NEHEMIA 8:6 - KITABI HABARI MOPIOHE

⁶ Tei Esra loloi̒ya mao̒, “Pujialo mola Eeya, Allahu Taa̒ala taa udaa̒!” Ngoilanggubu ulipu helo mintaa̒a mola uluu̒lio lola-langgotolo mao̒ wau lolameto, “Amin, amin!” Tulusi timongolio losujudu lomola helolubo Allahu Taa̒ala.

NEHEMIA 8:6 ပူးပေါင်းရင်းမြစ်များ

ILOOWALI 14:22

Bo tei Abram lolametao̒, “Watia motadia mai totalu lo Eeya, Allahu Taa̒ala Taa Laba-labaalo molanggato, Talo powali mai hulungo wau dunia,

ILOOWALI 24:26

Yi sujudulo mola wato boito lolubo Eeya.

BOHULO TAWARI 16:36

Pujiaalo mola Eeya, Allahu Taa̒ala lo Isirai̒lu, botia wau ohiheo-hiheolo mao̒! Lapatao̒ ngoilanggubu umati lo Isirai̒lu loloi̒ya “Amin”, tulusi timongolio helomuji mola Eeya.

BOHULO TAWARI 29:10

Totalu lotaa dadaata boito ti Olongia Dauda helomuji mola to Eeya. Tio loloi̒ya, “Yaa Eeya Allahu Taa̒ala tahe tuboo lei Yako loluuhuru lo mongowatotia, ilopujialo mola Eeya u ohihieo-hiheolo mao̒!

BOHULO TAWARI 29:20

Lapatio mao̒ lodua̒ mola odito, tei Dauda loloi̒ya mao̒ totaa dadaata tahi ambua teto, “Pujialo mola Eeya Allahu Taa̒ala limongoli!” Yi ngoa̒amila tau boito hipomuji-mujia mola Eeya Allahu Taa̒ala tahe tuboo loluuhuru limongolio. Lapatao̒ timongolio losujudu lomola u lohurumati Eeya wau olongia.

OLUO TAWARI 20:18

Yi losujudu lomola ti Olongia Yosapat. Ngoilanggubu ulipu lodudua̒ olio losujudu helolubu to Eeya.

OLUO TAWARI 29:10

Botia wau̒ ohilaa mohutu daantia wolo Eeya, Allahu Taa̒ala lo Isirai̒lu, alihu Eeya diilalo momuluka mai olanto.

OLUO TAWARI 29:30

Ti Olongia wau tahimuloa lo ulipu helo poa̒hu tau-tauwalo Lewi lopolahu mola ode Eeya puji poloi̒laalo momuji u kilaalangi lei Dauda woli Nabi Asap. Ngoa̒amila tau hemo polahu mola wolo wengahe daa̒ sambela hibonggohuu̒a wau hipoluboa Allahu Taa̒ala.

OLUO TAWARI 6:4

Tio loloi̒ya, “Muloololio mai Eeya malodanti ode liyamau̒ Dauda odie, ‘Anggadu Wau̒ lodelo umati-U̒ yilumualai lonto Masiri tunggula todulahee botie, tolipu lo Isirai̒lu diaaluo kota penu boli tuwau mao̒ u tilulaotu-U̒ lowali tambati tou̒toonu musi pomongulalo bele duo̒lo tambati poi̒baadatiala ola-U̒, wau diaaluo penu boli ngotaa mao̒ tatilulaotu-U̒ u motitau̒wa to umati-U̒ Isirai̒lu. Bo botia Wau̒ molulaotao̒ Yerusalemu odelo tambati poi̒baadatiala ola-U̒. Wau yio̒, Dauda, tulaoto-U̒ u momalenta umati-U̒.’ Ilopujialo mola Eeya Allahu Taa̒ala lo Isirai̒lu tamalo eelai danti-Lio boito!”

NEHEMIA 5:13

Lapatao̒ bilua̒duu̒ mao̒ bintolo wohutaau̒ tulusi pilongee̒eu̒ mao̒ sambela loloi̒ya, “Odi-odieelo mola patutilio Allahu Taa̒ala mopongee̒ mai timii̒du taa u diila moe̒ela dantilio. Tau boito mamowali sikisa, bele wau totoonulalo harataalio mahamaa lo Allahu Taa̒ala!” Ngoilanggubu majilisi helo lametao̒, “Amin!” tulusi lomuji mola to Eeya. Yi mongo tau̒wa boito malo poo̒polu mao̒ danti limongolio.

NEHEMIA 8:7

Lapatao̒ uito timongolio maa lobongu wau tilimihula mola to tambatilio ngota-ngota, sambela ngojumulaa taulo Lewi helo tombangao̒ Butoo̒ boito ode limongolio. Tau-tauwalo Lewi boito yito: tei Yesua, Bani, Serebya, Yamin, Akuba, Sabetai, Hodia, Maaseya, Kelita, Ajarya, Yojabad, Hanan wolei Pelaya.

