NEHEMIA 2:17 - KITABI HABARI MOPIOHE

¹⁷ Bo lapatao̒ wau̒ loloi̒ya mao̒ ode limongolio, “Bilohilo mao̒ owowoluwoonto u sikisikisa botie! Yerusalemu bolo tuodio wau huhuu-hebuwaalo hulubangilio malopulito yilaahu lo tulu. Dulolo ito muli momongu didii-ngingaalo meeseli lokota Yerusalemu alihu ito diilalo hinaalio.”

NEHEMIA 2:17 ပူးပေါင်းရင်းမြစ်များ

ESRA 9:9

Tou̒ mongowatotia donggo todelomo polowato, Eeya diila lololaa to mongowatotia. Eeya lohutu mai tomongo olongia lo Persia helo tolia̒nga to mongowatotia wau yiluasia luli lomongu mola Bele lo Eeya ubolo tuodio boito. Eeya helo duo̒lai to mongowatotia tewe, to Yehuda wau Yerusalemu.

NEHEMIA 1:3

Timongolio helo hungguli mai deu̒ tau-tauwalo bakasi polayahu tamalo hualingai ode huta pilohuluta lo duhulio boito, botia hitumula sikisa wau hehilina lo babaa-ngusawalo deli tawoluo topalitio. Donggo poli, didii-ngingaalo kota Yerusalemu donggo hia̒antulua daa̒ wau huhuu-hebuwaalo hulubangilio diipo piloo̒piohu tumulalo mai yilopobu tou̒ yilalu mao̒.

NEHEMIA 2:13

Dulahe donggo hui, tou̒ ami lololaa mao̒ kota lolibaaya Huhebu Hulubangi Lumbaya to ambahu otolopa. Ami lotidulunga mola ode ambahu hulialio, ode Huhebu Hulubangi Puputo, lolibaaya Butu lo Taluhu Naha. To delomo nonao̒ boito wau̒ lomalakisao̒ totoonulalo helorusa to dingingo meeseli lokota wau iloontongau̒ olo huhuu-hebuwalo hulubangi u mailaahu lotulu.

NEHEMIA 2:16

Diaaluo penu boli ngotaa mao̒ lo tahimuloa lo ulipu motota ode utoonu ponao̒wau̒, wau wolo u donggo helanjanau̒. Sababu dilumutu wakutu boito wau̒ diipo heloloi̒ya wolo-wolo ode tau-tauwalo ngobangusau̒, mopio ode mongo iimamu boli ode tahimuloa lo ulipu, meaambo ode mongo pogawee, wau tatoonu wamabi̒o tamaa modudua̒ momongu kota Yerusalemu.

JABURU 102:15

Sababu mongo wato lo Eeya motolia̒ngo olio, penu boli tio malowali tuodu. Timongolio helodehu hilao to olio, penu boli tio malowali peaahuo̒.

JABURU 44:13

Pilotali lo Eeya umati lo Eeya wolo halaga udiila boti ohalaga, wau diila heloo̒tapu uuntungi wolo-wolo.

JABURU 44:14

Pilowali lo Eeya amiaatia pilohentea̒ lomongo tiheede timongolio hipodali-dalilia wolo loi̒ya wau hipoi̒ii̒ya to olamiaatia.

JABURU 79:12

Yaa Eeya, tuliyalo mai babaa-ngusawalo boito poo̒opitu piu̒wa sababu ngoa̒amila polohina limongolio to Eeya.

JABURU 79:4

Amiaatia lowali hipohentea̒ lo babaa-ngusawalo totiheede, hipoi̒ii̒ya wau hepohentea̒ limongolio amiaatia.

YEREMIA 24:9

Wau̒ mamopo topotala mai olimongolio odito rupalio tilinggula totoonulalo bangusa to ngoilanggubu dunia mamoohe. Penu boli tou̒toonu timongolio mapobua̒yaa-U̒, timongolio mahenteo̒lio, wau poi̒ii̒yalio boli hinaalio. Tangguli mongolio mapomake odelo laa̒anati.

HIYONGO MOPOILAALO SUUSA 2:2

Timii̒du huta datahu u luasi daa̒ u pilobutua lohuo̒yoto to lipu lo Yehuda, ilantulu-Lio lou̒ diila odehu hilao. To delomo omulukaa-Lio Eeya longantulu tunggula lolohubu bibii-ntengiyalo u loduo̒la lipu boito. Yilaidia boito wolo mongo tau̒walio pilopodehu-Lio tilinggula lowali hina.

HIYONGO MOPOILAALO SUUSA 3:51

Hilaa lowatia lowali siluukali loo̒onto paladu lamiaatia tokota lo mongowatotia.

YEHESKIEL 5:14

Yio̒ mamowali tutuu-wodeyaalo wambai̒o wau babaa-ngusawalo to palitumu mamohentea̒ olemu; timii̒du taa u lumaodeo̒ mamopo halahe batanga monto olemu.

MIKHA 7:11

Wuu Yerusalemu! Malei dungga wakutuulio timongoli muli momongu didii-ngingaalo meeseli lo kotaamu. To dulahee boito madalamu mapo luasiyolo.

BOHULO SEMUEL 11:2

Tei Nahas lolametao̒, “Wolo saalati botieelo wau̒ ohilaa mohutu mai daantia, deu̒yito-yito, ‘Matomu olowala ngota-ngota maluo̒ohuu̒ odelo polohina to ngoilanggubu Isirai̒lu!’ ”