NEHEMIA 4:6 - KITABI HABARI MOPIOHE

⁶ Tou̒ boito ami donggo hemo poo̒piohe tulusi dingingo meeseli boito, wau diila lohiheo lapatio mao̒ ngoilanggubu dingingo meeseli boito yilapato piloo̒piohu tunggula ngotayade duluo langgatio, sababu ulipu helo kalaja wolo polupolu lo sumaangati.

NEHEMIA 4:6 ပူးပေါင်းရင်းမြစ်များ

BOHULO TAWARI 29:14

Watotia wau ulipu lowatotia botie tutuulio tutu diila moo̒wohi wolo-wolo ode Eeya, sababu tilolahepaalo mao̒ deu̒yito-yito wowohi mai lo Eeya wau wolo u wohi lo mongowatia botie deu̒yito-yito haku lo Eeya olo.

BOHULO TAWARI 29:3

Tumbao̒ sababu tolia̒nguu̒ to Bele lo Allahu Taa̒alau̒ boito wau̒ malohudu olo talaa̒ wau hulawa lonto halata milikiiu̒ lohihilao:

OLUO TAWARI 29:36

Yi silanangilo mola hilaa li Olongia Hiskia wau ulipulio sababu bo ngoi̒ntalo mato Allahu Taa̒ala malomantu mai olimongolio helohutu ngoa̒amilalo boito.

NEHEMIA 4:5

Ambunguolo diila mao̒ ambungua mai ololeeti mongolio wau ambunguolo diila mao̒ lipata dusa limongolio, sababu timongolio malohina olo mongowatotia tadonggo hemomongu botie.”

NEHEMIA 4:7

Tou̒ tei Sanbalat wolei Tobia wau tau-tauwalo Amon wau Asdod wau tau-tauwalo Arabi loo̒dungohe deu̒ kalaja hemo poo̒piohe dingingo meeseli lo Yerusalemu boito lebe helolaia̒ mola wau deu̒ huhuu-wangowalo to dingingo meeseli mapilambola, yi timongolio maloingo daa̒.

NEHEMIA 6:15

Dingingo meeseli boito hepiloo̒ piohio loo̒pulita wakutu limo lopulaa duuhui mola, wau yilapato todulahe odulo pulaa limo hulalo Elul.

JABURU 110:3

To dulahu yio̒ meidungga wolo kawasa, to huludu umantali, ulipumu momaju wolo iloheela lohilao. Debo odelo wambulo tou̒ dimodupo, mongo bohulotau monao̒ mai ode olemu.

JABURU 122:3

Yerusalemu u bilongu odelo kota leisuusungi mopiohu wau hitua-tuawua sanangi bilohelo.

HAGAI 1:14

Odi-odieelo mola Eeya helo poo̒liyoa̒ hilaa li Gubolonulu Jerubabel, Iimamu Daa̒ Yosua wau ngoa̒amila taa u malo hualingai lonto polayahu, alihu timongolio ngoa̒amila mokalaja momongu Bele lo Eeya Taa Laba-labaalo kawasa, Allahu Taa̒ala limongolio.

PILIPI 2:13

sababu Allahu Taa̒ala lohihilao tamokalaja mai todelomo batanga limongoli u mohutu olimongoli iloheela lohilao mowali mopo sanangi hilaa lo Allahu Taa̒ala.

IBRANI 13:21

Pohileaala dua̒ Allahu Taa̒ala pobutua mai salaamati boito mopo wimumutai olimongoli wolo totoonulalo umopiohe upalaluo limongoli u mohutu kahandaki-Lio. Pohileaala dua̒ motimbulude li Isa Almasi, Allahu Taa̒ala mokalaja todelomo olanto, wolo u otohilaa-Lio. Mamusi ti Almasi pujiolo ohiheo-hiheolo mao̒! Amin.