JABURU 134:2

Bintaa̒a mola uluu̒mu ode tambati u mantali, wau pomujilo Eeya!

JABURU 141:2

Tilomowalo dua̒ lowatotia odelo dewo lodupa, wau uluu̒ watotia u bua̒bua̒ade odelo bake hui.

JABURU 28:2

Dungohilo mai polohone lowatotia wonu watotia monguatia̒ mei̒ tuulungi, wau momintaa̒ mola uluu̒ watotia ode mantahu Bele lo Eeya u mantali.

JABURU 41:13

Eeya lotulungi mai olo watotia sababu otuulusi lo watotia, wau helohutu tutumulo watotia pee̒-pee̒enta wolo Eeya u ohiheo-hiheolo mao̒.

JABURU 63:4

Ponu lo Eeya lebe ohalaga wolo tutumulo, sababu uito watotia mosukuru mola to Eeya.

JABURU 95:3

Sababu Eeya yito Allahu Taa̒ala tau̒daa̒, Olongia tamolotolo boli buheli tamo ngawaasa totoonulalo dedeewaalo.

PILOTIMUA̒TA 12:27

Timongoli musi molametao̒, ‘Utie bake lo Paska u mohulumati Eeya, sababu bele lotau-tauwalo Isirai̒lu to Masiri yilaode-Lio mao̒, tou̒ Tio helomate mateelo mao̒ mongo walao̒ talolai̒ mohuhula daa̒ lo Masiri, wau ito piloluli-Lio mao̒ hitumula!’ ” Yi loti bonggohuu̒lo mola tau-tauwalo Isirai̒lu wau helolubo.

PILOTIMUA̒TA 4:31

Yi maa pilalacaya timongolio, wau tou̒ timongolio loo̒dungohe deu̒ Eeya malo poo̒tuotai bangusa lo Isirai̒lu wau maloo̒onto ngoa̒amila polodutoli mongolio, timongolio losujudu lolubo.

YEREMIA 28:6

“Mopiohu! Pohileaala dua̒ wambai̒o lamaalani lowatia boito mowali motoduo mai, wau Eeya otu-otuulo mao̒ muli modelo mai monto Babel babaa-langiyalo Bele lo Eeya pee̒-pee̒enta taa umapilo layahio mola odito.

IMAAMATI 9:24

Debolo Eeya lopo tuhutai tulu ulomobu tunggula yilaahu bake yilalango wau wimbi-wimbihio u otabo toitaato mesba. Tou̒ umati lo Isirai̒lu loo̒onto mao̒ uito, timongolio helo ngibo-ngiibode meengahe tulusi helo sujudu wau lolubo.

MATIUSI 26:39

Lapatao̒ ti Isa lonao̒ mota lebe lolaminga ngopee̒, tulusi Tio leidumulo lomola tohuta wau lodua̒. “Paapa,” ua-Lio, “Wonu mowali, polaminga mao̒ monto olaatia sikisa u musi dutola lowatia botie. Bo diila moduduo̒ hilaa lowatia, bo moduduo̒ u tohilaa li Paapa.”

MATIUSI 6:13

Diila mao̒ polulia mai mongowatotia oolia lo palacaya tou̒ mongowatotia yimontalalio bo lopatalo mai mongowatotia monto kawasa lo Ibilisi. [Eeyaalo Olongia tao̒kawasa wau molamahu u ohiheo-hiheolo mao̒. Amien.]’

1 KORINTUS 14:16

Sababu wonu Wutato molapali mola oduo̒lo ode Allahu Taa̒ala wolo rohumu wambao̒, wau woluo taawewo tadiila mongalati lo bahasa moo̒linggolabe u monto Rohullah boito, yi tau boito diila mowali moloi̒ya, “Watia akolo” todua̒ lo sukurumu boito; sababu diila otaawalio wolo uiloi̒ya lo Wutato.

EPESUS 1:3

Ilopujialo mola Allahu Taa̒ala, ti Paapa Eeyanto Isa Almasi! Tio labalakati mai olanto wolo totoonulalo balakati rohu todelomo sologa, sababu ito lotituwau woli Almasi.

1 TIMOTIUS 2:8

Otohilaa lowatia alihu penu boli tou̒toonu kaumu mongo lolai̒ modua̒ mola wolo hilaa u mantali, diaaluo oyiyingo meaalo polo buutola.

1 PETRUS 1:3

Duloolo ito mosukuru mola ode Allahu Taa̒ala, ti Paapa Eeyanto Isa Almasi! Malo odito ponu-Lio olanto, uito sababuulio Tio longohi mai olanto tutumulo bohu, lou̒ luli lopotumulai li Isa Almasi lonto opopate. Utie mongohi mai olanto halapani u motoheeto.

WAHI 7:11

Ngoa̒amila malai̒kati hitihula lomalito tambati huhuloa̒ li olongia wolo mongo tau̒wa wau opaato mahaluku boito. Mamaa-lai̒katiyalo boito leidambao̒lo mola totalu tambati huhuloa̒ li olongia tulusi lolubo Allahu Taa̒ala.