NEHEMIA 6:15 - KITABI HABARI MOPIOHE

¹⁵ Dingingo meeseli boito hepiloo̒ piohio loo̒pulita wakutu limo lopulaa duuhui mola, wau yilapato todulahe odulo pulaa limo hulalo Elul.

NEHEMIA 6:15 ပူးပေါင်းရင်းမြစ်များ

ESRA 6:14

Hebilantua lomongo nabi Hagai wau Jakaria, mongo tau̒wa lo Yahudi helo tolonga mola pomongulalo Bele lo Eeya boito. Timongolio hua̒a lopoo̒ lapatao̒ pomongulalo Bele lo Eeya boito lotuuu̒de wolo palenta lei Kores, Darius wolei Artahsasta, mongo olongia lo Persia boito.

ESRA 6:15

Bele lo Eeya boito yilapato todulahu otolulio hulalo Adar totaunu olomio pamalenta li Olongia Darius.

NEHEMIA 7:1

Tou̒ dingingo meeseli boito yilapato bilongu, wau̒ helo poa̒hu mao̒ alihu duduu-ngowaalo huhebu pohuliolo. Lapatao̒ tahi podahawa huhebu hulubangi, tahi polahua wau tau-tauwalo Lewi ilahulau̒ helo ponao̒ tuugasilio ngota-ngota.

JABURU 1:3

Tau boito otilapulo todelomo totoonulalo tolopanilio; tio debo odelo bungo lo ayu tobiihu dutulaa u momungo to sembolio wau diila pee̒enta mao̒ mololante duungio.

JABURU 147:2

Eeya mamo ponguli mai Yerusalemu; tau-tauwalo polayahu madeloo lo Eeya mohualingo.

DANIALI 9:25

Tuladeelo wau pahamualo utie: Poo̒opitu piu̒wa pitu lotaunu mola mamopaluto, tumulalo mai tou̒ yilualio palenta u muli momongu Yerusalemu, tunggula meidungga mai ngotaalio tau̒wa tatulaoto lo Allahu Taa̒ala. Ngotilonggadu poo̒opitu piu̒wa wolomo pulaa dulo taunu mola dadaa-lalaala wau bibii-ntengiyalo lo Yerusalemu mamuli bongulolo, bo tou̒ boito polupolu lou̒ suukali.