NEHEMIA 5:8 - KITABI HABARI MOPIOHE

⁸ wau loloi̒ya mao̒, “Wolo tio̒opatea ito malo tolotao̒ mongo wutatonto taulo Yahudi tabolo pakusa helo potali lo batangaalio to bangusa deli. Bo botia timongoli botie tumbao̒ helo makusa olimongolio lopotali lo batangaalio ode limongoli, lebe-lebe pomao̒ timongoli olo taulo Yahudi!” Mongo tau̒wa boito diila loo̒ tameto penu boli ngotahe mao̒.

NEHEMIA 5:8 ပူးပေါင်းရင်းမြစ်များ

NEHEMIA 5:9

Lapatao̒ luli yiloi̒aau̒ mao̒, “Huhutuumu boito diila mopiohu! Paatutilio timongoli tumutumulo wolo raasa moohe to Allahu Taa̒ala. Lou̒ odito musunto tadiila o Eeya boito diila yilohia limongoli wakutu u mohina olanto.

AYUBA 29:10

wau olo taa polohuna daa̒ olo diila mobisala.

AYUBA 32:15

Ayuba, timongolio helolingu wau diila moo̒ tametao̒; diaaluo u mowali polele mai limongolio.

PILOTIMUA̒TA 21:16

Tatoonu tamopo tetea̒a tahingota-ngotaawa, musi hukuu-maniyola mate, diila otaawa tau boito mapilo taliilio meaalo donggo woluo tobelelio.

MATIUSI 22:12

Lapatao̒ tio lohintu mao̒ totau boito, ‘Sahabati, woloolo mola yio̒ loo̒ tuwotai lou̒ diila pakepake boo̒ lo potihunggu?’ Tau boito diilalo lowali loloi̒ya wolo-wolo.

MATIUSI 25:15

Ode timii̒du tamoomayawa boito yilohialio modudua̒ u omamboa limongolio ngota-ngota. Ode ngotaalio yilohialio limo lolihu doi hulawa. Ode tawewo yilohialio dulo lihu doi hulawa. Wau ode tadonggo ngotaalio poli yilohialio ngolihu doi hulawa. Tulusi tio malo monggato.

MATIUSI 25:29

Sababu taa u mailoluo, mamoo̒tapu lebe dadaata mao̒, wau tio mao̒lebealio. Bo taa u odiaaa̒, ngoi̒di udonggo woluo to olio mahamaalo olo.

ROMA 14:15

Bo wonu lou̒ wolo utamelo lo Wutato, ngotaalio lo Wutato ngoi̒imani piloo̒ ngongoto hilaalio, yi Wutato diilalo mohutu patopatoa̒ to tolia̒ngo. Wonu ti Almasi mailate ode tahingota-ngotaawa, diila mao̒ polulia tau boito polusaa lou̒ wolo utamelo lo Wutato.

ROMA 3:19

Botia bolo ilotaawanto deu̒ ngoa̒amila u tulatulade todelomo butoo̒ agama lo Yahudi, deu̒ito-yito duo̒lo tau-tauwala tawoluo towalungo pamalenta lobutoo̒ boito. Lou̒ odito diaaluo penu boli ngotaa mao̒ tamoo̒ wohi alaasani wolo-wolo poli wau ngoilanggubu dunia mowali pohile wolo moo̒ohuu̒ lo Allahu Taa̒ala.

1 KORINTUS 8:11

Wau sababu uito, yi iimani lo Wutato mamoo̒hutu taa u diila molotolo iimanilio boito mowali lapalolo. Lebe-lebe pomao̒ ti Almasi yilate ode tau boito olo.

2 KORINTUS 8:12

Wonu timongoli iloheela lohilao mongohi, yi Allahu Taa̒ala mamololimo uilohi limongoli boito patopatoa̒ tou̒ wolo udiaaluo toli mongoli.

GALATIA 6:10

Oditolio, ngotilonggadu ito ohiyangio, mamusi ito mohutu u mopiohe ode ngoa̒amila tau, laba-labaalo mopiohu ode mongo wutatonto tangoi̒imani.

TINGULI 24:7

Taa u mopoteteo̒ taa ngobangusaalio tulusi mopohutu mao̒ olio odelo wato meaalo mopotali olio, musi hukuu-maniyolo mate. Lou̒ odito timongoli mopodiaa̒a ololeeto boito.