NEHEMIA 4:23 - KITABI HABARI MOPIOHE

²³ Wau̒ lohihilao, mongo sahaabatiu̒, tahidudua̒ olau̒ wau tamokawalia olau̒ laito hipakea kaingi lokalaja, mopio hui meaambo dulahu. Ami mololaalaaita todelomo owowoluwoa dapa-dapato wolo tingolo to uluu̒.

NEHEMIA 4:23 ပူးပေါင်းရင်းမြစ်များ

NEHEMIA 4:22

Ngotilonggadu maasa boito ngoa̒amila tao̒tuugasi wolo tamoomantua olimongolio, pilei̒ huiyaau̒ mao̒ to Yerusalemu. Lou̒ odito tou̒ hui ami moo̒ daha mao̒ kota wau dulahio mola momongu dingingo meeselilio.

NEHEMIA 5:1

Dengolo wakutu mola lapatio mao̒ dadaata taulo Yahudi, mopio mongo lolai̒ meaalo mongobua, helo hinggile pasali lotau-tauwala ngobangusaalio.

NEHEMIA 5:16

Ngoa̒amila lotooluu̒ heilohiu̒ mao̒ to pomongulalo dingingo meeseli wau wau̒ diila loo̒tapu huta penu boli ngopita mao̒ odelo wuupa buleu̒, eleponu ngoa̒amila tamomantua olau̒ lodudua̒ helo kalaja to pomongulalo boito.

NEHEMIA 7:2

Pamalenta kota lo Yerusalemu yiluduu̒ mao̒ ode wutatuu̒ Hanan wau odelei Hananya, eyaanggu lo biintengi sababu tio lebe mao̒ wolo taa wewo, moohe to Allahu Taa̒ala wau mowali palacayaalo.

YOEL 2:8

Timongolio diila hipo duduupea̒, to dalalio lohihilao timongolio hinao̒wa. Hiramea timongolio helo ngantulo totoonulalo polo biintengi, diila mowali balisani limongolio pohuheliyolo.

1 KORINTUS 15:10

Bo sababu odehu hilao lo Allahu Taa̒ala watia lowali debo odelo owowoluwoa lowatia botia. Wau diila paracuma Allahu Taa̒ala longambungu mai olaatia. Boli tumbao̒ wawaa-tiyalo tahelo kalaja lebe tio̒opatea wolo ngoa̒amila rasulu wewolio. Bo uito otutuulio mao̒ diila tolopani lowatia; uito tolopani lo Allahu Taa̒ala talomonu mai olaatia wau talo kalaja pee̒-pee̒enta wolaatia.

MONGO HAKIMU 5:11

Totili lo aa̒a-liyaalo odungohe tau hirameya hipo dendangia, hipo hunggulia ohohaama lo Eeya wuwuulia mola, ohohaama lo Isirai̒lu, umati lo Eeya. Yi malo tibarisilo mola timongolio hidulunga ode hulubangi lokota.

MONGO HAKIMU 9:48

Sababu uito, tei Abimelekh wolo tahidudua̒ olio lonao̒ mola ode Hui̒dee Jalmon. Mola teto tio helomutu tataa-ngowaalo ayu wolo bulingo, tulusi lomota tataa-ngowaalo boito toitaato binggungio, lapatao̒ helo poa̒hu to tahidudua̒ olio olo alihu lingga-linggahu mohutu mao̒ debo odelo umaa pilohutulio.