NEHEMIA 9:10 - KITABI HABARI MOPIOHE

¹⁰ Toli olongia lo Masiri hepilohutu mai lo Eeya susuu-aliyaalo upolu-polutuo̒, wau olo to pogawee wau ulipu lo lipulio, sababu otaawa lo Eeya woloolo mola umati lo Eeya hepiloo̒ ngongotio. Lapatao̒ lomasahuru lomola tanggulo Eeya tunggula to dulahe botie.

NEHEMIA 9:10 ပူးပေါင်းရင်းမြစ်များ

NEHEMIA 9:16

Bo loluuhuru lo mongowatotia soombongi wau baaa̒ngiolo; totoonulalo palenta lo Eeya diila dilungohe limongolio.

NEHEMIA 9:29

He dilini lo Eeya timongolio alihu pongaajali lo Eeya dungoheelo, bo timongolio he lopotouli butoo̒ Eeya wolo hilaa mangimangi. Lebe-lebe pomao̒, wonu butoo̒ Eeya poponao̒olo, tantuulo mao̒ maa mowali pongakualo tutumulo. Timongolio baaa̒ngiolo wau diila mowali bolio̒lo huhamaalio, diila mohuto modungohu, diila mohuto motaaa̒ti.

JABURU 83:18

Huliilo mao̒ timongolio ohiheolo mao̒ poo̒olitolo wau duiduito, huliilo mao̒ timongolio mate todelomo hihiina.

PILOTIMUA̒TA 18:11

Botia otaawa lowatia deu̒ Eeya lebe udaa̒ wolo ngoa̒amila ila, sababu ngoa̒amila boito pilohutu-Lio tou̒ taulo Masiri helo tihutu sombongi daa̒ to taulo Isirai̒lu.”

PILOTIMUA̒TA 3:20

Bo Wau̒ mamomake okokawasaa-U̒, wau mohukuumani Masiri wolo baala ulaba-labaalo, u podunggaa-U̒ mola teto. Lapatao̒ uito, tio mamo poluasi mao̒ olimongoli monao̒.

PILOTIMUA̒TA 5:2

“Tatoonu Eeya boito?” yilintu mao̒ li olongia. “Yilongola wau̒ musi momandungi Olio wau mopoluasi mao̒ bangusa lo Isirai̒lu monao̒? Diila otaawau̒ Eeya boito, wau taulo Isirai̒lu diila wohiu̒ monao̒.”

PILOTIMUA̒TA 7:1

Eeya lotahuda odelei Musa, “Wau̒ mamo powali olemu debo odelo Allahu Taa̒ala totalu li olongia, wau wutatumu tei Haruna mamo bisala to olio odelo nabimu.

PILOTIMUA̒TA 9:16

Bo timongoli hiluliya-U̒ mao̒ tumu-tumulo, alihu Wau̒ mowali mopo bilohei okokawasaa-U̒ to olemu, tilinggula tanggulu-U̒ mowali polu-polutuo̒ to ngoilanggubu dunia.

YESAYA 42:20

Isirai̒lu, dadaata u iloontongamu, bo diila piloo̒-tuotumu, bulongamu huo̒huo̒, bo yio̒ diila moo̒dungohu.”

YESAYA 63:12

Tou̒toonu Eeya tapee̒-pee̒enta wolei Musa wolo uluu̒-Lio u molotolo boli buheli daa̒, wau lomutaa̒a taluhu totalu limongolio alihu tanggu-Lio meimasahuru ohiheo-hiheolo mao̒?

YESAYA 63:14

Eeya lodelo olimongolio ode tambati pohuheliyalo, debo odelo bibiahu dileloo mota yilonga huo̒yoto tohuta u luasi daa̒. Odieelo mola Eeya lodelo umati-Lio, alihu tanggu-Lio pou̒daa̒alo.

YEREMIA 32:20

Muloololio mai daa̒ Eeya helohutu u moo̒linggolabu wau susuu-aliyaalo upolu-polutuo̒ to Masiri, wau demai botia olo Eeya debo donggo hemohutu mai, mopio towolota taulo Isirai̒lu boli towolota lo totoonulalo bangusa wewo. Sababu uito botia Eeya masa-masaahulu penu boli tou̒toonu.

