NEHEMIA 5:12 - KITABI HABARI MOPIOHE

¹² Mongo tau̒wa boito lolametao̒, “Potua boito madudua̒ mao̒ lami. Ami mamopo walingao̒ ngoa̒amila wau diila tamo hinggile baayarilio wolo-wolo monto olimongolio.” Lapatao̒ tiliyanguu̒ mai mongo iimamu wau ilahulau̒ mao̒ mongo tau̒wa engonti helotadia totalu lomongo iimamu boito, deu̒ wolo u mailoi̒yau̒ limongolio boito, tio̒otutua mapohutuo limongolio.

NEHEMIA 5:12 ပူးပေါင်းရင်းမြစ်များ

ESRA 10:12

Tau-tauwala boito helo lametao̒ wolo loo̒ohuu̒, “Amiaatia mamodudua̒a potuwanto.”

ESRA 10:5

Yi matilumula lei Esra u lopohutu mao̒. Tio helo poa̒hu tomongo iimamu tau̒wa, tau-tauwalo Lewi wau tau-tauwalo Isirai̒lu wewolio helo tadia deu̒ timongolio mamoponao̒ mao̒ potua lei Sekhanya boito.

NEHEMIA 10:29

Ami ngoa̒amila mamopotuwau lo batanga wolo mongo tau̒wa lami wau motadia mai u tumumulo modudua̒ butoo̒ Allahu Taa̒ala u mailohi-Lio mai lotimbulude olei Musa. Pohileaala dua̒ Allahu Taa̒ala molaa̒nati olami wonu ami diila moe̒ela daantia botie. Ami motadia mai maa modungohe totoonulalo palenta, butoo̒ wau wuu̒du lo Eeya, Allahu Taa̒ala lami.

NEHEMIA 10:30

Ami motadia mai u diila monika uu̒ulauwa wolo babaa-ngusawalo deli tahi biluloa̒wa tolipu lami.

NEHEMIA 10:31

Wonu bolo woluo bangusa deli taa ohilaa mopotali lopale meaambo penu boli wolo ode olami to dulahu Saabati meaalo to dulahu mantali wewolio, ami diila tamotali mao̒. To timii̒du taunu u opitulio, ami diila tamokalaja halabolu wau diila tamolagi biloli.

NEHEMIA 13:25

Hediliniu̒ wau yilaa̒anatiu̒ timongolio. Woluo tahe pilateu̒ wau pilau̒uu̒ huwoi̒o. Lapatao̒ pilei̒ tadiyau̒ mao̒ timongolio domi tanggulo Allahu Taa̒ala deu̒ timongolio wau mongo walai̒ mongolio diila tamonika uu̒ulauwa poli.

NEHEMIA 5:11

Paatutilio timongoli olo molulutao̒ totoonulalo biloli ulipu to olemu boito, mopio udebo odelo doi meaalo pale boli angguru meaalo winulo jaitun. Hua̒a powalingalo mao̒ halabolu, ileengi lo angguru, ileengi lo jaitun wau bele limongolio!”

MATIUSI 26:63

Boti Isa wambao̒ lotipoo̒oyo. Donggo pee̒entapo ti iimamu daa̒ loloi̒ya mao̒ o-Lio, “Domi Allahu Taa̒ala tatumu-tumulo, polelea mai olami wolo Yio̒ botie Olongia Tamoo-poa̒ahua, Walao̒ Allahu Taa̒ala?”

LUKASI 19:8

Lapatao̒ tobelelio, tei Jakheus tilimihulo wau loloi̒ya mao̒ li Isa, “Eeya, ngotayadu halata lowatotia maposadaka lowatotia ode taa mosikini; wau titaalo tita tamaa pee̒enta ilaakalia lowatotia, mamuli bayalia lowatotia poo̒opato piu̒wa!”