NEHEMIA 7:1 - KITABI HABARI MOPIOHE

¹ Tou̒ dingingo meeseli boito yilapato bilongu, wau̒ helo poa̒hu mao̒ alihu duduu-ngowaalo huhebu pohuliolo. Lapatao̒ tahi podahawa huhebu hulubangi, tahi polahua wau tau-tauwalo Lewi ilahulau̒ helo ponao̒ tuugasilio ngota-ngota.

NEHEMIA 7:1 ပူးပေါင်းရင်းမြစ်များ

OLUO MONGO OLONGIA 7:10

Sababu uito malo hualingo timongolio ode Samaria wau longiibode to tamoo-kawalia hulubangi lokota, “Ami malonao̒ mola ode pilo tikemawa taulo Siria, wau loilaalo diaaluo tau mola teto. Wadala wau kolodai limongolio ilodungga lami donggo hitihuta to tambatilio, wau kekee-mawaalo limongolio tilolaalio mao̒ odito wambai̒o.”

OLUO TAWARI 31:2

Ti Olongia Hiskia luli lolantu popoo-lemboa̒walo lomongo iimamu wau taulo Lewi lodudua̒ tayadu tuugasi limongolio. Tutuu-gasiyaalo boito leituwoto susuu-a̒liyaalo u odie mola: mopodewo bake yilalango wau bake lo polodame, momaya upacala ibaadati to Bele lo Eeya, wau momuji boli molapali mola oduo̒lo ode Eeya to timii̒du tambati to Bele lo Eeya.

ESRA 3:8

Yi tohulalo oluolio, todelomo taunu oluolio tou̒ Isirai̒lu lohualingai ode Yerusalemu, maluli tilumula mola limongolio lomongu Bele lo Eeya. Tei Jerubabel, Yesua wau mongo sahaabati limongolio ngobangusa, mongo iimamu, taulo Lewi, limbui̒o mao̒, ngoa̒amila taa bakasi polayahu, helo dudua̒ lokalaja. Tau-tauwalo Lewi tao̒ umulu dulo pulu lotaunu odeitaato tilunulio mao̒ longimato kalaja pomongulalo Bele lo Eeya boito.

NEHEMIA 10:39

Ulipu lo Isirai̒lu wau tau-tauwalo Lewi musi modelo mota dembulo tatapu debo odelo pale, angguru wau winulo jaitun ode huhuu-waliyaalo potomeu̒ tambati hepolahuwalo pakaa-kasiyaalo Bele lo Eeya. Mota teto olo tambati potibiluloa̒ lomongo iimamu tadonggo hio̒ tuugasia, tahi podahawa hulubangi Bele lo Eeya wau tahi poolahua mola. Ami diila tamomalonga molaalao̒ Bele lo Eeya lami.

NEHEMIA 11:3

To kokoo-tawaalo wewo, ulipu lo Isirai̒lu, mongo iimamu, tau-tauwalo Lewi. Tahi pokalajawa Bele lo Eeya, wau wali mai lo tahi pomayaa lei Salomo lotibiluloa̒ to huta miliki limongolio wau to kokoo-tawaalo limongolio lohihilao.

NEHEMIA 12:24

To tau̒wa lei Hasabya, Serebya, Yesua, Binui wolei Kadmiel, tau-tauwalo Lewi hetilayadio todelomo ngopo-ngopolemboa̒. Moti motii̒du woluo dulo polemboa̒ tao̒ tuugasi momuji mola to Eeya wau mosyukuru to Eeya lou̒ tutuuwahe, tutuuu̒de wolo wuu̒du li Olongia Dauda, wato lo Allahu Taa̒ala boito.

NEHEMIA 6:1

Tei Sanbalat, Tobia, Gesyem wau mumuu-suwaalo lami uwewo loo̒dungohe deu̒ ami mailapato helo poo̒pioheo̒ dingingo meeseli, wau deu̒ ngoa̒amila huangio mapilambola, eleponu tou̒ boito ami diipo helo pohuli mao̒ duduu-ngowaalo huhebu wau huhuu-hebuwaalo hulubangi lo kota.

NEHEMIA 6:15

Dingingo meeseli boito hepiloo̒ piohio loo̒pulita wakutu limo lopulaa duuhui mola, wau yilapato todulahe odulo pulaa limo hulalo Elul.

NEHEMIA 6:19

Eleponu tei Tobia mololaalaaita hemoluladei tuladee ode olau̒ u hemopo oohe-oohe olau̒, bo mongo tau̒wa lo Yahudi boito hemoo̒ tanggulai totaluu̒ totoonulalo opopiohio lei Tobia. Wewolio mao̒ leeto ngoa̒amila uiloi̒yaau̒, hepilo dulohu limongolio olio.