NEHEMIA 7:4 - KITABI HABARI MOPIOHE

⁴ Yerusalemu kota u luasi bo ngoi̒di ulipulio, wau diipo dadaata bele u hebilongu.

NEHEMIA 7:4 ပူးပေါင်းရင်းမြစ်များ

NEHEMIA 11:1

Mongo tau̒wa malo titatapu to Yerusalemu wau ulipu helomahuto u lolulaotao̒ ngaalaa̒ lonto timii̒du mopulu ngaalaa̒ tamusi motibiluloa̒ tokota mantali Yerusalemu. Tadiila ilotulaota mowali motibiluloa̒ to kokoo-tawaalo uwewo.

NEHEMIA 11:2

To wolota limongolio woluo ta iloheela lohilao motitatapu to Yerusalemu wau timongolio hepiluji lo ulipu.

NEHEMIA 7:3

Loi̒yaau mao̒ ode limongolio, “Huhebu hulubangi lo Yerusalemu bolo mowali huo̒olo wonu dulahu malo baangai wau mamusi heu̒taalo wau pohuliolo palangilio tou̒ tahi podahawa diipo lopaluto tuugasi lolaangio. Wewolio mao̒ leeto musi tunuwolo olo piketi podahaalo to wolota ulipu lo Yerusalemu, ngotayadu duo̒lo popoo-siyaalo podahaalo wau ngotayadu poli u moronda tomadala palitio lobele limongolio.”

NEHEMIA 7:5

Sababu uito Allahu Taa̒ala helo ilihamu mai olau̒ u longambu mao̒ ulipu wau mongo tau̒wa wau tahimuloa lo ulipulio alihu wau̒ mowali moyia̒apao̒ olimongolio patopatoa̒a to daputali lo silasila limongolio. To hiangio boito mai̒lo dunggau̒ daputali pasali lo taa bohu-bohulio he lohualingai lonto pilolayahio. Wumbutio mola botie yito kataraangani u lotapuu̒ mai lonto daputali boito:

YESAYA 58:12

Kota u malohiheo lowali tuodu mamuli bongulo limongoli toitaato wumbato u deedelo. Timongoli mau̒nteelo ‘Bangusa tamuli momongu didii-ngingaalo meeseli wau mopoo̒pioheo̒ bebee-leyaalo u loa̒antulu.’ ”

MATIUSI 6:33

Oditolio, potolo anipo meimulo alihu Allahu Taa̒ala momalenta mai tutumulumu wau pohutua mao̒ kahandaki-Lio. Yi, ngoa̒amila u wewolio mawohi mai lo Allahu Taa̒ala olo olemu.