NEHEMIA 7:7 - KITABI HABARI MOPIOHE

⁷ Mongo tau̒wa limongolio yito tei Jerubabel, Yesua, Nehemia, Ajarya, Raamya, Nahamani, Mordekhai, Bilsani, Mispereti, Bigwai, Nehum wolei Baana.

NEHEMIA 7:7 ပူးပေါင်းရင်းမြစ်များ

ESRA 2:2

Mongo tau̒wa limongolio yito tei Jerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum wolei Baana. Uti-utieelo daputali kaumu ngaalaa̒ lo Isirai̒lu, wolo jumulaa tau monto timii̒du kaumu tahe lohualingai lonto polayahu:

ESRA 5:2

Loo̒dungohe tahuli lonabi duulota boito, tei Jerubabel walae̒e Sealtiel wolei Yesua walae̒e Yojadak hua̒a lolumula poli lomongu mola Bele lo Eeya to Yerusalemu, hebilantua lonabi duulota boito.

NEHEMIA 11:3

To kokoo-tawaalo wewo, ulipu lo Isirai̒lu, mongo iimamu, tau-tauwalo Lewi. Tahi pokalajawa Bele lo Eeya, wau wali mai lo tahi pomayaa lei Salomo lotibiluloa̒ to huta miliki limongolio wau to kokoo-tawaalo limongolio lohihilao.

NEHEMIA 12:1

Uti-utieelo mongo iimamu wau tau-tauwalo Lewi tahe lohualingai lonto pilolayahu pee̒-pee̒enta wolei Jerubabel walae̒e Sealtiel wau woli Iimamu Daa̒ Yesua:

NEHEMIA 12:10

Uti-utieelo pilito lo walimai li Iimamu Daa̒ Yesua: tei Yesua, Yoyakhim, Elyasib, Yoyada,

NEHEMIA 2:2

Sababu uito tio malohintu odie, “Yilongoola yio̒ oontonga odito suukali lebe-lebe pomao̒ diila mongongoto? Tantu woluo hitua-tuwaua u heloo̒ suukali olemu.” Wau̒ iloohea,

NEHEMIA 7:6

Dadaata to wolota lotau-tauwalo tahe pilolayahu lololaa mao̒ polopinsi lo Babel wau luli lohualingai ode Yerusalemu wau Yehuda, ngota-ngota ode kotaalio lohihilao. Timongolio malohiheo tumutumula todelomo polayahu to Babel, tumulalo mao̒ timongolio bilintai̒o mola odito odelo tawalo li Olongia Nebukadnejar.

NEHEMIA 7:8

Uti-utieelo daputali lokaumu ngaalaa̒ lo Isirai̒lu, wolo jumulaa lotaa lonto timii̒du kaumu tahe lohualingai lonto pilolayahu: Paros – 2.172 lota Sapaca – 372 lota Arakh – 652 lota Pahat-Moab (wali mai lei Yesua wolei Yoab) – 2.818 lota Elam – 1.254 lota Jatu – 845 lota Jakai – 760 lota Binui – 648 lota Bebai – 628 lota Ajgad – 2.322 lota Adonikam – 667 lota Bigwai – 2.067 lota Adin – 655 lota Ater (olo ilunte Hiskia) – 98 lota Hasum – 328 lota Bejai – 324 lota Harip – 112 lota Gibeon – 95 lota

YEHESKIEL 1:11

Ngopanggalo polipio̒ monto timii̒du mahaluku boito iloa̒abu ode yitaato tilinggula lodenggula popoo-lipio̒waalo mahaluku to ngotualiilio, wau ngopanggalo polipii̒yo poli lupilupi lolau̒ube wawaai̒o.

HAGAI 1:1

To taunu oluolio pamalenta li Olongia Darius to Persia, tobohulo dulahu hulala olomio, Eeya lotahuda lotimbuludei li Nabi Hagai. Tahuli lo Eeya boito pilodulu-Ngio odelei Jerubabel walae̒e Sealtiel, gubolonulu lo Yehuda, wau odeli Iimamu Daa̒ Yosua walae̒e Yojadak.