YEHESKIEL 20:9

Bo Wau̒ diila lohutu mao̒, alihu tanggulu-U̒ diila mao̒ hinaa lo babaa-ngusawalo to tambati ilowoluwoa limongolio. Sababu totalu lo babaa-ngusawalo boito, Wau̒ malo pomalalumu deu̒ bangusa lo Isirai̒lu madeloo-U̒ lumuala lonto Masiri.

DANIALI 4:37

Oditolio botia wau̒, Nebukadnejar, momuji, mopolaia̒ wau mopolamahu Olongia lo Sologa. Totoonulalo huhutuu-Lio otutu wau aadili, wau Tio mambo mopodupapa taa u motihutu sombongi.

DANIALI 5:23

Ti Tuani lowatotia lotilaio̒ batanga ode Eeya tosologa wau buheli lei̒ tuwotao̒ mamaa-nggowaalo u mailambato lonto Bele lo Eeya. Lapatao̒ ti Tuani lowatotia wau taduduulaa̒ lolipu, mongodile wau mongopipia li Tuani lowatotia longilu to mamaa-nggowaalo boito. Ti Tuani lowatotia helomuji-muji dedeewaalo upilohutu lonto hulawa, talaa̒, tombaha, wate, ayu wau botu, dedeewaalo udiila mowali moo̒onto, meaalo moo̒dungohu boli mongalati wolo-wolo. Ti Tuani lowatotia diila mohulumati Allahu Taa̒ala tamolantu mai tutumulo meaala mate li Tuani lowatotia wau molantu mai dalalo tutumulo li Tuani lowatotia.

DANIALI 9:15

Oo Eeya, Allahu Taa̒ala lo mongowatotia, Eeya malopo bilohei kawasa lo Eeya wolo lodelo umati lo Eeya yilumualai lonto Masiri, wau kawasa lo Eeya boito debo donggo tolo eela. Mongowatotia mai̒lodusa wau helohutu totala.

WUNGGULI LOMONGO RASULU 7:36

Tei Musa boitolo talodelo bangusa lo Isirai̒lu yilumualai lonto Masiri wolo helohutu u moo̒linggolabe wau susuu-aliyaalo upolu-polutuo̒ to Masiri, to Deheto Meela, wau tohuta datahu u luasi daa̒ wau delita wopato pulu lotaunu mola.

ROMA 9:17

Sababu todelomo Kitabi tulatulade, “Allahu Taa̒ala lotahuda odeli olongia lo Masiri, Wau̒ mopowali olemu olongia wolo makusudu bo tuwau botie wambao̒, deu̒ito-yito alihu wolemu, Wau̒ mopo bilohei okokawasa-U̒ wau mohutu tanggulu-U̒ masa-masahulu to ngoilanggubu dunia.”

TINGULI 4:34

Wolo tingga woluo ila tuwau u buheli mohama mao̒ bangusa tuwau monto babaa-ngusawalo tawoluo tulusi mopowali mao̒ olimongolio umatilio lohihilao, debo odelo u pilohutu lo Eeya Allahu Taa̒ala limongoli ode limongoli to Masiri? Timongoli loo̒onto lohihilao woloolo mola Allahu Taa̒ala wolo olootolo uleidaa̒ lopodungga mai baala wau popaatea, helo kalaja totoonulalo moo̒linggolabe wau helohutu susuu-aliyaalo moo̒tihela hapato.

TINGULI 7:19

Eelai mola babaa-lawaalo ulaba-labaalo u silakusia limongoli lohihilao, totoonulalo moo̒linggolabu, wau olootolo daa̒ u pilomake lo Eeya Allahu Taa̒ala limongoli u lolopato olimongoli. Odito olo Eeya Allahu Taa̒ala limongoli mamo pohutu mao̒ to ngoa̒amila bangusa tao̒ohe limongoli.

1 PETRUS 5:5

Odito olo Wutato, tau-tauwalo tahumula. Potaa̒lukulo totau-tauwalo tahi hulanga. Mongo wutato ngoa̒amilalo musi motidupapa lobatanga wau momaa-maayawa wolo dupadupapa lohilao. Sababu todelomo Kitabi tulatulade odie mola, “Allahu Taa̒ala motehengi taa sombongi, bo momonu tadupa-dupapa lohilao.”