NEHEMIA 2:18 - KITABI HABARI MOPIOHE

¹⁸ Lapatao̒ yilungguliu̒ olimongolio woloolo mola Allahu Taa̒ala helo tulungi mai olau̒ wau wolo u mailoi̒ya li olongia olau̒. Timongolio lolametao̒, “Dulo ito momongu!” Lapatao̒ molumulao̒ timongolio u lolumulao̒ lokalaja.

NEHEMIA 2:18 ပူးပေါင်းရင်းမြစ်များ

OLUO LO SAMUEL 2:7

Poo̒lotola mola hilaamu wau pohutulo odelo pahalaawani ti olongiyamu memangi mailate, bo tau-tauwalo Yehuda malo udua̒a olau̒ lowali olongia limongolio.”

BOHULO TAWARI 11:10

Uti-utieelo tanggulo mongo polowila lei Dauda tahi masaahurua. Pee̒-pee̒enta wolo ngoilanggubu ulipu lo Isirai̒lu, timongolio malo hipate alihu tei Dauda mowali olongia debo odelo u mapilo danti mai lo Eeya. Wau timongolio tulusi hemomantu pamalentaalio.

BOHULO TAWARI 19:13

Poo̒tohetalo mola hilao! Dulo ito mohipate wolo buheli duo̒lo bangusanto wau ode kokoo-tawaalo Allahu Taa̒alanto. Pohileaala dua̒ Eeya mohutu mai wolo u kahandakio-Lio.”

OLUO TAWARI 32:5

Lapatao̒ ti olongia helo poo̒tohetao̒ biintengi lokota wolo lopoo̒piohe dingingo meeselilio, helo potihulo mola momoo-nalawaalo toitaatio wau lomongu dingingo meeseli wewo to bulemengio. Wewolio mao̒ leeto tio helo poo̒pioheo̒ dingingo meeselio, ubilongu toitaato huta tilambula to ambahu tiimuru ambahu deedelo kota Yerusalemu. Tio olo helei̒hutu dadaata daa̒ totobuo̒ wau porisai.

ESRA 6:22

Pitu hui mola hiheolio timongolio wolo weengahe helo polame Potihunggu Roti Diila Oragi. Timongolio hiweengahe daa̒ sababu Eeya malohutu mao̒ oli olongia lo Asyur ilomura lohilao to limongolio tilinggula helomantu oilmongolio todelomo kalaja luli lomongu mola Bele lo Eeya, Allahu Taa̒ala lo Isirai̒lu.

NEHEMIA 2:8

Wewolio mao̒ leeto, wau̒ olo helohile tuladee odelei Asap, tamoo-ngimatoa oa̒ayua lo bele biluloa̒ saaha li olongia, alihu tio mopodapato mao̒ ayu ode huhebu hulubangi lo biintengi totili Bele lo Eeya, wau ode dingingo meeseli lokota wau bele u mapoti biluloa̒au̒. Ti olongia lopoo̒polu mao̒ ngoa̒amila hihiileu̒ boito, sababu Allahu Taa̒ala helo tulungi mai olau̒.

EPESUS 6:10

Pulitio mao̒, mamusi timongoli mowali molotolo wolo olootolo u lotapu limongoli lonto kawasa lo Eeya, sababu timongoli lotituwau wo-Lio.

PILIPI 2:13

sababu Allahu Taa̒ala lohihilao tamokalaja mai todelomo batanga limongoli u mohutu olimongoli iloheela lohilao mowali mopo sanangi hilaa lo Allahu Taa̒ala.

BOHULO SEMUEL 23:16

Tei Yonatan mai lodunggaya wolio teto u lopoo̒ lotolao̒ iimanilio deu̒ tio maduo̒la mai lo Allahu Taa̒ala.