NEHEMIA 8:10 - KITABI HABARI MOPIOHE

¹⁰ Botia pohualingolo; polamelolo wau pongilulo wolo weengahu. Wohia mota ngotayadu lo ua̒alo wau angguru limongoli ode limongolio tahi mosikinia. To dulahe botie dulahe tolomodu ode Eeyaanto, oditolio diila mao̒ potisuukali. Oweengahu uilohi mai lo Eeya ode limongoli mamopo lotolao̒ olimongoli.”

NEHEMIA 8:10 ပူးပေါင်းရင်းမြစ်များ

BOHULO MONGO OLONGIA 8:66

Todulahee owalulio tei Salomo helei̒ walinga totau-tauwala boito. Timongolio ngoa̒amilalo helomuji olio tulusi luli lohualingo ode bele limongolio wolo hilaa uwenga-wengahu, sababu ngoa̒amila balakati u mailohi mai lo Eeya ode wato lo Eeya Dauda wau ode bangusa lo Isirai̒lu umati lo Eeya.

BOHULO TAWARI 16:27

Tio yilanggube lo odudaa̒ wau ololamahu, bele-Lio polupolu wolo kawasa wau weengahu.

NEHEMIA 8:11

Wau olo tau-tauwalo Lewi helo poduo̒tao̒ ulipu wau loloi̒ya mao̒ wuwuulia, “Diila mao̒ potisuukali to dulahe u tolomodu botie.”

NEHEMIA 8:12

Yi malo hualingo ngoilanggubu ulipu mota lolamelo wau longilu wau he lolaya-layaadeo̒ ua̒alo wau u yilumolo ode tau-tauwalo wewo. Timongolio lotiwengahe sababu malongalati boli lo bacaaa̒ni u ilodungohe limongolio boito.

ESTERI 9:19

Uitoolo sababuulio taulo Yahudi tahi biluloa̒wa to kokoo-tawaalo kekeei̒ helo poe̒ela mola dulahu opulaa pato hulalo Adar odelo dulahu u potiwengahelo, dulahu u potihungguwalo wolo weengahe sambela hemo-ngongoohia paraseni debo odelo ua̒alo.

ESTERI 9:22

To duduu-laheyaalo boitolo timongolio malo poo̒laaheo̒ mumuusuwalo limongolio, tilinggula owooloolo wau osuukali limongolio malo lomeelo lowali weengahe wau sanangi tutu. Masababu uito timongolio musi mopolame mao̒ duduu-laheyalo boito wolo potihunggu wau totamelo wau tinggai mongongoohia ua̒alo wau molayadeo̒ sadaka to taa mosikini.

JABURU 149:2

Potisanangilo, wuu Isirai̒lu sababu Talopowali mai olemu; powengahulo, wuu tuango lo Sion sababu Olongiamu!

JABURU 89:17

Ngotupa lodulahu timongolio meengahu wau debo molotolo, sababu opopiohu lo Eeya.

POHUMAYA 17:22

Hilaa u meengahu moo̒ seehati batanga; hilaa u wunu-wunulo momunto sumaangati.

TAMOO-HUTUBAWA 11:2

Pobungawa mao̒ moodalimu to daahangi u hidala-dalaala; popeehulo kelekele odaata-daatalo mao̒. Sababu tau palalu mopoo̒daaha, tou̒ diipo odungga lobaala.

TAMOO-HUTUBAWA 2:24

Diaaluo ulebe mopiohu to manusia lou̒ molamelo, mongilu wau molamitao̒ tilapulo kalajaalio. Wau̒ mongalati deu̒ uito olo wowohi mai lo Allahu Taa̒ala.

TAMOO-HUTUBAWA 3:13

Opiohelio ito ngoa̒amila molamelo wau mongilu wau molaasa mao̒ tilapulo kalajaanto. Uito yito wowohi mai lo Allahu Taa̒ala.

TAMOO-HUTUBAWA 5:18

Wonu ngotaalio mololimo okokaya wau halata upango monto Allahu Taa̒ala, wau tio luasiyalo molamitao̒ okokaya boito, maamusi tio molaasa mosukuru mola wau molamitao̒ totoonulalo tilapulo kalajaalio. Uito yito olo wowohi mai lo Allahu Taa̒ala.

