NEHEMIA 7:2 - KITABI HABARI MOPIOHE

² Pamalenta kota lo Yerusalemu yiluduu̒ mao̒ ode wutatuu̒ Hanan wau odelei Hananya, eyaanggu lo biintengi sababu tio lebe mao̒ wolo taa wewo, moohe to Allahu Taa̒ala wau mowali palacayaalo.

NEHEMIA 7:2 ပူးပေါင်းရင်းမြစ်များ

ILOOWALI 42:18

Todulahee otolulio tei Yusu malo loi̒ya ode limongolio, “Wau̒ taa u moohe wau taa u modungohe to Allahu Taa̒ala. Timongoli mapo aahuwou̒ mai wolo danti tuwau.

OLUO LO SAMUEL 23:3

Allahu Taa̒ala lei Yako malo tahuda mai; ode olau̒ tamoo-duo̒laawa Isirai̒lu lotahuda mai odie: “Olongia tamomalenta ulipu wolo aadili tamo titau̒wa wolo ototaaa̒ti ode Eeya,

BOHULO MONGO OLONGIA 18:12

Wonu bolo watia monao̒ mota monteea, Rohullah tanu mamodelo oli Paaa̒ ode tambati udiila otaawa lowatia! Wau wonu watia mopoo̒taa mao̒ odelei Ahab deu̒ ti Paaa̒ woluo tewe, lapatao̒ tio diila moo̒dungga oli Paaa̒, tantu tio mamomate olaatia mate-mateelo mao̒. Ototai mao̒, Paaa̒, watia botie tio̒otutua hemo ibaadati ode Eeya anggadu kikiia̒i!

BOHULO MONGO OLONGIA 18:3

Sababu uito tei Ahab lotianga olei Obaja u mai lotaalua. (Tei Obaja yito tau̒wa lobele lou̒ ngaalaa̒ lo bele biluloa̒ saaha li olongia. Tio ngotaalio lotaa tio̒otutua hemo ibaadati to Eeya.

NEHEMIA 1:2

Tou̒ boito wutatuu̒ tei Hanan leidungga mai lonto Yehuda wolo dengolo lota. Lapatao̒ timongolio pilohintuwau̒ mao̒ pasali owowoluwoa lo Yerusalemu wau tau-tauwalo Yahudi tamalo hualingai lonto polayahu to Babel.

NEHEMIA 13:13

Wau̒ helongohi mao̒ tuugasi totau-tauwalo u wumbutio mola botie u longimato huhuu-waliyaalo potomeu̒ boito: ti Iimamu Selemya, Jadok ngotaalio ahali lo Butoo̒ wolei Pedaya ngotaalio taulo Lewi. Tei Hanan walae̒e Jakur wau wombu lei Matanya yilohiyau̒ mao̒ tuugasi helomantu olimongolio. Otaawau̒ deu̒ tau-tauwalo boito mowali palacayaalo wau mamonguurusi molayadeo̒ babaa-haniyaalo boito ode mongo sahaabati tangokalaja wolio wolo juujulu.

NEHEMIA 2:8

Wewolio mao̒ leeto, wau̒ olo helohile tuladee odelei Asap, tamoo-ngimatoa oa̒ayua lo bele biluloa̒ saaha li olongia, alihu tio mopodapato mao̒ ayu ode huhebu hulubangi lo biintengi totili Bele lo Eeya, wau ode dingingo meeseli lokota wau bele u mapoti biluloa̒au̒. Ti olongia lopoo̒polu mao̒ ngoa̒amila hihiileu̒ boito, sababu Allahu Taa̒ala helo tulungi mai olau̒.

NEHEMIA 5:15

Mongo gubolonulu tou̒ dipo-dipolulio mai wau̒, malowali banta lo ulipu sababu timongolio helohile wopato pulu doi talaa̒ ngohui duo̒lo ua̒alo wau angguru. Tumbao̒, mongo pogawee limongolio olo helodeehe ulipu. Bo wau̒ diila mohuto mohutu mao̒ odito sababu wau̒ moohe to Allahu Taa̒ala.

NEHEMIA 7:3

Loi̒yaau mao̒ ode limongolio, “Huhebu hulubangi lo Yerusalemu bolo mowali huo̒olo wonu dulahu malo baangai wau mamusi heu̒taalo wau pohuliolo palangilio tou̒ tahi podahawa diipo lopaluto tuugasi lolaangio. Wewolio mao̒ leeto musi tunuwolo olo piketi podahaalo to wolota ulipu lo Yerusalemu, ngotayadu duo̒lo popoo-siyaalo podahaalo wau ngotayadu poli u moronda tomadala palitio lobele limongolio.”

AYUBA 1:1

To huta lo Us bilu-biluloa̒ talolai̒ ngota tai̒lunte Ayuba. Tio hemolubo Allahu Taa̒ala wau tatapu molotolo hilao to Allahu Taa̒ala. Tio taa u mopiohe hale wau diila helohutu u moleeto penu boli ngoi̒di mao̒.

JABURU 101:6

Otohilaa lowatia taa utatapu wau molotolo hilao to Allahu Taa̒ala; timongolio mowali motibiluloa̒ tobele lowatia. Taa u tumutumula lou̒ diila o aibu mowali momaya olaatia.

PILOTIMUA̒TA 18:21

Bo ngopohia mao̒ leeto yio̒ musi molulaotao̒ dengolo lota mongo lolai̒ tamolinepo, wau molantu mao̒ olimongolio mowali tau̒wa to tangolihu lota, ngohetuto lota, limo lopulu lota, wau mopulu lota. Timongolio musiilio tau-tauwalo tamoohe wau tamo dungohe to Allahu Taa̒ala, mowali palacayaalo wau diila mohuto mololimo doi sooloi̒.

DANIALI 6:4

Hua̒a loilaalo mai deu̒ kalaja lei Daniali lebe mopioheo̒ wolo kalaja lo guguu-bolonuluwalo wau tahi pongimatoa wewolio. Sababu uito, ti olongia ilohilaa momudua̒o̒ olio mowali tao̒kawasa to ngoilanggubu lo bele biluloa̒ saaha li olongia.

YIA̒APO 12:7

Bo diila odito wolo wato-U̒ tei Musa. Tio-tiolo taa utatapu wau molotolo hilao towolota lo umati-U̒.

MATIUSI 24:45

Tahuda li Isa poli, “Wonu odito, tamoomayawa toonu utatapu wau molotolo hilao wau molinepo? Tio-tioolo tamaa puduo̒ lituanilio mowali tau̒wa totahi pomayawa wewo, alihu tio mongohi mao̒ ua̒alo olimongolio to wakutuulio.

MATIUSI 25:21

‘Ooo̒,’ uali tuani boito, ‘Yio̒ tamoomayawa mopiohe wau tatapu molotolo hilao. Sababu yio̒ mowali palacayalo tou̒ ngoi̒di, yi u dadaata olo debo mapo malacayau̒ mai olemu. Tuwotai wau dulo motisanangi wolau̒!’

1 KORINTUS 4:2

Ubohu-bohulio pohileelo wolo moo̒ohuu̒ monto tamoomayawa u odito yito deu̒ tio musi tatapu wau molotolo hilao toli tuanilio.

2 TIMOTIUS 2:2

Pongajali u omoo̒molu mai̒lo dungohemu lonto olau̒ totalu lotaa dadaata, mamusi pomalacayamu mao̒ ode tau-tauwala tamowali palacayalo wau tamotoloo̒ mongaajali taa wewo.