NEHEMIA 5:13 - KITABI HABARI MOPIOHE

¹³ Lapatao̒ bilua̒duu̒ mao̒ bintolo wohutaau̒ tulusi pilongee̒eu̒ mao̒ sambela loloi̒ya, “Odi-odieelo mola patutilio Allahu Taa̒ala mopongee̒ mai timii̒du taa u diila moe̒ela dantilio. Tau boito mamowali sikisa, bele wau totoonulalo harataalio mahamaa lo Allahu Taa̒ala!” Ngoilanggubu majilisi helo lametao̒, “Amin!” tulusi lomuji mola to Eeya. Yi mongo tau̒wa boito malo poo̒polu mao̒ danti limongolio.

NEHEMIA 5:13 ပူးပေါင်းရင်းမြစ်များ

BOHULO TAWARI 16:36

Pujiaalo mola Eeya, Allahu Taa̒ala lo Isirai̒lu, botia wau ohiheo-hiheolo mao̒! Lapatao̒ ngoilanggubu umati lo Isirai̒lu loloi̒ya “Amin”, tulusi timongolio helomuji mola Eeya.

NEHEMIA 8:6

Tei Esra loloi̒ya mao̒, “Pujialo mola Eeya, Allahu Taa̒ala taa udaa̒!” Ngoilanggubu ulipu helo mintaa̒a mola uluu̒lio lola-langgotolo mao̒ wau lolameto, “Amin, amin!” Tulusi timongolio losujudu lomola helolubo Allahu Taa̒ala.

JABURU 119:106

U pilodanti lowatia wolo tadia mapomata lowatia, u motidihu to putuusani lo Eeya ua̒adili.

JABURU 50:14

Podewowalo bake sukuru ode Allahu Taa̒ala, eelailo dantimu to Taa Laba-labaalo molanggato.

JABURU 76:11

Tau-tauwalo tamailaba diila omanusia olo momuji mola to Eeya, wau tadonggo hiwingoa helomake kaingi kado tuotio limilimi.

POHUMAYA 28:4

Tatoonu tamo malonga butoo̒, motiwambao̒ totaa moleeto; tatoonu tamo dungohe butoo̒ moluwali taa loruusa sama-samaata.

TAMOO-HUTUBAWA 5:5

Diila mao̒ tataa-heemu moo̒dusa olemu, tilinggula yio̒ bolo pakusa moloi̒ya mao̒ odeli iimamu tahemomaya to Eeya, deu̒ yio̒ tilaala lolapali danti. Pongoola moo̒ hutu Allahu Taa̒ala muluka to olemu tilinggula aantuluo lo Eeya tilapulo kalajaamu?

YIA̒APO 5:22

Taluhu u mopotoduo mai laa̒anati botie matumuwota ode delomo ombongumu wau mohutu mao̒ moomuyuo̒ wau mopou̒yuto bungo lopamu.” Taabua boito musi molametao̒, “Watia akolo; hinta Eeya mohutu mai odito.”

MATIUSI 10:14

Wonu woluo bele meaanto kota udiila mohuto mololimo olimongoli, meaanto diila mohuto modungohe olimongoli, tolailo tambati boito wau pongee̒ya mao̒ peaahuo̒ monto paladu oa̒atumu.

WUNGGULI LOMONGO RASULU 13:51

Yi mongo rasulu boito malo polotaa̒a peaahuo̒ to oa̒ati mongolio totalu lotaa dadaata boito odelo poe̒ela, lapatao̒ malonao̒ ode Ikonium.

WUNGGULI LOMONGO RASULU 18:6

Bo sababu tau-tauwala tulusi wambao̒ hemo tehengi wau hemo hentea̒ olio, yi tei Paulus lopongee̒ peaahuo̒ lonto boo̒lio odelo tuoto u mopoe̒ela totala limongolio. Tio loloi̒ya, “Wonu timongoli topotala, tingga totala limongoli lohihilao! Diila otaawau̒! Tumulalo mai botia wau̒ mamonao̒ ode tau-tauwalo tadiila Yahudi.”

1 KORINTUS 14:16

Sababu wonu Wutato molapali mola oduo̒lo ode Allahu Taa̒ala wolo rohumu wambao̒, wau woluo taawewo tadiila mongalati lo bahasa moo̒linggolabe u monto Rohullah boito, yi tau boito diila mowali moloi̒ya, “Watia akolo” todua̒ lo sukurumu boito; sababu diila otaawalio wolo uiloi̒ya lo Wutato.

BOHULO SEMUEL 15:28

Lapatao̒ malo loi̒ya tei Semuel olio, “Todulahee botie Eeya malo ngaidinga bele biluloa̒ saaha li olongia lo Isirai̒lu lonto oli Baginda, wau lohuhudu mao̒ ode taa wewo talebe mopioheo̒ woli Baginda.