NEHEMIA 8:1 - KITABI HABARI MOPIOHE

¹ To hulalo opitulio taulo Isirai̒lu malo titatapu tokotaalio ngota-ngota. To bohulo dulahu hulalo boito timongolio helo tia̒mbu to Yerusalemu, topaango totalu Huhebu Hulubangi Taluhu. Timongolio helohile alihu Buku lo Butoo̒ hamaa mao̒ li Iimamu Esra, ngotaalio lo ahali todelomo Butoo̒ uilohi mai lo Eeya ode bangusa lo Isirai̒lu lotimbulude olei Musa.

NEHEMIA 8:1 ပူးပေါင်းရင်းမြစ်များ

OLUO MONGO OLONGIA 23:2

Lapatao̒ tio lonao̒ woli mongolio ode Bele lo Eeya, hetilunuhe lomongo iimamu, mongo nabi wau ngoa̒amila ulipu, mopio tamosikini boli taakaya. Totalu limongolio ngoa̒amila, totili lowolihi polumudu u tolomodu odeli olongia, ti olongia tilimihula mola wau helo pobaca mao̒ wolo suala daa̒ ngoa̒amila tuango buku daantia umaa ilodungga todelomo Bele lo Eeya. Lapatao̒ ti olongia helohutu daantia wolo Eeya u modungohe to Eeya, wau moponao̒ wolo lealeaatu lohilao wau ngoilanggubu jiwa ngoa̒amila palenta wau bubuu-too̒waalo Eeya. Ti Olongia olo helodanti u mopoo̒polu mao̒ danti to daantia lo Eeya wolo umati-Lio utula-tuladee todelomo buku boito. Ngoilanggubu ulipu lodudua̒ lodanti u modungohe to daantia boito.

OLUO TAWARI 34:15

Yi loloi̒ya mao̒ tei Hilkia odelei Sapan, “Maa ilodungau̒ buku Butoo̒ lo Eeya to Bele lo Eeya,” tulusi yilohilio mao̒ buku boito odelei Sapan.

OLUO TAWARI 34:30

lapatao̒ tio lonao̒ woli mongolio ode Bele lo Eeya. Pee̒-pee̒enta woli mongolio olo helo dudua̒ mongo iimamu, taulo Lewi wau ngoilanggubu ulipu, mopio tamosikini meaambo takaya. To talu limongolio ngoa̒amila totili lowolihi meeseli u tolomodu duo̒li olongia, ti olongia tilimihulao̒ wau helo pobaca wolo suala daa̒ ngoilanggubu buku lo daantia umai̒lo dungga todelomo Bele lo Eeya. Lapatao̒ ti olongia helohutu daantia wolo Eeya u modungohe to Eeya wau moponao̒ wolo lealeaatu lohilao wau lealeaatu lo jiwa ngoa̒amila palenta wau bubuu-too̒waalo Eeya, wau wuu̒du lo daantia towolota lo Eeya wolo umati-Lio u leituladu todelomo buku boito.

ESRA 7:1

O taataunua mola lapatio mao̒, tou̒ tei Artahsasta helo malenta odelo olongia lo Persia, woluo talolai̒ ngota tai̒lunte Esra, lonto wali mai li Iimamu Daa̒ Haruna. Pilito lo waliilio mai lonto tibawa odeitaato yito odie mola: Esra Seraya Ajarya Hilkia

ESRA 7:10

Tei Esra malo poo̒daata-daatalo mao̒ poo̒tuotio tou̒ helo tulete Butoo̒ lo Eeya, u ponao̒olio wau mopoa̒ajari mao̒ totoonulalo tilantu wau wuu̒dulio to bangusa lo Isirai̒lu.

ESRA 7:11

Utieelo dokumeni uiludu mao̒ li Olongia Artahsasta ode lei Esra, ngotaalio li iimamu wau ahali lo Butoo̒,

ESRA 7:6

Tei Esra ngotaalio lo tao̒sikola wau dadaata otaawalio pasali lo Butoo̒ uilohi mai lo Eeya, Allahu Taa̒ala lo Isirai̒lu odelei Musa. Sababu tei Esra bilarakati mai lo Eeya Allahu Taa̒alaalio, yi ti olongia longohi mao̒ olio totoonulalo u pilohilelio. To taunu opitulio pamalenta li Olongia Artahsasta, maa lomonggato tei Esra lonto Babel lotidulunga ode Yerusalemu wolo ngopolemboa̒ taulo Isirai̒lu u tilitangoa lou̒ ngojumulaa iimamu, taulo Lewi, tamoolahua wau tamodahawa hulubangi to Bele lo Eeya, wau tahi pokalajawa.

