NEHEMIA 2:19 - KITABI HABARI MOPIOHE

¹⁹ Tou̒ ranjana lami boito ilotahua lei Sanbalat, Tobia wau lei Gesyem, ngotaalio lo Arabi, yi hepilo ii̒iya limongolio wau helo sosero olami. Uali mongolio mao̒, “Wolo u mapohutuo limongoli? Wolo timongoli ohilaa momintaa̒ tingolo toli olongia?”

NEHEMIA 2:19 ပူးပေါင်းရင်းမြစ်များ

NEHEMIA 13:28

Tei Yoyada yito walai̒ Iimamu Daa̒ Elyasib, bo ngotaalio lo walae̒e Yoyada lowali moluhengee Sanbalat lonto kota Bet-Horon. Masababu uito tei Yoyada hepilo loontuluu̒ lonto Yerusalemu.

NEHEMIA 2:10

Bo tou̒ tei Sanbalat, taulo Bet-Horon, wolei Tobia tamoleeto ngota lonto Amon, loo̒dungohe deu̒ wau̒ lonao̒ mai duo̒lo polohuna daa̒ bangusa lo Isirai̒lu, yi timongolio malowalo lole̒e daa̒.

NEHEMIA 4:1

Tou̒ tei Sanbalat loo̒dungohe deu̒ ami taulo Yahudi donggo hemo poo̒piohe dingingo meeseli lokota, yi tio maloingi daa̒ wau helo sosero olami.

NEHEMIA 6:6

u tingohio odie mola: “Tei Gesyem helo poo̒otutu mao̒ pipii-tanawaalo to wolota lo babaa-ngusawalo to palitio leewe, u hemoloi̒ya deu̒ Wutato wau ngoa̒amila taulo Yahudi hemolanjana momintaa̒ tingolo, wau uito sababuulio Wutato helo poo̒piohe dingingo meeseli lokota. Tio loloi̒ya olo deu̒ Wutata mamomuduo̒ batanga lohihilao mowali olongia lo Yehuda,

NEHEMIA 6:9

Timongolio lohimontala helo poo̒ohe olami alihu ami mongotongo kalaja boito. Wau̒ lodua̒ mola, “Yaa Allahu Taa̒ala, poo̒lotola mai watotia!”

AYUBA 30:1

Bo botia wau̒ hilantia̒ lotaa ulebe humula wolau̒. Muloololio tiyamo limongolio hebiloheu̒ hina daa̒ u hemodaha himbau̒ wolo apula diiti.

JABURU 123:4

Malo tuuheta mongowatotia hehanti-hantia̒ lotaa kaya, wau hehinaa lotau-tauwalo tahi sombongia.

JABURU 79:4

Amiaatia lowali hipohentea̒ lo babaa-ngusawalo totiheede, hipoi̒ii̒ya wau hepohentea̒ limongolio amiaatia.

JABURU 80:6

Yilohia lo Eeya to mongowatotia hiyongo u lowali ua̒alo, ponu dadaata daa̒ u lowali minumani.

JABURU 80:7

Piloluli lo Eeya babaa-ngusawalo to tiheede helohaamawa tomimbihu huta lo mongowatotia wau mumuu-suuwaalo mongowatotia heloi̒ii̒ hisanangia.

YESAYA 36:5

To lantobumu loi̒ya wambao̒ mowali moluloo̒ siaasati olootolo suludadu? Tatoonu tahepo ngakumu tilinggula yio̒ buheli moluwali Asyur?

YEREMIA 20:8

Timii̒du watotia mobisala, watotia musi monguatio̒ tio̒opatealo mao̒, “Opopalangi! Baala!” Yaa Eeya, watotia hilenteo̒ wau hilinaalio timii̒du wakutu, sababu helo potunggulao̒ tahuli lo Eeya.

YEREMIA 41:10

Lapatao̒ tei Isimai̒ilu loheu̒upa mongo puusili li olongia wau ngoa̒amila taa u donggo woluo to Mispa tamailudu mao̒ lei Nebujaradan to imato lei Gedalya. Tei Isimai̒ilu lotawalo olimongolio tulusi lomonggato woli mongolio ode ambahu madala lo Amon.

MATIUSI 9:24

yi ti Isa lotahuda mao̒ olimongolio, “Lualao̒ timongoli ngoa̒amila! Walao̒ botie diila yilate; tio bo tuutuluhu.” Ti Isa bo heilii̒ya limongolio ngoa̒amila.

MARKUSI 5:40

Ti Isa bo hepilo iii̒ya limongolio. Yi Tio malei̒ lualao̒ olimongolio ngoa̒amila. Lapatao̒ Tio lodelo tilumuwota mongo dulaa̒ lowalao̒ boito wau toulota tahidudua̒ o-Lio ode delomo huwali lowalao̒ boito.

LUKASI 23:2

Teto timongolio malo potulude o-Lio, “Timongolio loloi̒ya, Malotapu lami tau botie hemopo lapalo ulipu. Tio hemo popatu totau alihu diila momayali beya toli Kaisali, sababu heloi̒yaa-Lio deu̒ Tio yito Almasi, ngotaalio li olongia.”

YAHYA 19:12

Tou̒ tei Pilatus loo̒dungohe uito, tio helo tolopani u molopata o-Lio. Bo tau-tauwalo Yahudi mahiwatia̒, “Wonu ti Tuani molopata o-Lio, ti Tuani diila sahabati li Kaisari! Taa motolongaku batangalio olongia, tau boito musu li Kaisari!”

WUNGGULI LOMONGO RASULU 24:5

Lotapu mai lamiaatia tau botie tamoo-tolonggaloa umoo̒ topotala. Boli tou̒ toonulalo mao̒ tio hemo potoodei tolonggalo towolota tau-tauwalo Yahudi wau tio lowali tau̒wa helo poo̒liyoo̒ tau-tauwalo Najaret.

IBRANI 11:36

Woluo tahe hila-hilantia̒lio, biluboa̒lio, ilawadu wolo lante wau pilopo tuotio ode delomo tutupa.