NEHEMIA 6:1 - KITABI HABARI MOPIOHE

¹ Tei Sanbalat, Tobia, Gesyem wau mumuu-suwaalo lami uwewo loo̒dungohe deu̒ ami mailapato helo poo̒pioheo̒ dingingo meeseli, wau deu̒ ngoa̒amila huangio mapilambola, eleponu tou̒ boito ami diipo helo pohuli mao̒ duduu-ngowaalo huhebu wau huhuu-hebuwaalo hulubangi lo kota.

NEHEMIA 6:1 ပူးပေါင်းရင်းမြစ်များ

NEHEMIA 13:4

Tou̒ dipolulio mai uito ti Iimamu Elyasib, tatiluugasia mao̒ helo ngimato huhuu-waliyaalo potomeu̒ to Bele lo Eeya, o wumbuta mopiohu wolei Tobia.

NEHEMIA 2:10

Bo tou̒ tei Sanbalat, taulo Bet-Horon, wolei Tobia tamoleeto ngota lonto Amon, loo̒dungohe deu̒ wau̒ lonao̒ mai duo̒lo polohuna daa̒ bangusa lo Isirai̒lu, yi timongolio malowalo lole̒e daa̒.

NEHEMIA 2:19

Tou̒ ranjana lami boito ilotahua lei Sanbalat, Tobia wau lei Gesyem, ngotaalio lo Arabi, yi hepilo ii̒iya limongolio wau helo sosero olami. Uali mongolio mao̒, “Wolo u mapohutuo limongoli? Wolo timongoli ohilaa momintaa̒ tingolo toli olongia?”

NEHEMIA 3:1

Uti-utieelo dudulohu tomimbihu woloolo mola dingingo meeseli lo kota Yerusalemu hepiloo̒ piohio mao̒. Ti Iimamu Daa̒ Elyasib wau mongo sahaabatilio luli lomongu mola Huhebu Hulubangi Himba, helo pohuli mao̒ duduu-ngaalo huhebulio wau lopohetu mao̒ ode Eeya. Timongolio helo poo̒pioheo̒ wau lopohetu mao̒ dingingo meeseli demola Monara Ngohetuto wau demola Monara Hananeel.

NEHEMIA 4:1

Tou̒ tei Sanbalat loo̒dungohe deu̒ ami taulo Yahudi donggo hemo poo̒piohe dingingo meeseli lokota, yi tio maloingi daa̒ wau helo sosero olami.

NEHEMIA 7:1

Tou̒ dingingo meeseli boito yilapato bilongu, wau̒ helo poa̒hu mao̒ alihu duduu-ngowaalo huhebu pohuliolo. Lapatao̒ tahi podahawa huhebu hulubangi, tahi polahua wau tau-tauwalo Lewi ilahulau̒ helo ponao̒ tuugasilio ngota-ngota.

DANIALI 9:25

Tuladeelo wau pahamualo utie: Poo̒opitu piu̒wa pitu lotaunu mola mamopaluto, tumulalo mai tou̒ yilualio palenta u muli momongu Yerusalemu, tunggula meidungga mai ngotaalio tau̒wa tatulaoto lo Allahu Taa̒ala. Ngotilonggadu poo̒opitu piu̒wa wolomo pulaa dulo taunu mola dadaa-lalaala wau bibii-ntengiyalo lo Yerusalemu mamuli bongulolo, bo tou̒ boito polupolu lou̒ suukali.