NEHEMIA 8:7 - KITABI HABARI MOPIOHE

⁷ Lapatao̒ uito timongolio maa lobongu wau tilimihula mola to tambatilio ngota-ngota, sambela ngojumulaa taulo Lewi helo tombangao̒ Butoo̒ boito ode limongolio. Tau-tauwalo Lewi boito yito: tei Yesua, Bani, Serebya, Yamin, Akuba, Sabetai, Hodia, Maaseya, Kelita, Ajarya, Yojabad, Hanan wolei Pelaya.

NEHEMIA 8:7 ပူးပေါင်းရင်းမြစ်များ

BOHULO MONGO OLONGIA 8:14

Lapatao̒ lodua̒ mola, ti Olongia Salomo lopalingga mota ode ngoilanggubu ulipu tadonggo hitihula teto, tulusi helo molohone balakati lo Allahu Taa̒ala ode limongolio.

OLUO TAWARI 30:22

Tau-tauwalo Lewi boito odito motoloo̒ lotitau̒wa to ibaadati ode Eeya, tilinggula tei Hiskia helomuji olimongolio. Lapatao̒ pitu hui mola hiheolio timongolio heloo̒ lamitao̒ ua̒alo lonto rameyangi boito wau helo podewo bake u lolapali oduo̒lo to Eeya, loluuhuru limongolio,

OLUO TAWARI 35:3

Tau-tauwalo Lewi tamaa pilopo tolomodu ode Eeya, wau talowali guguu-ruwaalo Isirai̒lu heloo̒tapu palenta odie lonto olei Yosia, “Podutua mao̒ Bulua Daantia lo Eeya umantali boito todelomo Bele lo Eeya u bilongu li Olongia Salomo walao̒ talolai̒ lei Dauda. Diilalo mao̒ helimba-limbata limongoli. Pomayaalo to Eeya Allahu Taa̒ala limongoli wau bangusa lo Isirai̒lu umati-Lio.

ESRA 8:18

Sababu oopiohu hilaa lo Allahu Taa̒ala, timongolio lolao mai ode olami tei Serebya, ngotaalio lo Lewi tamotoloa̒a pikiilangilio lonto kaumu Mahli. Pee̒-pee̒enta wolio lonao̒ mai olo tau̒ kekeei̒ wau mongo wutatio, ngojumula mopulaa walu lota.

NEHEMIA 10:2

Mongo iimamu Seraya, Ajarya, Yeremia, Pasyhur, Amarya, Malkia, Hatus, Sebanya, Malukh, Harim, Meremot, Obaja, Daniali, Geneton, Barukh, Mesulam, Abia, Miyamin, Maajya, Bilgai wolei Semaya.

NEHEMIA 11:19

Tahi podahawa huhebu hulubangi: Tei Akuba, Talmon wau mongo sahaabati limongolio. Ngoa̒amilalo ngojumulaa ngohetuto pitu lopulaa duulota.

NEHEMIA 12:33

Mongo iimamu wumbutio mola botie helonao̒ towulea limongolio sambela hipohiipa mola toroompeti: tei Ajarya, Esra, Mesulam, Yehuda, Benyamin, Semaya wolei Yeremia. Timongolio tilunuhe lei Jakaria walae̒e Yonatan wau wombu lei Semaya. Dengolo lota lonto linenemoyalio yito: tei Matanya, Mikha, Jakur lonto kaumu Asap.

NEHEMIA 3:17

Dengolo tayadu dingingo meeseli wumbutio mola hebilongu lotau-tauwalo Lewi todelomo toyunuto odie: Tei Rehum walae̒e Bani Tei Hasabya, takawa-kawasa ngotayadu distriki lo Kehila. Tayadu dingingo meeseli ode distrikilio lohihilao. Tei Binui walae̒e Henadad, takawa-kawasa ngotayadu Distriki lo Kehila. Tei Ejer walae̒e Yesua, takawa-kawasa to Mispa: dingingo meeseli totutu lo dalaalo totalu lohudungu lo tingolo. Tei Barukh walae̒e Jabai: dingingo meeseli lonto tutulo dalaalo demota huhebu hulubangi bele li Iimamu Daa̒ Elyasib. Tei Meremot walae̒e Uria wau wombu lei Hakos: wimbihu dingingo meeseli lonto huhebu bele lei Elyasib demota huudu bele boito.

NEHEMIA 8:12

Yi malo hualingo ngoilanggubu ulipu mota lolamelo wau longilu wau he lolaya-layaadeo̒ ua̒alo wau u yilumolo ode tau-tauwalo wewo. Timongolio lotiwengahe sababu malongalati boli lo bacaaa̒ni u ilodungohe limongolio boito.

NEHEMIA 8:4

Tei Esra tilimihula mola tomimbari lo ayu u mapilohutu ode kaparluwani lo dudunggaya boito. To ambahu olowalalio hitihula tau-tauwalo botie: tei Matica, Sema, Anaya, Uria, Hilkia wolei Maaseya; hiambola to ambahu oloihilio hitihula: tei Pedaya, Misael, Malkia, Hasum, Hasbadana, Jakaria wolei Mesulam.

NEHEMIA 8:6

Tei Esra loloi̒ya mao̒, “Pujialo mola Eeya, Allahu Taa̒ala taa udaa̒!” Ngoilanggubu ulipu helo mintaa̒a mola uluu̒lio lola-langgotolo mao̒ wau lolameto, “Amin, amin!” Tulusi timongolio losujudu lomola helolubo Allahu Taa̒ala.

NEHEMIA 8:8

Timongolio helo tohuwale mao̒ Butoo̒ Allahu Taa̒ala boito ngotayade domi ngotayade wau helo tombangao̒ tilinggula ulipu loo̒ paahamu u pilobaca boito.

NEHEMIA 9:3

Ngotilonggadu tanu tolo jamu mola, buku Butoo̒ lo Eeya, Allahu Taa̒ala limongolio, hepilo bacalio mao̒ ode limongolio wau ngotilonggadu tolo jamu wumbutio mola timongolio helongaku duduu-sawaalo limongolio. Lapatao̒ uito timongolio losujudu wau helolubo Eeya, Allahu Taa̒ala limongolio.

NEHEMIA 9:4

Teto woluo mimbari ode tau-tauwalo Lewi wau toitaatio tihutihulo tei Yesua, Bani, Kadmiel, Sebanya, Buni, Serebya, Bani wolei Kenani. Wolo suala daa̒ timongolio helodua̒ mola ode Allahu Taa̒ala limongolio.

IMAAMATI 10:11

Ngoa̒amila butoo̒ uilohi-U̒ mai olemu lotimbulude to olei Musa, musi mowali pongaajali mao̒ limongoli ode bangusa lo Isirai̒lu.”

MALEAKHI 2:7

Memangi uwajibu tomongo iimamu mongaajali mao̒ u otutu pasali ola-U̒, Eeya Taa Laba-labaalo molanggato. Toli mongoliolo ulipu musi mohintu wolo kahandaki-U̒, sababu timongolio boito mongo otoliya-U̒.

TINGULI 33:10

Timongolio helo ngaajali umati lo Eeya lodungoheo̒ ngoa̒amila palenta lo Eeya wau helo podewo bake toitaato mesba lo Eeya.