggosi Bele lo Eeya.

PILOTIMUA̒TA 16:23

Ualei Musa ode limongolio, “Uti-utieelo palenta lo Eeya: Loombu yito tolomodu dulahu u pohuheliyalo, dulahu Saabati, dulahu u pilopo dewo ode Eeya. Wolo u otohilaa panggangio limongoli dulahee botie, panggangiyalo, wau wolo u otohilaa lahee limongoli, laheyalo. U lebe lou̒ palaluolo todulahee botie bua̒awa mao̒ wau tahuwa mao̒ u loombulio mola.”

PILOTIMUA̒TA 16:29

Eelailo deu̒ Wau̒ mongohi mai dulahee tuwau u pohuheliyalo. Uitolo sababuulio todulahee u olomio Wau̒ mongohi mai ua̒alo u tutuuu̒de duo̒lo duuhui mola. Todulahee opitulio timii̒du tau musi motibiluloa̒ tobele, wau diila mowali lumualo.”

PILOTIMUA̒TA 24:12

Lapatao̒ Eeya lotahuda odelei Musa, “Potao̒dulo mai ode ola-U̒ toitaato hui̒dee. Teto mawohi-U̒ mai olemu botu mohelu duluo u tiluladu-U̒ wolo ngoa̒amila butoo̒o-U̒. Ngoa̒amila butoo̒ boito wohi-U̒ mai odelo pongaajali ode bangusa boito.”

YEHESKIEL 20:11

Mola teto, yilohi-U̒ olimongolio papaa-lentaa-U̒ wau pilo ngaajali-U̒ bubuu-too̒o-U̒ u musi dungohe limongolio, sababu taa u modungoheo̒ madebo tumumulo.

YEHESKIEL 20:12

Ilahulaa-U̒ timongolio mohulumati dulahu Saabati odelo tuoto lo daantia-U̒ woli mongolio, u mopoe̒ela olimongolio deu̒ Wau̒ulo Eeya, malo potolomodu olimongolio ode Olau̒.

YEHESKIEL 20:20

Hulumatiyalo dulahu Saabati alihu mowali tuotolo daantia to wolota-U̒ woli mongoli, u mopoe̒elao̒ olimongoli deu̒ Wau̒ulo Allahu Taa̒ala limongoli.’

IMAAMATI 19:3

Timii̒du tau musi mohulumati oliyamo wau oliilolio wau mopolame mao̒ dulahu Saabati debo odelo upilo malentaa-U̒ mai. Wau̒ Eeya Allahu Taa̒ala limongoli.

IMAAMATI 27:34

Ui-uitolo palenta uilohi mai lo Eeya odelei Musa toitaato Hui̒dee Sinai ode bangusa lo Isirai̒lu. 83

YAHYA 1:17

Butoo̒ Eeya tilolimonto lotimbulude olei Musa. Bo ponu wau otatapu wau olootolo hilao lo Allahu Taa̒ala piloi̒laalo lotimbulude li Isa Almasi.

TINGULI 4:45

Sua̒li boito pilohutulio lapatao̒ timongolio yilumualai lonto Masiri wau woluo to lumbaya ambahu tiimuru lo Dutulaa Yordan, tataalua wolo kota Bet-Peor. Madala boito bakasi madala lei Sihon, olongia taulo Amori, tamuloololio mai pare-pareenta to kota Hesybon. Tei Musa wau bangusa lo Isirai̒lu lopoo̒laaheo̒ olio tou̒ timongolio yilumualai lonto Masiri.

TINGULI 4:5

Ngoa̒amila butoo̒ boito pongaajali mai lowatia ode limongoli debo odelo upilo malentai lo Eeya Allahu Taa̒ala laatia. Dungohe mao̒ ngoa̒amilalo boito tolipu u matuwoto wau potibiluloa̒ limongoli boito.

TINGULI 5:31

Bo yio̒, Musa, muli pohualingai wau potibiluloo̒lo teea wola-U̒; to olemu mawohiya-U̒ mai ngoa̒amila butoo̒ wau palentaa-U̒. Poa̒ajalia mao̒ olimongolio, alihu timongolio modungoheo̒ tolipu uwohi-U̒ mai olimongolio.’