NEHEMIA 4:11 - KITABI HABARI MOPIOHE

¹¹ Tou̒ boito musu lami donggo hemoranjana lou̒ tumahuo̒olo mola u moluhu olami, lapatao̒ momate olami mate-mateelo mao̒ tilinggula kalaja lami meio̒tongo.

NEHEMIA 4:11 ပူးပေါင်းရင်းမြစ်များ

OLUO LO SAMUEL 17:2

Tio matuhuo lowatotia tou̒ tio donggo moongolo wau diilalo botie o sumangati. Watotia mamopo oohea mao̒ olio, tilinggula ngoilanggubu tahidudua̒ olio tumeteo̒. Bo ti Olongia Dauda wambai̒o tamaa patee lowatotia mate-mateelo mao̒.

NEHEMIA 4:10

Bo taulo Yehuda helo polahu mola lahu lo yinggile odie: “Lotoolunto lopulito u momintaa̒ detohu, hiambola puputo donggo ngohuntua hihuntu-huntuwalo mao̒. Rasaalio diila mambo ito mokalaja odie momongu mola dingingo meeseli lokota botie.”

NEHEMIA 4:12

Bo taulo Yahudi tahi biluloa̒wa totili limongolio, wuwuulia helonao̒ mai lopoo̒taa ranjana lomusu boito.

NEHEMIA 4:9

Sababu uito ami lodua̒ mola ode Allahu Taa̒ala lami wau helodaha mao̒ kota boito hui wau dulahu,

JABURU 56:6

Ilo-ilolaanga musu hemo puuyoto palakala lowatia, mololaalaaita timongolio hemo i̒hitiari mopo topotala olaatia.

YESAYA 47:11

Bo yio̒ mao̒dungga lobaala, ilimi lo siihirimu diila moo̒ pohei mao̒. Yio̒ mao̒dungga lobaala, wau diila mambo molame mao̒. Obobinaasa debolo mamei dungga mai, wau diila helanto-lantobumu tou̒ dipolulio mai.

WUNGGULI LOMONGO RASULU 23:12

Tou̒ didimodupo loombulio mola, tau-tauwalo Yahudi malo woomboa. Timongolio lotadia diila tamo lamelo wau mongilu wonu timongolio diipo loo̒pate olei Paulus mate-mateelo mao̒.

WUNGGULI LOMONGO RASULU 23:21

Bo diila mao̒ dudui̒ li Tuani hihiile limongolio boito, sababu maito mao̒ lou̒ wopato pulu lota tadonggo hituua̒ tamo momontoa̒ olio todalalo. Timongolio boito ngoa̒amilalo malo tadia diila tamo lamelo wau mongilu wonu timongolio diipo loo̒pate olei Paulus mate-mateelo mao̒. Masaatia botie olo timongolio mahihetua; bolo hemohima totameti Tuani wambai̒o.”

1 TESALONIKA 5:2

Sababu otaawa limongoli lohihilao lou̒ mopatato deu̒ Dulahu podudungga mai lo Eeya boito mamei dungga debo odelo tamootao̒wa meidungga tou̒ hui.