TAMOO-HUTUBAWA 9:7

Ntali, polameloolo wambai̒o wau motiwengahu, yilumaalo anggurumu wolo wengahu. Allahu Taa̒ala diila okabalatani, tumbao̒ Eeya motuhatawa.

LAHU MOLAMAHU 5:1

Wau̒ lonao̒ mai ode ilengiu̒, dinda, bulaintitiu̒, yilimou̒uu̒ damahu moonu wau ramba-rambaau̒; tilameluu̒ beelea lotiia̒ wau hula lotiia̒au̒, yililumuu̒ susu wau taluhu lo angguruu̒. Polamelo wau pongilulo, mongo sahaabati, pongilulo tunggula huwoa̒alo pongolaasa motohilaa daa̒.

YESAYA 49:5

Tou̒ diipo pilotutulio mai, watia tiliango Eeya lowali wato-Lio, u mongambu umati lo Isirai̒lu, alihu timongolio muli mohualinga ode Eeya. Eeya lopowali mai olaatia huru-hurumati, Allahu Taa̒ala yito olootolo watia.

YESAYA 61:10

Yerusalemu loloi̒ya, “Watia motiwengahu sababu Eeya, hilaa lowatia motiwengahu sababu Allahu Taa̒ala. Debo odelo bulaintiti talolai̒ wau taabua momake dadai ngoa̒amilalo gaaga, odieelo mola Eeya mopopake mai olaatia boo̒ osalaamati wau ohohaama.

YOEL 2:23

Wuu ulipu lo Sion, poti wengahulo mola! Potisanangilo wau pongiibodu lomola meengahu! sababu totoonulalo opopiohu monto Eeya Allahu Taa̒alamu. To sembo lapatao̒ sembo lou̒ mopatu yilohilio mai didi tutuuheta to olemu. To sembo lohuhulo didi bilanggua-Tio mai, wau olo tosembo lapatio mao̒ sembo lohuhulo debo odelo ubohu-bohulio.

JAKARIA 14:21

Ngoa̒amila panji to Yerusalemu wau to ngoilanggubu lo Yehuda mapo tolomodulo mowali miliki lo Eeya Taa Laba-labaalo kawasa. Ulipu tamopodewo bake mamomake mao̒ u molahee tapu lopodewo. Wonubolo maasa boito meidungga, diilalo woluo tamoo-dahangia to Bele lo Eeya Taa Laba-labaalo kawasa.

LUKASI 11:41

U woluo todelomo manggo wau pinggemu boito, uitolo umusi wohi mao̒ limongoli totau-tauwalo mosikini. Wolo pohuli boito, ngoa̒amilalo mamowali belesi olemu.

2 KORINTUS 8:2

Timongolio matilesi wolo osusuu-kaliyaalo u hibuuheta. Bo tohuungo lo osusuu-kaliyaalo boito, timongolio hiwengahe wau muura daa̒ lohilao todelomo hemongohi sadaka u motulungi taa wewo, eleponu timongolio mosikini daa̒.

PILIPI 3:4

Tutuulio tutu watia mowali motiwunela wambao̒ tou̒ uu̒upaa-calawalo boito. Sababu wonu woluo tahingota-ngotaawa tamolaasa tio o alaasani u motiwunela to upacala u osiipati lahiri, yi watia lebe mao̒ leeto.

WAHI 11:10

Tuango dunia mamoti wengahe to opopate losakusi duulota boito. Timongolio mamopolame wau molalaawola palaseni, sababu nabi duulota boito malo podungga mai dadaata sikisaa ode ngoa̒amila taa todunia.

BOHULO SEMUEL 25:8

Nte yintuwalo mao̒ olimongolio, tantu timongolio mamopo otutu mao̒ sua̒li boito. Sababu uito harapuwou̒ alihu tahidudua̒ olau̒ tolimoomu lou̒ mopiohe tobelemu, sababu ami monao̒ mai todulahee daa̒ botie. Wohia mao̒ olo ode mongo watomu botie wau ode olau̒, tei Dauda, sahaabatimu tamopiohe, penu boli wambai̒o modudua̒ oreela lohilaamu.”