NEHEMIA 4:1 - KITABI HABARI MOPIOHE

¹ Tou̒ tei Sanbalat loo̒dungohe deu̒ ami taulo Yahudi donggo hemo poo̒piohe dingingo meeseli lokota, yi tio maloingi daa̒ wau helo sosero olami.

NEHEMIA 4:1 ပူးပေါင်းရင်းမြစ်များ

NEHEMIA 13:28

Tei Yoyada yito walai̒ Iimamu Daa̒ Elyasib, bo ngotaalio lo walae̒e Yoyada lowali moluhengee Sanbalat lonto kota Bet-Horon. Masababu uito tei Yoyada hepilo loontuluu̒ lonto Yerusalemu.

NEHEMIA 2:10

Bo tou̒ tei Sanbalat, taulo Bet-Horon, wolei Tobia tamoleeto ngota lonto Amon, loo̒dungohe deu̒ wau̒ lonao̒ mai duo̒lo polohuna daa̒ bangusa lo Isirai̒lu, yi timongolio malowalo lole̒e daa̒.

NEHEMIA 2:19

Tou̒ ranjana lami boito ilotahua lei Sanbalat, Tobia wau lei Gesyem, ngotaalio lo Arabi, yi hepilo ii̒iya limongolio wau helo sosero olami. Uali mongolio mao̒, “Wolo u mapohutuo limongoli? Wolo timongoli ohilaa momintaa̒ tingolo toli olongia?”

NEHEMIA 6:15

Dingingo meeseli boito hepiloo̒ piohio loo̒pulita wakutu limo lopulaa duuhui mola, wau yilapato todulahe odulo pulaa limo hulalo Elul.

NEHEMIA 6:16

Tou̒ mumuu-suwaalo lami to wolota lo babaa-ngusawalo totili mao̒ leeto loo̒dungohe sua̒li boito, timongolio mailoohe oolia lobaya, sababu ngoa̒amila tau motota deu̒ kalaja boito hepilohutulio wolo polotulungi lo Allahu Taa̒ala.

YEREMIA 38:19

Ti olongia lolametao̒, “Wau̒ moohe totau-tauwalo bangusaanto tamalo tiwambao̒ ode taulo Babel. Diila bolo wau̒ mawuduolio ode limongolio wau sikisaalio.”

MATIUSI 2:16

Tou̒ ilotaawa lei Herodes tahi ahalia lopoliama lonto tiimulu boito longaakali olio, maloingo daa̒ tio. Tulusi tio malei̒ pate yila-yilateelo mao̒ ngoa̒amila mongo lolai̒ kekeei̒ taa umululio totibawa dulo taunu to Betelehemu wau topalitio. Uito lotuuu̒de wolo katalangani u lotapulio lonto tahi ahalia lo poliyama boito tomimbihu saaa̒tilio poliyama boito iloontonga.

MATIUSI 27:29

Timongolio lohutu mao̒ makuta tuwau lonto tango kekeei̒ oduhi, wau pilopo hulilio to lunggongi Isa. Lapatao̒ pilopo dihu limongolio tunggudu ngoputu ti Isa to uluu̒-Lio olowala, tulusi timongolio malo tibonggohu totalu-Lio wau lohentea̒ o-Lio. “Salamu Olongia Taulo Yahudi!” uali mongolio.

WUNGGULI LOMONGO RASULU 5:17

Pulitio mao̒ ti iimamu daa̒ wau ngoa̒amila tahidudua̒ olio, deu̒ito-yito palatei tau-tauwalo Saduki, lolumula lohutu hitua-tuawua, sababu timongolio mohiihia.

IBRANI 11:36

Woluo tahe hila-hilantia̒lio, biluboa̒lio, ilawadu wolo lante wau pilopo tuotio ode delomo tutupa.