NEHEMIA 8:2 - KITABI HABARI MOPIOHE

² Lapatao̒ tei Esra lodelo mota buku boito ode talu lo majilisi u tilitangoa lou̒ mongo lolai̒, mongo bua tau̒ kekeei̒ tamotuheta moontapo u mongalati.

NEHEMIA 8:2 ပူးပေါင်းရင်းမြစ်များ

NEHEMIA 10:29

Ami ngoa̒amila mamopotuwau lo batanga wolo mongo tau̒wa lami wau motadia mai u tumumulo modudua̒ butoo̒ Allahu Taa̒ala u mailohi-Lio mai lotimbulude olei Musa. Pohileaala dua̒ Allahu Taa̒ala molaa̒nati olami wonu ami diila moe̒ela daantia botie. Ami motadia mai maa modungohe totoonulalo palenta, butoo̒ wau wuu̒du lo Eeya, Allahu Taa̒ala lami.

NEHEMIA 13:1

Tou̒ butoe̒e Musa hepilo bacaalio mao̒ totalu lo ulipu, ilodunggaalio kataraangani botie: ‘Taulo Amon wau Moab sama-samaata diila mowali mopaanggala wolo umati lo Allahu Taa̒ala;

NEHEMIA 8:18

Pitu hui mola hiheolio timongolio helo potihunggu. Timitimii̒du dulahu ngota-ngotayadu Buku Butoo̒ Allahu Taa̒ala hepilobaca mao̒ lei Esra. To dulahu u owalulio pilohutulio upacala mongoa̒lo huhuloa̒a, lotuuu̒de wolo wuu̒du lo Butoo̒.

NEHEMIA 8:9

Loo̒dungohe Butoo̒ u pilobacalio mao̒ boito, ulipu malo linggolabe daa̒, tulusi hilumoyongo. Yi ti gubolonulu Nehemia woli Iimamu Esra taa̒ahali lo Butoo̒ boito, wau tau-tauwalo Lewi tahe lotombangao̒ Butoo̒ boito, loloi̒ya mao̒ ode ngoilanggubu ulipu odie, “To dulahe botie dulahe u tolomodu ode Eeya Allahu Taa̒ala limongoli, oditolio diila mao̒ potisuukali meaambo humoyongo.

NEHEMIA 9:1

To boitolo, ulipu lo Isirai̒lu lotia̒mbu mao̒. Tmongolio helopuasa u lopobiloheo̒ ololee̒e to duduu-sawaalo limongolio. Timongolio helo pohalahe batanga lonto ngoa̒amila tau deli. Odelo tuoto ilodungga lou̒ suukali, timongolio helomake kaingi kado wau helo mua̒yadeo̒ huta to lunggongi mongolio. Lapatao̒ timongolio tilimihula mola wau helongaku totoonulalo dusa limongolio wau dusa loluuhuru limongolio.

YESAYA 28:9

Timongolio hemo poi̒laalo suusa pasali olaatia, ualio, “To lantobio tio hemo ngaajali olo tatoonu? Tatoonu olo tapalalu tombaangio? To pikiilangilio ito botie walaa̒a kikiio̒ taboheeli pilohuheli molutu?

MALEAKHI 2:7

Memangi uwajibu tomongo iimamu mongaajali mao̒ u otutu pasali ola-U̒, Eeya Taa Laba-labaalo molanggato. Toli mongoliolo ulipu musi mohintu wolo kahandaki-U̒, sababu timongolio boito mongo otoliya-U̒.

YIA̒APO 29:1

Tobohulo dulahu hulalo opitulio timongoli musi mohutu mao̒ dudunggaya u potabiyalo, diila mowali mohutu mao̒ kalaja u mobuheeto. Todulahee boito totoo-rompetiyalo musi potingohulo.

WUNGGULI LOMONGO RASULU 15:21

Sababu butoe̒e Musa maa anggadu muloololio mai hepilo bacalio totimii̒du dulahu Saabati to bebee-leyaalo potabiaalo, wau hepilo habari to ngoa̒a̒amila kota.”

TINGULI 17:18

Wonu ngotaalio puduo̒lo mowali olongia, tio musi wohiyalo buku utua-tuanga bubuu-too̒owalo Allahu Taa̒ala uwamiyolo monto buku pulua utilahu lomongo iimamu Lewi.

YOSUA 8:35

Timii̒du palenta lei Musa pilobaca mao̒ lei Yosua ode ngoilanggubu umati lo Isirai̒lu tahi ambua mota teto, tuwotuwoto mongobua, tau̒kekeei̒, wau tau-tauwalo deli tahi iluloa̒wa towolota limongolio.