NEHEMIA 2:20 - KITABI HABARI MOPIOHE

²⁰ Wau̒ lolametao̒, “Allahu Taa̒ala takawa-kawasa tosologa mamohutu mai kalaja lami ohaasili. Ami yito mongo wato-Lio wau ami mamolumulao̒ momongu. Bo timongoli diila ohaku meaalo penu boli miliki wolo wambai̒o to Yerusalemu. Tumbao̒ wonu tau mobisala pasali lo Yerusalemu, tanggulumu diila tau̒nte-unteelio.”

NEHEMIA 2:20 ပူးပေါင်းရင်းမြစ်များ

OLUO TAWARI 26:5

Tei Jakaria yito tamoo-nasehatia rohanilio. Ngotilonggadu tei Jakaria donggo tumutumulo, tei Ujia wolo tatapu wau molotolo hilao moi̒baadati to Eeya tilinggula Eeya helo balakati mai olio.

ESRA 4:3

Bo tei Jerubabel, tei Yesua wau mongo tau̒wa lokaumu boito lolametao̒, “Ami diila mei̒ bantu olimongoli u momongu bele ode Eeya Allahu Taa̒ala lami. Ami mamomongu mao̒ lohihilao lotuuu̒de wolo palenta lei Kores, olongia lo Persia, to olami.”

NEHEMIA 1:4

Loo̒dungohe habari boito, wau̒ lotihuloa̒a mola wau hilumoyongo. He odula-dulahelio mola hiheolio wau̒ siluukali lohilao. Wau̒ tulusi helo puasa mola samabela helodua̒ to Allahu Taa̒ala,

NEHEMIA 2:4

Ti olongia lohintu mao̒, “Oditolio, wolo u otohilaamu?” To delomo hilaau̒ malodua̒ mola to Allahu Taa̒ala takawa-kawasa tosologa,

ESTERI 4:11

“Timii̒du tau, mopio lai̒ boli bua, tadiila tiliyango, motaalua woli olongia to paango delomio lobele biluloa̒ li olongia, musi hukumaniyola mate. Uito yito wuwuu-uduwaalo wau ngoa̒amila tau tumulalo mao̒ monto tamoo-nasehatia dilumutu ulipu to popoo-ropinsiyalo, motota sua̒li boito. Bo woluo dalalo tuwau u moo̒hei monto wuwuu-uduwaalo boito, deu̒yito-yito wonu bolo ti olongia mohudu mao̒ tunggudio hulawa totau boito. Wonu uito motoduo, yi tio mama̒ahu. Bo mangohula mola botie wau̒ diila hetiliyangi olongia.”

JABURU 102:17

wonu bolo Eeya muli momongu Sion, wau modiambanga momaju todelomo odudaa̒ lo Eeya.

JABURU 122:6

Podua̒alo mola duo̒lo osalaamati lo Yerusalemu: “Pohileaala dua̒ ngoa̒amila taa u motohilaa olemu moa̒ahu.

JABURU 20:5

Pohileaala dua̒ Eeya mongohi mai totoonulalo u otohilaamu, wau mohutu mai totoonulalo ranjanaamu ohaasili.

JABURU 35:27

Pohileaala dua̒ taa u ohilaa momilohe olo watotia poo̒tutuwolo motingalaa̒ meengahu wau motiwengahu. Pohileaala dua̒ timongolio wuwuulia mola moloi̒ya, “Otutu udaa̒alo mola Eeya! Eeya motohilaa oa̒ahu lowato-Lio!”

JABURU 51:18

Eeya diila motuhatawa tobake tilambalo; humayaalio watotia mopodewo mola bake yilalango, Eeya diila motohilaa uito.

PILOTIMUA̒TA 28:29

Tou̒ tei Haruna tumuwotao̒ ode tambati mantali, tio musi modelo mao̒ tataa-nggulaalo susuu-kuwaalo Isirai̒lu u pai-paisaka totau̒bu duhelio, alihu Wau̒, Eeya, laito moe̒ela to umati-U̒.

TAMOO-HUTUBAWA 7:18

Pelehia mao̒ duduuluolo engonti. Wonu ito moohe to Allahu Taa̒ala, tantuulo mao̒ ito otilapulo mopiohu.

YESAYA 56:5

yi tanggulumu mae̒elaalo todelomo Bele-U̒ wau towolota lo bangusaa-U̒. Uito lebe mopiohu lou̒ omongo walao̒ talolai̒ wau taabua. Timongoli wohiya-U̒ mai tanggulo ohiheo-hiheolo mao̒ u diila tao̒lipata.”

IMAAMATI 2:2

Tio musi modelo mao̒ ode mongo iimamu wali lei Haruna. Iimamu tao̒ tuugasi musi mohama mao̒ labu ngaau̒po boito wolo winulo jaitunilio wau ngoa̒amila alamalio, lapatao̒ momobu mao̒ toitaato mesba odelo tuoto deu̒ ngoa̒amilalo mapilodewo ode Eeya. Boolo bake lou̒ aalo boito moo̒sanangi hilaa lo Eeya.

IMAAMATI 24:7

Dutui mao̒ alama tutu to motii̒du suusungi loroti u motuotaao̒ deu̒ roti boito bake lou̒ aalo ode Eeya.

JAKARIA 6:14

Makuta boito tilahu to Belee-U̒ u mopoe̒ela olei Heldai, Tobia, Yedaya, wolei Yosia.

YIA̒APO 10:10

Wau olo to duduu-laheyaalo timongoli motiwengahu, deu̒yito-yito to popoo-tihungguwalo Hulala Bohu wau to lalaa-meyangiyalo limongoli uwewolio, torompeti boito musi hiipalo tou̒ timongoli mopodewo bake yilalango wau bake lo polodame ode ola-U̒. Yi Wau̒ mamo tulungi mai olimongoli. Wau̒lo Eeya Allahu Taa̒ala limongoli.”

WUNGGULI LOMONGO RASULU 10:31

Tio malo loi̒ya, ‘Kornelius! Allahu Taa̒ala malo lolimo dua̒mu wau loe̒elai omuura lohilaamu.

WUNGGULI LOMONGO RASULU 10:4

Tei Kornelius lomiloheo̒ malai̒kati boito wolo wohe-wohe lapatao̒ loloi̒ya mao̒, “Mahinta wolo Tuani?” Malai̒kati boito lolametao̒, “Dua̒mu wau omuula lohilaamu matilolimo lo Allahu Taa̒ala wau Allahu Taa̒ala loe̒elai olemu.

WUNGGULI LOMONGO RASULU 8:21

Yio̒ diila ohaku u modudua̒ todelomo kalajaa lami, sababu hilaamu diila otutu to Allahu Taa̒ala.