NEHEMIA 4:10 - KITABI HABARI MOPIOHE

¹⁰ Bo taulo Yehuda helo polahu mola lahu lo yinggile odie: “Lotoolunto lopulito u momintaa̒ detohu, hiambola puputo donggo ngohuntua hihuntu-huntuwalo mao̒. Rasaalio diila mambo ito mokalaja odie momongu mola dingingo meeseli lokota botie.”

NEHEMIA 4:10 ပူးပေါင်းရင်းမြစ်များ

OLUO TAWARI 2:18

Pitu lopulu lolihu lota limongolio yilohia tuugasi u momintaa̒a babaa-langiyalo pomongulalo, walu lopulu lihu lota u momaahati botu to hihui̒-hui̒dea, wau tolo lihu wolomo hetutu lota u mongimato wau tatihu-tihula to kalaja boito.

OLUO TAWARI 34:13

yilohia tuugasi mongimato pomintaa̒alo babaa-haniyaalo, motitau̒wa toburu tahemo kalajawa totoonulalo kalaja hidala-dalaala, hemo kalaja administrasi, wau modaha huhebu.

NEHEMIA 4:11

Tou̒ boito musu lami donggo hemoranjana lou̒ tumahuo̒olo mola u moluhu olami, lapatao̒ momate olami mate-mateelo mao̒ tilinggula kalaja lami meio̒tongo.

NEHEMIA 4:2

To talu lomongo sahaabatilio wau suludadu lo Samaria, tio loloi̒ya, “Wolo u donggo hekalajaa taulo Yahudi topotala udiila mowali pongola-pongola boito? Wolo timongolio ohilaa muli momongu kota botie? To lantobi mongolio kalaja boito mowali lapato todelomo ngohui mola, bo wolo hemopodewo bake? Wolo huntua lopuputo u malopobu boito mowali powalio limongolio mali boboo-tuwaalo dingingo meeseli?”

NEHEMIA 4:9

Sababu uito ami lodua̒ mola ode Allahu Taa̒ala lami wau helodaha mao̒ kota boito hui wau dulahu,

YEHESKIEL 29:18

“Wuu manusia panaa, ti Olongia Nebukadnejar lonto Babel heloluhu lotutuuyuta ode Tirus. Tio lopoa̒hu mongo pajule helomota babaa-ntawaalo u odito buheetio, tilinggula lunggongi mongolio lowali dayato wau binggungi mongolio lomilato, bo mopio olongia mopio suludadulio diila loo̒tapu tilapulo penu boli wolo tolopani tio̒opatea boito.

HAGAI 1:2

Eeya Taa Laba-labaalo kawasa lotahuda odelei Hagai, “Bangusa botie loloi̒ya deu̒ diipo wakutuulio muli momongu Belee-U̒.”

YIA̒APO 13:31

Bo tau-tauwalo taluli lohualingai wolei Kale boito malo loi̒ya, “Diila, ito diila mambo moluhu olimongolio. Tuango lipu boito lebe molotolao̒ wolaanto.”

YIA̒APO 32:9

Timongolio malei dungga ode Lumbaya Eskol wau maloo̒onto olo huta boito. Bo tou̒ timongolio luli lohualingai, timongolio helohutu bangusa lo Isirai̒lu yiloohe u tumumuwotao̒ ode huta uilohi mai lo Eeya ode limongolio.