NEHEMIA 6:9 - KITABI HABARI MOPIOHE

⁹ Timongolio lohimontala helo poo̒ohe olami alihu ami mongotongo kalaja boito. Wau̒ lodua̒ mola, “Yaa Allahu Taa̒ala, poo̒lotola mai watotia!”

NEHEMIA 6:9 ပူးပေါင်းရင်းမြစ်များ

OLUO TAWARI 15:7

Bo timongoli musi sabari wau buheli. Tolopanimu maa o tilapulai.”

OLUO TAWARI 32:18

Mongo utolia lo Asyur boito helo powatia̒a ngoa̒amilalo boito todelomo bahasa lo Iburani u helo poo̒ohe wau lopo lupuheo̒ sumaangati tau-tauwalo Yerusalemu tawoluo toitaato dingingo meeseli lokota, alihu timongolio mowali mohama mao̒ kota boito lou̒ gaambangi.

ESRA 1:6

Ngoa̒amila tiheedi mongolio lodudua̒ lomantu helongohi mao̒ babaa-rangiyaalo, debo odelo pakaa-kasiyaalo talaa̒ wau hulawa, potomeu̒ todalalo, binatangi podetohelo, harata upango wewolio wau dedee-wowaalo ode Bele lo Eeya.

NEHEMIA 6:14

Wau̒ lodua̒ mola, “Yaa Allahu Taa̒ala, ambunguolo eelailo mai wolo u pilohutu lei Tobia wolei Sanbalat boito. Ambunguolo hukumaniyalo mai timongolio! Odito olo ti nabiah tai̒lunte Noaja wau mongo nabi wewo tao̒hilaa hemopo oohe olo watotia.”

JABURU 138:3

Tou̒ watotia longiibode mola to Eeya, Eeya lolametai, piloo̒lotolo Eeya hilaa lowatotia tilinggula watotia lowali buheli.

JABURU 56:3

Ilo-ilolaanga watotia hedilu-dilutaa̒a lolaawani lowatotia; dadaatalo tahe lomusu olo watotia, yaa Allahu Taa̒ala Taa Laba-labaalo molanggato.

JABURU 68:35

Pasisiyalo kawasa lo Allahu Taa̒ala u okawasa laba-labaalo molanggato to Isirai̒lu, kawasaa-Lio demola hulungo.

JABURU 71:1

To Eeya watotia motiduo̒la, yaa Eeya, diila mao̒ polulia mai watotia poo̒olitolio.

YESAYA 40:29

Eeya mopoo̒o-lotolai taa u moongolo, mongohi sumaangati to tadiila o lotolo.

YESAYA 41:10

Diila mao̒ oohe, sababu Wau̒ wolemu, diila mao̒ polawalo, sababu Wau̒ Allahu Taa̒alamu. Yio̒ mapoo̒o lotolu-U̒ wau tulungiya-U̒, deloo-U̒ wolo uluu̒uu̒-U̒ upolu-polutuo̒.

YEREMIA 38:4

Yi malonao̒ tahidihuma pantungo boito odeli olongia wau loloi̒ya mao̒, “Tau botie musi hukuu-maniyola mate. Sababu, tio moloi̒ya odito mopolupuhu sumaangati lo ngoa̒amila pajule wau tau wewo tadonggo hibiluloa̒wa tokota botie. Tio diila motulungi ulipu, bo mopo topotala olimongolio.”

YEHESKIEL 30:24

Lapatao̒ mapoo̒ lotolu-U̒ mai polotodu li olongia lo Babel, wau popodihu-U̒ wamilu-U̒ todelomo uluu̒lio. Bo polotodu li olongia lo Masiri maboliyo-U̒ tilinggula tio mamohile wolo moo̒ohuu̒ wau mate totalu li olongia lo Babel, musuulio.

JAKARIA 10:12

Wau̒ mamo poo̒lotolao̒ umati-U̒, timongolio mamo dungohe wau motaa̒luku boli mohulumati ola-U̒. Wau̒, Eeya, malo tahuda.”

2 KORINTUS 12:9

Bo Eeya lotahuda mai, “Wau̒ momonu olemu wau uito malo tuuu̒de olemu; sababu kawasaa-U̒ tumbao̒ laba-labaalo lotolo wonu yio̒ molulupuhu.” Uito sababuulio watia lebe sanangi mopomangga totoonulalo olulupuhu lowatia, sababu wonu watia molulupuhu, yi tumbao̒ tou̒ boitolo watia molaasa ti Almasi moduo̒lai olaatia wolo olotoo-Lio.

EPESUS 3:16

Watia modua̒ mola bolo potala Allahu Taa̒ala talaba-labaalo lailaio̒ motuhatawa u mopoo̒ lotolo hilaa limongoli wolo Rohu-Lio.

EPESUS 6:10

Pulitio mao̒, mamusi timongoli mowali molotolo wolo olootolo u lotapu limongoli lonto kawasa lo Eeya, sababu timongoli lotituwau wo-Lio.

PILIPI 4:13

Wolo kawasa uilohi mai li Almasi odelaatia, watia loo̒toduo mai lotolo u lotaalua wolo totoonulalo owowoluwoa u hidala-dalaala.

IBRANI 12:12

Sababu uito, poo̒lotola mola uluu̒mu u molulupuhu wau huu̒mu u hulu-huluhelio boito!

1 PETRUS 5:10

Bo lapatio mao̒ timongoli modutolo ngopee̒ mola, Allahu Taa̒ala lohihilao mamohutu mai olimongoli mowali wimu-wimumuto tutu. Tio mamopo tihula wau mopoo̒ lotolo olimongoli wau mopotoheto olimongoli. Sababu Tio yito Allahu Taa̒ala tamopiohe daa̒ hilaa-Lio, tamalo tianga olemu u lodudua̒ helolaasa odudaa̒a-Lio ubakaa lotimbulude toli Almasi.

BOHULO SEMUEL 30:6

Tahidudua̒ olei Dauda siluukali daa̒ sababu timongolio maa iloolia lowalao̒ wau dile limongolio. Sababu uito timongolio mamomai̒ olei Dauda wolo botu. Oditolio tei Dauda todelomo ileepita daa̒, bo hilaalio luli piloo̒ lotoolai lo Eeya Allahu Taa̒alaalio.