NEHEMIA 5:9 - KITABI HABARI MOPIOHE

⁹ Lapatao̒ luli yiloi̒aau̒ mao̒, “Huhutuumu boito diila mopiohu! Paatutilio timongoli tumutumulo wolo raasa moohe to Allahu Taa̒ala. Lou̒ odito musunto tadiila o Eeya boito diila yilohia limongoli wakutu u mohina olanto.

NEHEMIA 5:9 ပူးပေါင်းရင်းမြစ်များ

ILOOWALI 20:11

Tei Abraham lolametao̒, “Pikiliyalo mao̒, teewe diaaluo taa u moohe to Allahu Taa̒ala, tilinggula watia mapateelio mate-mateelo mao̒ lo taa u motohilaa todile lowatia.

ILOOWALI 42:18

Todulahee otolulio tei Yusu malo loi̒ya ode limongolio, “Wau̒ taa u moohe wau taa u modungohe to Allahu Taa̒ala. Timongoli mapo aahuwou̒ mai wolo danti tuwau.

OLUO LO SAMUEL 12:14

Bo sababu ti Baginda malohina to Eeya wolo huhutu boito, yi walao̒ talolai̒ li Baginda taboheli pilotutulio mai boito maamate.”

NEHEMIA 4:4

Yi malodua̒ mola wau̒ odie, “Yaa Allahu Taa̒ala, ambunguolo dungohilo mai woloolo mola mongowatotia hilinaalio! Podunggaalo mai polohina boito ode yitaato lunggongi mongolio lohihilao. Ambunguolo hulilo mao̒ totoonulalo miliki limongolio lambotolio wau timongolio lohihilao bintao̒lio odelo tawalo ode lipu deli.

NEHEMIA 5:10

Wau̒ lohihilao, mongo wutatuu̒ wau mongo sahaabatiu̒ malo pobulotao̒ doi wau pale ode ulipu. Ami diilalo lei̒ powalingai u bilolotalio boito.

NEHEMIA 5:15

Mongo gubolonulu tou̒ dipo-dipolulio mai wau̒, malowali banta lo ulipu sababu timongolio helohile wopato pulu doi talaa̒ ngohui duo̒lo ua̒alo wau angguru. Tumbao̒, mongo pogawee limongolio olo helodeehe ulipu. Bo wau̒ diila mohuto mohutu mao̒ odito sababu wau̒ moohe to Allahu Taa̒ala.

JABURU 90:11

Tatoonu tamotota opolutuo̒ muluka lo Eeya, meaalo motuuu̒de mongalati akiibati omuluka lo Eeya?

POHUMAYA 16:29

Taa diila omanusia mohimbulo mongo sahabatilio, wau modelo olimongolio ode delomo baala.

POHUMAYA 17:26

Diila paatuti modinta totaa udiila ototala; diila paatuti modeehe taa u obudi molamahu.

POHUMAYA 18:5

Diila mopiohu motiwambao̒ ode taa momaahu parenta wau modeehe taa udiila ototala.

POHUMAYA 19:2

O oloohe lou̒ diila opongotota, diila mopiohu; taa u tame-tameo̒ mamohutu totala.

POHUMAYA 24:23

Tau-tauwalo molinepo pee̒enta loloi̒ya odie: Hakimu diila mowali motiwambao̒.

YEHESKIEL 36:20

Ode utoonu wambai̒o ponao̒wa limongolio, timongolio laito hemopo kootolo tanggulu-U̒ u mantali. Sababu tau-tauwalo hemoloi̒ya odie, ‘Bangusa botie yito umati lo Allahu Taa̒ala, bo timongolio musi mololaa huta u yiludu lo Allahu Taa̒ala ode limongolio.’

IMAAMATI 25:36

Diila mao̒ pohilea wolo moo̒ohuu̒ bunga monto wolo upilo bulotao̒ limongoli olio, bo mamusi timongoli moohe to Allahu Taa̒ala limongoli, wau polulia mao̒ tau boito tumu-tumula towolota limongoli. Diila mao̒ pohama pae̒eda olo monto ua̒alo potali mao̒ limongoli olio.

WUNGGULI LOMONGO RASULU 9:31

Yi jamaa̒ to ngilanggubu Yudea, Galilea, wau Samaria malowali aamani. Bilantua mai lo Rohullah, lou̒ yiloohe to Eeya, jajaa-maa̒alo boito he iloduhenga mola lotolio wau daatalio.

ROMA 2:24

Todelomo Kitabi tulatulade odie, “Sababu timongoli, tau-tauwalo Yahudi, yi tanggulo Allahu Taa̒ala pilo najisilio towolota lo babaa-ngusawalo wewo.”

1 TIMOTIUS 5:14

Uitolo sababuulio otohilaau̒ alihu mongo janda himuudawa muli monika, umoo̒ toduo mai walao̒ wau mongulusi dileaalio, alihu totoonulalo diila ohiyango u mopobuli-buliilo tanggulunto.

TITUSI 2:5

mowali molinepo, tumutumulo mantali mowali tiilo to dileya umopiohu wau taa̒luku todilelio. Lou̒ odito diaaluo taa mowali mohentea̒ habari monto Allahu Taa̒ala.

1 PETRUS 2:12

Pii̒li limongoli towolota lotaa udiila motota lo Allahu Taa̒ala mamusi mopiohe daa̒, tilinggula wonubolo timongolio mopitana olimongoli odelo taa moleeto, timongolio debo musi motolo akuwo huhutumu u mopiohe, tilinggula timongolio mamomuji Allahu Taa̒ala todulahe podungga-Lio mai.

BOHULO SEMUEL 2:24

Diilalo mao̒ pohutu odito, walau̒uu̒. Otutu moleeta daa̒ wolo u hebisalaa umati lo Eeya tomimbihu olimongoli!