NEHEMIA 5:16 - KITABI HABARI MOPIOHE

¹⁶ Ngoa̒amila lotooluu̒ heilohiu̒ mao̒ to pomongulalo dingingo meeseli wau wau̒ diila loo̒tapu huta penu boli ngopita mao̒ odelo wuupa buleu̒, eleponu ngoa̒amila tamomantua olau̒ lodudua̒ helo kalaja to pomongulalo boito.

NEHEMIA 5:16 ပူးပေါင်းရင်းမြစ်များ

NEHEMIA 5:15

Mongo gubolonulu tou̒ dipo-dipolulio mai wau̒, malowali banta lo ulipu sababu timongolio helohile wopato pulu doi talaa̒ ngohui duo̒lo ua̒alo wau angguru. Tumbao̒, mongo pogawee limongolio olo helodeehe ulipu. Bo wau̒ diila mohuto mohutu mao̒ odito sababu wau̒ moohe to Allahu Taa̒ala.

NEHEMIA 5:17

Ngohetuto limo lopulu lota taulo Yahudi wau tahimuloa lo ulipu limongolio biasa heintaau̒ mao̒ molamelo tobeleu̒, diipo leituoto tataa-muwaalo lonto babaa-ngusawalo to tiheede lami.

YIA̒APO 16:15

Tei Musa loingo daa̒ wau loloi̒ya ode Eeya, “Yaa Eeya, ambunguolo diila mao̒ tolimowa dewo limongolio. Diila pee̒enta mao̒ watotia loo̒luhi penu boli ngotaa mao̒ limongolio; tumbao̒ penu boli kolodai tuwau diila pee̒enta mao̒ hilama lowatotia lonto olimongolio.”

LUKASI 8:15

Bili u lobiihuto tohuta u molomiodu debo odelo taa u modungohe habari boito, lapatao̒ tilahulio todelomo hilao u mopiohu wau motulidu. Timongolio moo̒ tahangi tunggula mongohi hungo.”

ROMA 2:7

Allahu Taa̒ala mongohi mai tutumulo tutu wau ohiheo-hiheolo mao̒ ode limongolio taa tatapu wau molotolo hilao hemohutu mopiohe u moo̒tapu mao̒ ulailaio̒, u hulu-hulumati wau u abadi.

1 KORINTUS 15:58

Masababu uito, Mongo wutato taa otolia̒nguu̒, mamusi timongoli molotolo wau diila moe̒tu. Pokalajalo tulusi ode Eeya lou̒ otu-otutuulo mao̒, sababu otaawa limongoli deu̒ ngoa̒amila u kalajaa limongoli ode Eeya, ohunalio.

GALATIA 6:9

Sababu uito, ito diila mao̒ potolu mohutu susuu-aliyaalo u mopiohe; sababu wonu ito diila mohuheli mohutu susuu-aliyaalo boito pee̒enta mai ito mamo ngotolo tilapulio.