NEHEMIA 12:26

Timongolio boito tumutumulo to jamani lei Yoyakhim walae̒e Yesua wau wombu lei Yojadak wau to jamani li Gubolonulu Nehemia woli Iimamu Esra, ahali lo Butoo̒ boito.

NEHEMIA 12:37

Tou̒ leidungga mota to Huhebu Hulubangi Taluhu Mopentelo timongolio helobale wau lobotula mola tua̒du lokota lei Dauda, loli bele biluloa̒ li olongia Dauda, tulusi lohualingo ode dingingo meeseli to Huhebu Hulubangi Taluhu to ambahu tiimuru lokota.

NEHEMIA 8:16

Lapatao̒ malonao̒ timongolio ngoa̒amila helohutu wowoo-mboheyaalo to wawaa-topowaalo u payapayadu toitaato bele limongolio, topaango lo belelio, topaango ambahu talu Bele lo Eeya, to tanalapa totili lo Huhebu Hulubangi Epraim.

NEHEMIA 8:3

Lapatao̒, lonto dimodupo demola ngoputu lo dulahu, tei Esra helo pobaca mao̒ Butoo̒ boito ode limongolio. Timongolio ngoa̒amila lodungoheo̒ wolo helo poo̒tuotao̒ tutu.

YESAYA 8:20

Tameta mao̒ odie, “Dungohilo pongaajali lo Eeya! Taa udiila mobisala motuhatawa wolo pongaajali boito, diila o halaapani.”

IMAAMATI 9:5

Ngoa̒amila u pilolahuli lei Musa dilelo mota limongolio ode talu lo Kema, wau ngoilanggubu umati helo tia̒mbu mota teto loi̒baadati to Eeya.

MALEAKHI 4:4

Eelailo mola ngoa̒amila pongaajali lowato-U̒ tei Musa, eelai mao̒ bubuu-too̒waalo wau papaa-lentawalo uilohi-U̒ olio to Hui̒dee Sinai u dilungohe lo ngoilanggubu umati lo Isirai̒lu.

MATIUSI 13:52

Lapatao̒ ti Isa lotahuda mao̒, “Uitolo sababuulio timii̒du guru lo agama tamalowali pongawaa̒ umati lo Allahu Taa̒ala, deu̒ito-yito debo odelo ngotaalio lituani lobele talo polualo monto tambati lo halataalio babaa-langiyalo bohu wau deedelo.”

MATIUSI 23:13

“Matopotala timongoli guguu-ruwaalo agama wau tau-tauwalo Parisi! Timongoli wambao̒ motihutu diila otu-otutuulo mao̒. Timongoli hemo ngabuto taa u mowali pongawaa̒ umati lo Allahu Taa̒ala. Timongoli lohihilao diila mohuto mowali pongawaa̒ umati lo Allahu Taa̒ala, wau taawewo tamohuto, hetanggua limongoli. [

MATIUSI 23:2

“Guguu-ruwaalo agama, wau tau-tauwalo Parisi loo̒tapu kawasa u motombango makusudu butoe̒e Musa.

MATIUSI 23:34

Dungohilo tio̒otutua: Wau̒ mamolao mai olemu mongo nabi, tau-tauwalo molinepo, wau guguu-ruwaalo; ngatayadi mongolio mapatee limongoli mate-mateelo mao̒, wau ngotayade wewolio mapakua limongoli to ayu saalipu. Woluo taposikisa limongoli to bebee-leyaala potabiaalo, wau poheheenela limongoli monto kota tuwau ode kota uwewo.

TINGULI 31:11

timongoli musi mopobaca mao̒ bubuu-too̒waalo botie wolo suala u moo̒ohuu̒ totau-tauwalo Isirai̒lu tamonao̒ mai molubo Eeya Allahu Taa̒ala limongoli totambati u tilulao-Tio mao̒.

MONGO HAKIMU 20:1

Yi malonao̒ mai ngoilanggubu umati lo Isirai̒lu lonto Dan to tilayo demola Bersyeba to huliaalio, wau Gilead totiimuru, u lopoo̒polu mai titiango boito. Timongolio lotia̒mbu wau helo panggala to Mispa totalu lo Eeya.

MONGO HAKIMU 20:8

Lou̒ pee̒entalo mao̒ tau-tauwalo tahia̒mbua to tambati boito tilimihila mola wau loloi̒ya, “Ito ngoa̒amila diaaluo mao̒ tamo hualinga ode kema meaambo ode bele.