NEHEMIA 8:17 - KITABI HABARI MOPIOHE

¹⁷ Ngoilanggubu ulipu tamalo hualingo lonto pilolayahu boito helohutu mao̒ wowoo-mboheyaalo boito, lapatao̒ lotibiluloa̒ teto. Uti-utieelo bohulo sua̒li boito hepilo hutulio tumulalo mai to jamani lei Yosua walae̒e Nun, yi ngoa̒amilalo hiweengahe wau sanangi tutu.

NEHEMIA 8:17 ပူးပေါင်းရင်းမြစ်များ

BOHULO TAWARI 29:22

Todulahee boito timongolio lolamela lingulu lou̒ hiwengahe totalu lo Eeya. Lapatao̒ u uluolio mao̒ timongolio lopo malalumu mola olei Salomo odelo olongia. To tanggulo Eeya timongolio lopo saaha olio lowali olongia limongolio wau tei Jadok lowali iimamu.

OLUO TAWARI 30:26

Kota Yerusalemu malo odito ramelio tumulalo mai tomaasa lei Salomo walao̒ talolai̒ lei Dauda, diipo pee̒enta mao̒ helo toduo mai polou̒tia debo odelo uito.

OLUO TAWARI 35:18

Paska debo odelo uito diipo pee̒enta mao̒ hepilo ramelio poli tumulalo mai maasa li Nabi Semuel. Diaaluo penu boli ngotaa mao̒ lomongo olongia tou̒ dipo-dipolulio mai pee̒nta mao̒ helo porame Paska debo odelo u pilopo ramelio

OLUO TAWARI 8:13

Babaa-keyaalo boito pilopo dewolio helo dudua̒ Butoe̒e Musa duo̒lo timii̒du dulahu buka: dulahu Saabati, dulahu buka Hulalo Bohu, wau otolu dulahu buka timii̒du taunu, deu̒yito-yito dulahu buka Roti Diila Oragi, dulahu buka lo Polosembo, wau dulahu buka Wombohe Duungo.

ESRA 3:4

Timongolio olo helo polame Dulahu Buka lo Wombohe Duungo, lotuuu̒de wolo wuu̒du; wau timii̒du dulahu hemopodewo bake u matilantu mao̒ duo̒lo dulahe boito.

YAHYA 1:14

Tahuda malowali manusia, Tio bilubiluloa̒ to wolotanto, wau ito maloo̒onto odudaa̒-Lio. Odudaa̒ boito tilolimo-Lio odelo Walao̒ Allahu Taa̒ala tatuwa-tuwaulo. Lotimbulude o-Lio ito maloo̒onto Allahu Taa̒ala wau ponu-Lio ode olanto.

TINGULI 16:15

Pitu hui mola hiheolio timongoli musi mopolame potihunggu boito u mohulumati Eeya Allahu Taa̒ala limongoli totambati u tilulaoto Eeya. Poti wengahulo mola, sababu Eeya Allahu Taa̒ala limongoli malo balakati mai tilapulo huta wau kalaja limongoli.

IBRANI 11:13

Ngoa̒amila tau boito debo o iimani tunggula yilate. Timongolio diila lololimo susuu-aliyaalo upilo danti lo Allahu Taa̒ala, bo helo milohe wau lohima lonto u molamingo. Wau woleeto timongolio mopo biloheo̒ deu̒ timongolio bo tau deli wambai̒o wau taa u hipo peehuma tutumulo todunia botie.

IBRANI 11:9

Lou̒ o iimani, tei Abraham lotibiluloa̒ odelo tau deli tolipu upilo danti lo Allahu Taa̒ala olio boito. Tei Abraham lotibiluloa̒ mota teto todelomo kema. Odito olo tei Isihaka wolei Yako, talo lolimo danti u tutuuwauwa lonto Allahu Taa̒ala.

IBRANI 4:8

Wonu humayaalio tei Yosua malongohi ode tau-tauwala boito pohuhelia upilo danti mai lo Allahu Taa̒ala, yi Allahu Taa̒ala madiilalo motahuda pasali lou̒ tuwaulio lodulahe uwewo.

YOSUA 1:1

Lapatao̒ tei Musa yilate, wato lo Eeya boito, Eeya helo tahuda mai ode wakili lei Musa, deu̒yito-yito tei Yosua walae̒e Nun.