NEHEMIA 7:65 - KITABI HABARI MOPIOHE

⁶⁵ Ti gubolonulu madala lo Yehuda helodini mao̒ olimongolio madala molamela ua̒alo u pilodewo to Allahu Taa̒ala, tunggula woluo mai ngotaalio lo iimamu tamoo̒ hile potuhata wolo momake mao̒ Urim wau Tumim.

NEHEMIA 7:65 ပူးပေါင်းရင်းမြစ်များ

ESRA 2:63

Gubolonulu madala lo Yehuda helodini olimongolio molamela ua̒alo u podewolo ode Eeya, dilumutu woluo ngotaalio li iimamu tamoo̒ hile potuhata wolo momake Urim wau Tumim.

NEHEMIA 10:1

Tabohulo helo podutu mao̒ pali lo uluu̒lio yito ti Gubolonulu Nehemia walae̒e Hakhalya. Lapatao̒ lodudua̒ tei Jedekia. Lapatao̒ uito tau-tauwalo wumbutio mola botie helo podutu mao̒ pali lo uluu̒lio olo:

NEHEMIA 7:66

Tau-tauwalo polayahu tahe lohualingo ode lipulio ngoa̒amilalo ngojumulaa wopato pulaa dulo lihu tolo hetuto wolomo pulu lota. Wewolio mao̒ leeto helo hualingai olo tahi pomantua olimongolio ngojumulaa pitu lolihu tolo hetuto tolo pulaa pitu lota wau taa moolahua ngojumulaa dulo hetuto wopato pulaa limo lota. Timongolio olo helodelo bibii-natangiyaalo limongolio, deu̒yito-yito: Wadala – 736 Bagal – 245 Unta – 435 Kolodai – 6.720

NEHEMIA 7:70

Dadaata to wolota ulipu helongohi mao̒ dembulo u lopoheelao̒ oonggosi helo poo̒piohe Bele lo Eeya: lonto oli gubolonulu: – 8 lokilo hulawa – 50 manggo lo upacara – 530 jumba li iimamu lonto mongo tau̒wa lokaumu: – 168 lokilo hulawa – 1.250 lokilo talaa̒ lonto tau-tauwalo wewo: – 168 lokilo hulawa 140 lo kilo talaa̒ 67 jumba li iimamu

NEHEMIA 8:9

Loo̒dungohe Butoo̒ u pilobacalio mao̒ boito, ulipu malo linggolabe daa̒, tulusi hilumoyongo. Yi ti gubolonulu Nehemia woli Iimamu Esra taa̒ahali lo Butoo̒ boito, wau tau-tauwalo Lewi tahe lotombangao̒ Butoo̒ boito, loloi̒ya mao̒ ode ngoilanggubu ulipu odie, “To dulahe botie dulahe u tolomodu ode Eeya Allahu Taa̒ala limongoli, oditolio diila mao̒ potisuukali meaambo humoyongo.

PILOTIMUA̒TA 28:30

Podutua mao̒ Urim wau Tumim todelomo tau̒bu dehelo boito u pomake lei Haruna wonu tio motaalua wola-U̒. To sasaa-atiyaalo debo odelo uito tio musi laito momake tau̒bu duhelo, alihu mowali otaawalio kahandaki-U̒ ode umati lo Isirai̒lu.”

IMAAMATI 2:10

Lebelio yito duo̒lo mongo iimamu. Roti boito mantali daa̒ sababu hilama lonto ua̒alo u mapilodewo ode Eeya.

IMAAMATI 2:3

Bake pohinta ulebelio yito duo̒lo mongo iimamu. Bake boito mantali daa̒ sababu hilama lonto ua̒alo u mapilodewo ode Eeya.

IMAAMATI 8:8

Lapatao̒ pilopo hulialio tau̒bu duhelo to olei Haruna, wau ode delomo tau̒bu duhelo boito pilopo tuwotio Urim wau Tumim.

YIA̒APO 27:21

Tei Yosua musi mohile mao̒ potuhata monto li Iimamu Eleajar, wau tei Eleajar musi mohintu mai manguru-U̒ wolo momake Urim wau tumim. Wolo dudelo boito tei Eleajar modelo olei Yosua wau ngoilanggubu bangusa lo Isirai̒lu todelomo totoonulalo sua̒li utalua limongolio.”

TINGULI 33:8

Pasali losuku Lewi tio loloi̒ya mao̒: “Wolo Urim wau Tumim pilopo ilalo Eeya kahandaki lo Eeya, lotimbulude to taulo Lewi wato lo Eeya tadebo molotolo hilao. Eeya malo himontala olimongolio to Masa, wau lobaatata woli mongolio tobutu lotaluhu Meriba.