NEHEMIA 6:2 - KITABI HABARI MOPIOHE

² Yi tei Sanbalat wolei Gesyem malo loduo olau̒ alihu monao̒ mai mohutu mao̒ dudunggaya woli mongolio totala tuwau lo kambungu to Lumbaya Ono. Bo ilotaawau̒ deu̒ timongolio ohilaa mopotopotaala olau̒.

NEHEMIA 6:2 ပူးပေါင်းရင်းမြစ်များ

OLUO LO SAMUEL 20:9

Tei Yoab loloi̒ya odelei Amasa, “Hinta wolo habari, tamani?” sambela helodihu mao̒ danggu lei Amasa wolo ului̒o olowala tingga odelo mamodiilao̒ olio.

OLUO LO SAMUEL 3:27

Lolamemeto tou̒ tei Abner leidungga mai ode Hebron, tio tiliangio mao̒ lei Yoab ode biihio, totili lohuhebu hulubangi, debo odelo mamo bisala hitua-tuawua u hehuliola. Bo debolo ngilamo lei Yoab ombongo lei Abner tunggula yilate. Odi-odieelo mola tei Abner yilate, pilatelio lei Yoab yila-yilateelo mao̒ u lotuli niyati to ilopatea lei Asael tawali-yaliilio.

BOHULO TAWARI 8:12

Walao̒ talolai̒ lei Elpaal toulota: tei Eber, Misam, Semed. Tei Semed botieelo tahelo potihulao̒ kota Ono wau Lod wau kakaa-mbunguwalo to palitio.

NEHEMIA 11:35

Lod, Ono wau to Lumbaya Mongo pani.

NEHEMIA 3:22

Dengolo tayadu dingingo meeseli wumbutio mola hepiloo̒ pioheo̒ lomongo iimamu todelomo toyunuto odie mola: Mongo iimamu tahi biluloa̒wa diila molaminga monto Yerusalemu. Tei Benyamin wolei Hasub: dingingo meeseli totalu lobele limongolio. Tei Ajarya walae̒e Maaseya walae̒e Ananya: dingingo meeseli totili lobelelio. Tei Binui walae̒e Henadad: dingingo meeseli lonto bele lei Ajariah demota tutulo dingingo meeseli. Tei Palali walae̒e Ujai: dingingo meeseli lonto tutulo dingingo meeseli wau monara lobele biluloa̒ li olongia wimbihu yitaato, totili lo palepelo hepodahaalo. Tei Pedaya walae̒e Parosi: dingingo meeseli de mota totalu Huhebu Hulubangi Talahu to ambahu tiimuru wau monara hepodahaalo Bele lo Eeya. (Diila molamingo lonteeto woluo madala utanggu-tanggula Opel, tambati biluloa̒ lo tahi pokalajawa Bele lo Eeya.)

NEHEMIA 6:3

Sababu uito maa yilaou̒ mota totameto odie ode limongolio, “Wau̒ diila mowali monao̒ mai sababu donggo hemohutu kalaja upohuna daa̒. Kalaja boito mamei otongo wonu tolaau̒ mao̒ u modunggaya wolimongoli.”

JABURU 12:2

Tulungialo mai mongowatotia, yaa Eeya, sababu diduu̒ taa u mopiohu, taa u tatapu wau molotolo hilao to Eeya malo pulito.

JABURU 37:12

Taa moleeto hemo ranjana u moleeto totaa u mopiohu, wau momilohe olio wolo lonuo̒.

JABURU 37:32

Taa mopiohu hewahula lotaa moleeto tahemo lolohe wakutu u momate-mateelo ma̒o olio.

TAMOO-HUTUBAWA 4:4

Otaawau̒ olo deu̒ manusia mokalaja odito tio̒opatea, bo kalana mohiihia moo̒onto tilapulo tiheedio. Ngoa̒amila boito diila ohuna wamabai̒o debo odelo tolopani mohilapita dupoto.

YEREMIA 41:2

tei Isimai̒ilu wau tamopulu lota boito malo mahuta wamilo limongolio wau lomate yila-yilateelo mao̒ olei Gedalya, gubolonulu tapiluduo̒ taulo Babel boito.

YEHESKIEL 33:31

Timongolio monao̒ mai tutuuyuta dadaata daa̒ wau odelo umati-U̒ timongolio motihuloa̒a modungohe loloo-iyaamu, bo wolo upilo malentaamu diila dilungohe limongolio. Biihu limongolio molapali loloo-iyaalo sinta, bo hilaa limongolio bo hemo mikiilangi uuntungi.