NEHEMIA 9:1 - KITABI HABARI MOPIOHE

^1-2 To boitolo, ulipu lo Isirai̒lu lotia̒mbu mao̒. Tmongolio helopuasa u lopobiloheo̒ ololee̒e to duduu-sawaalo limongolio. Timongolio helo pohalahe batanga lonto ngoa̒amila tau deli. Odelo tuoto ilodungga lou̒ suukali, timongolio helomake kaingi kado wau helo mua̒yadeo̒ huta to lunggongi mongolio. Lapatao̒ timongolio tilimihula mola wau helongaku totoonulalo dusa limongolio wau dusa loluuhuru limongolio.

NEHEMIA 9:1 ပူးပေါင်းရင်းမြစ်များ

OLUO LO SAMUEL 1:2

Loloombulio mola, malonao̒ mai tabohulotau ngota lonto pilo tikemawa lei Saul. Odelo tuoto limilimi tio malo ngaidingo pakeyangilio wau lopodutu huta toitaato lunggongio. Tio lonao̒ mai odelei Dauda wau losujudulo mola totalulio.

OLUO TAWARI 20:3

Tei Yosapat mailoohe tulusi tio lodua̒ mola lohile potuhata lonto Eeya. Lapatao̒ tio helo malentao̒ alihu ngoilanggubu ulipu mopuasa mola.

OLUO TAWARI 7:10

wau loombu mola dulahio, todulahu odulo pulaa totolu hulalo opitulio, tei Salomo helo poa̒hu tau-tauwalo boito lohualingo. Timongolio hiwengahe to ngoa̒amila umopiohu u hepilohutu mai lo Eeya ode bangusa lo Isirai̒lu umati-Lio, odelei Dauda wolei Salomo.

ESRA 8:21

Lapatao̒ tobiihu Dutulaa Ahawa boito wau̒ helo pomalalumu mola deu̒ ngoa̒amila musi mopuasa wau motidupapa batanga totalu lo Allahu Taa̒ala. Ami helodua̒ mola alihu Allahu Taa̒ala modelo olami todelomo nonao̒ boito, wau moduo̒lai olami, mongo walao̒ lami, wau totoonulalo miliki lami.

ESRA 8:23

Yi malo puasaalo ami wau helodua̒ mola to Allahu Taa̒ala lei̒ duo̒lai wau Allahu Taa̒ala olo lodungohe dua̒ lami.

NEHEMIA 8:2

Lapatao̒ tei Esra lodelo mota buku boito ode talu lo majilisi u tilitangoa lou̒ mongo lolai̒, mongo bua tau̒ kekeei̒ tamotuheta moontapo u mongalati.

ESTERI 4:16

“Ambualo mao̒ ngoa̒amila taulo Yahudi tawoluo to Susan u modua̒ mola olau̒. Diila mao̒ polamelo wau pongilu ngotilonggadu huilio totolu wau dulahio totolu. Wau̒ lohihilao wau mongo dulahu tahi pomayawa olau̒ mamopuasa mola olo. Lapatao̒ uito wau̒ mamotaalua woli olongia, penu boli uito molambanga wuwuu-uduwaalo. Wonu wau̒ musi mate kalana uito, huliilo mao̒ wau̒ mate!”

ESTERI 4:3

Wau olo to ngoa̒amila polopinsi, tau-tauwalo Yahudi helo hilimuta lapatao̒ palenta li olongia pilomalalumu mola. Timongolio helo puasa, hilumoyongo wau helo podulohu, wau dadaata to wolota limongolio helomake kaingi kado wau helo tibalata toitaato peyahuo̒.

AYUBA 2:12

Bo tou̒ lonto u molamingo timongolio loo̒onto olei Ayuba, timongolio ngopee̒ diilalo moo̒onuhe olio. Yi hilumoyongo timongolio wolo hungga-hunggalao̒ wau helo ngaidingo pakeyangi limongolio boli lomua̒yade mola peyahuo̒ ode dulente wau to lunggongi mongolio.

YESAYA 22:12

Tou̒ boito Eeya Taa Laba-labaalo molanggato wau Laba-labaalo kawasa mopoa̒hu olimongoli humoyongo wau mohilimuta, monguluhe lunggongo wau momake kaingi kado.

YOEL 2:12

Eeya lotahuda mai, “Bo masaatia botie, muli pohualingolo mai ode Olau̒ wolo lealeaatu lohilao, sambela hipuasawa, he hilimutawa wau he hiyonga.

IMAAMATI 23:39

Lapatao̒ mongotolo, tumulalo mao̒ dulahu opulaa limo hulalo opitulio, timongoli musi mohutu mao̒ lameyangi ngotilonggadu pituhui mola. Todulahee ubohulio wau u owalulio yi todulahee utolomodu pohuheliyalo.

YOSUA 7:6

Tei Yosua wolo mongo tau̒wa umati lo Isirai̒lu masiluukali daa̒ tilinggula timongolio helongai-ngaidinga pakeyangi limongolio, wau ilo-ilolaanga demola hui timongolio helo sujudu totalu Bulua Daantia lo Eeya wau helo podutu peaahuo̒ to lunggongi mongolio odelo tuoto masiluukali lohilao.

WAHI 11:3

Wau̒ mamolao mai duulota sakusii-U̒ tapakepake boo̒ limilimi, wau timongolio mamopo malalumu habari lo Allahu Taa̒ala ngotilonggadu ngolihu dulo hetuto wolomo pulu hui mola.”

MONGO HAKIMU 20:26

Yi luli lonao̒ mola poli umati lo Isirai̒lu ode Betel wau hilumoyongo to Eeya. Mola teto timongolio helopuasa ilo-ilolaanga wau lopodewo bake lo polodame wau bake yilalango ode Eeya.

BOHULO SEMUEL 4:12

Ngotaalio lonto suku Benyamin tilumetea̒ lonto tambati lo popaatea ode Silo, wau leidungga mota odito to dulahulo boito. Odelo tuoto lou̒ limilimi, makile-kiledengio pakeyangilio wau diulutualio huta to lunggongio.

BOHULO SEMUEL 7:6

Lapatao̒ malo ambuwa timongolio ngoa̒amila to Mispa. Timongolio helo luuntu taluhu tulusi loluangao̒ odelo podewo ode Eeya, lapatao̒ timongolio lopuasa ngohilayao̒ dulahee boito. Uali mongolio, “Amiaatia mailodusa to Eeya.” (To Mispa boito tei Semuel malo poo̒lapato ngoa̒amila palakala hulinggila taulo Isirai̒lu.)