NEHEMIA 7:63 - KITABI HABARI MOPIOHE

^63-64 Wau woluo olo dengolo lota ngaalaa̒ li iimamu tadiila loo̒ dungga daputali tomimbihu loluuhuru limongolio. Kakaa-wumuwaalo boito yito kaumu Habaya, Hakos wau Barjilai. (Ngotaalio loluuhuru lokaumu li iimamu Barjilai lonika wolo taabua wali mai lo kaumu Barjilai to Gilead wau lapatao̒ tio helomake tanggulo ngaalaa̒ lo moluhengio.) Sababu timongolio diila loo̒ pobukuti tatoonu loluuhuru limongolio, yi timongolio diila tilolimolio odelo iimamu.

NEHEMIA 7:63 ပူးပေါင်းရင်းမြစ်များ

OLUO LO SAMUEL 17:27

Tou̒ tei Dauda leidungga mola to Mahanaim, tio bilotulio lei Sob walae̒e Nahas lonto kota Raba to Amon, wau lei Makhir walae̒e Amiel lonto Lodebar, wau lei Barjilai lonto Rogelim to Gilead.

BOHULO MONGO OLONGIA 2:7

Bo tomongo walao̒ talolai̒ lei Barjilai lonto Gilead yio̒ patutilio mopohutu mao̒ u mopiohe. Musi pongakuamu mao̒ u palaluo limongolio timii̒du dulahu, sababu timongolio malohutu u mopiohe to olau̒ tou̒ wau̒ malolahi lonto olei Absalom, wutatumu tamohuhula.

BOHULO TAWARI 4:8

Tei Anub wolei Hajobeba yito walao̒ talolai̒ lei Kos loluhuuru lokaumu wali mai lei Aharhel walae̒e Harum.