NEHEMIA 5:19 - KITABI HABARI MOPIOHE

¹⁹ Watotia momolohone yaa Allahu Taa̒ala, ambunguolo eelailo mai totoonulalo u mapilohutu lo watotia ode bangusa botie wau ambunguolo balakatiyalo mai watotia.

NEHEMIA 5:19 ပူးပေါင်းရင်းမြစ်များ

ILOOWALI 40:14

Bo Eelai mai watia wonu owowoluwoamu malopiohe. Tulungia mao̒ potunggula mota sua̒li lowatia odeli olongia, alihu watia maa bebasialio monto tutupa botie.

OLUO MONGO OLONGIA 20:3

“Yaa Eeya, ambunguolo eelailo mai deu̒ watotia botie malo tiwato ode Eeya wolo tatapu wau molotolo hilao wau tio̒otutua belesi lohilao. Watotia laito hemo tolopani modudua̒ otohilaa lo Eeya.” Lapatao̒ tei Hiskia hilumoyongo wolo suukali lohilao.

NEHEMIA 13:14

Yaa Eeyaau̒, ambunguolo eelailo mai ngoa̒amila u mapilohutu lo watotia ode Bele lo Eeya wau obubayaalio.

NEHEMIA 13:22

Lapatao̒ tau-tauwalo Lewi hepilei̒ hutuu̒ mao̒ upacara poberesiyalo batanga wau lodaha huhuu-hebuwaalo hulubangi u longimato mao̒ alihu tau-tauwalo mohurumati dulahu Saabati. Wau̒ lodua̒ mola, “Yaa Allahu Taa̒ala, ambunguolo eelailo mai watotia sababu sua̒li boito olo, wau ponua mai watotia tutuuu̒de wolo ponu lo Eeya u udaa̒.”

NEHEMIA 13:31

Ilaatuluu̒ mao̒ olo alihu towakutu u tantutantu, ayu podiio̒ ode dewo bake mowali podapatolo wau ulipu moo̒delo dewo tilapulo huta u bohulio. Pulitio wau̒ lodua̒ mola, “Allahu Taa̒alau̒, ambunguolo eelai mai ngoa̒amila botie wau balakatialo mai watotia.”

JABURU 106:4

Eelailo mai watotia, yaa Eeya, domi opopiohu Eeya duo̒lo umati lo Eeya, ambunguolo tulungia mai watotia olo wonu Eeya mopoa̒ahu olimongolio.

JABURU 40:17

Pohileaala dua̒ ngoa̒amila taa u hemolubo to Eeya motiwengahu wau motisanangi, wau ngoa̒amila taa motolia̒nga osaalamati monto Eeya tulusi moloi̒ya, “Otutu udaa̒alo mola Eeya!”

YEREMIA 29:11

Wolo diila Wau̒ lohihilao tamotota ngoa̒amila lanjana-U̒ ode limongoli? Ngoa̒amila lanjana boito diila u mopo topotala olimongoli, bo u mopoa̒ahu olimongoli wau u mongohi mai olimongoli dulahee momooli u lealeaatu lo halapani.

MATIUSI 10:42

Titaalo tita tamongohi uilumolo, penu bo taluhu mohuhulo ode tala ngota lotaa hehiinawa daa̒ botie, sababu tio muri-U̒, pomalacayalo, deu̒ tio maatantu mololimo wuupalio!”

MARKUSI 9:41

Poo̒toloma mao̒! Taa mongohi uilumolo olimongoli masababu timongoli hidudua̒ Olongia Tamoo-poa̒ahua, tio tantu mamo lolimo wuupalio.”