NEHEMIA 5:4 - KITABI HABARI MOPIOHE

⁴ Wau donggo woluo poli taloloi̒ya, “Ami malo bulotaa doi u pilotoloto beya utilantu mao̒ li olongia ode halabolu wau ileengi lo angguru lami.

NEHEMIA 5:4 ပူးပေါင်းရင်းမြစ်များ

ESRA 4:13

Wonu kota boito ohaasili muli bongulolo wau didii-ngingaalo meeselilio lapato potihulolo, yi ulipulio diilalo mohuto momaayari beya, lapatao̒ tilapulo bele biluloa̒ saaha li olongia makuulangi.

ESRA 4:20

Pee̒enta mongo olongia tahi lootola buheli helo malenta mola teto wau longawasa mao̒ ngoilanggubu polopinsi lo Eprat Otolopa wau helo ponao̒ beya wau doi hulawa wau uwewolio uwaajibu pomayari odeli olongia.

ESRA 7:24

Timongoli diila mowali mohimoa̒ beya monto mongo iimamu, taulo Lewi, tamoolahua, tamodahawa huhebu hulubangi, tamookalajawa, meaalo penu boli tatoonu wambai̒o tao̒ wumbutalio wolo Bele lo Eeya.

NEHEMIA 5:3

Woluo poli taloloi̒ya, “Wau̒ bolo pakusa helo pohuloo̒ halabolu, ileengi lo angguru wau bele lami u lotali pale alihu ami diila mate lo polaango.”

NEHEMIA 9:37

Totoonulalo kelakela tilapulo huta botie musi wuduolo ode mongo olongia lolipu. Tahi kawaasawa boito hepiluduo̒ lo Eeya ode umati lo Eeya, odelo hukumani todusa lo mongowatotia to Eeya. Timongolio helo malenta tohila-hilaalio tobatanga lo mongowatotia wau bibiahu miliki lo mongowatotia. Sababu uito mongowatotia botia hesilikisa, malo ileepita wau limilimi!”

POHUMAYA 22:7

Taa mosikini tokawasa lotaa kaya; taa u mobuloto tokawasa lotaa mopobulotao̒.

YOSUA 16:10

Bo suku Epraim diila lopolahi taulo Kanaa̒n lonto madala lo Gejer. Uito sababuulio tunggula botia taulo Kanaa̒n donggo hibiluloa̒wa to Gejer pee̒-pee̒enta wolo taulo Epraim, bo timongolio pilakusaalio helo kalaja odelo wato duo̒lo taulo Epraim.