NEHEMIA 8:12 - KITABI HABARI MOPIOHE

¹² Yi malo hualingo ngoilanggubu ulipu mota lolamelo wau longilu wau he lolaya-layaadeo̒ ua̒alo wau u yilumolo ode tau-tauwalo wewo. Timongolio lotiwengahe sababu malongalati boli lo bacaaa̒ni u ilodungohe limongolio boito.

NEHEMIA 8:12 ပူးပေါင်းရင်းမြစ်များ

BOHULO TAWARI 29:22

Todulahee boito timongolio lolamela lingulu lou̒ hiwengahe totalu lo Eeya. Lapatao̒ u uluolio mao̒ timongolio lopo malalumu mola olei Salomo odelo olongia. To tanggulo Eeya timongolio lopo saaha olio lowali olongia limongolio wau tei Jadok lowali iimamu.

NEHEMIA 8:10

Botia pohualingolo; polamelolo wau pongilulo wolo weengahu. Wohia mota ngotayadu lo ua̒alo wau angguru limongoli ode limongolio tahi mosikinia. To dulahe botie dulahe tolomodu ode Eeyaanto, oditolio diila mao̒ potisuukali. Oweengahu uilohi mai lo Eeya ode limongoli mamopo lotolao̒ olimongoli.”

NEHEMIA 8:11

Wau olo tau-tauwalo Lewi helo poduo̒tao̒ ulipu wau loloi̒ya mao̒ wuwuulia, “Diila mao̒ potisuukali to dulahe u tolomodu botie.”

NEHEMIA 8:13

Loombulio mola malo tia̒mbu ngoa̒amila tau̒wa lokaumu, mongo iimamu wau tau-tauwalo Lewi, tulusi lonao̒ odelei Esra mota helo poo̒olato pongaajali Butoo̒ Eeya.

ESTERI 9:22

To duduu-laheyaalo boitolo timongolio malo poo̒laaheo̒ mumuusuwalo limongolio, tilinggula owooloolo wau osuukali limongolio malo lomeelo lowali weengahe wau sanangi tutu. Masababu uito timongolio musi mopolame mao̒ duduu-laheyalo boito wolo potihunggu wau totamelo wau tinggai mongongoohia ua̒alo wau molayadeo̒ sadaka to taa mosikini.

AYUBA 23:12

Totoonulalo palenta lo Allahu Taa̒ala laito hedungoheu̒, kahandaki lo Eeya hedudua̒au̒, wau diila lodudua̒ hilaau̒ lohihilao.

JABURU 119:111

Palenta lo Eeya yito pusaka lowatotia u ohiheo-hiheolo mao̒, u lohutu mai hilaa lo watotia leengahu.

JABURU 119:127

Papaa-lentawalo Eeya ilohilao lowatia mongilaboto hulawa, mongilaboto hulawa tutu.

JABURU 119:130

Wonu poo̒patatolo, pongaajali lo Eeya mongohi u mobaango, mongohi pongotota totaa u lajimu.

JABURU 119:14

Watia meengahu modudua̒ totoonulalo palenta lo Eeya, debo odelo motolo miliki totoonulalo halata u hidala-dalaala.

JABURU 119:16

Opidudutai lo Eeya moo̒sanangi hilaa lowatia; pongaajali lo Eeya diila talipato lowatia.

JABURU 119:171

Watotia ohilaa momuji mola to Eeya laito, sababu Eeya hemo ngaajali mai olo watotia wolo opiduduto Eeya.

JABURU 119:174

Hilaa lo watotia mooloolo osalaamati monto Eeya, butoo̒ lo Eeya moe̒engahe hilaa lowatotia.

JABURU 119:72

Odelaatia butoo̒ lo Eeya lebe ohalaga wolo ngoa̒amila hulawa wau talaa̒ todunia.

JABURU 119:97

Malo odito ilohilao lowatia butoo̒ lo Eeya; watia lotipoo̒yo lomikiilangi mao̒ ngotupa lo dulahu.

YEREMIA 15:16

Eeya lotahuda mai odelaatia, wau watia lodungoheo̒ timii̒du tahuda lo Eeya. Watia miliki lo Eeya, yaa Eeya Taa Laba-labaalo kawasa, sababu uito ngoa̒amila tahuda lo Eeya loe̒engahu wau loposanangi tutu olaatia.

LUKASI 24:32

Uali mongolio ngota timongota, “Memangi laasa lohilaanto debo odelo wali-walihuhu, tou̒ Tio hemobisala wolanto to huungo dalalo, wau helo tombango tuango Kitabi ode olanto?”

ROMA 7:18

Otaawa lowatia diaaluo penu boli tuwau u mopiohe todelomo batanga lowatia; deu̒ito-yito todelomo pii̒li lowatia odelo manusia. Sababu woluo todelomo hilaa lowatia u mohutu mopiohe, bo watia diila mambo moponao̒ leeto.

WAHI 11:10

Tuango dunia mamoti wengahe to opopate losakusi duulota boito. Timongolio mamopolame wau molalaawola palaseni, sababu nabi duulota boito malo podungga mai dadaata sikisaa ode ngoa̒amila taa todunia.