NEHEMIA 2:12 - KITABI HABARI MOPIOHE

¹² Ngotilonggadu uito wau̒ diila helo poo̒taa mao̒ penu boli olita deu̒ Allahu Taa̒ala longohi mai ilihamu olau̒ u muli momongu mola kota Yerusalemu. Loombulio mola tou̒ huihui wau̒ lobongu tulusi helo heinga dengolo tamani lonao̒ ode bulemengo kota. Ngopohia kolodai u tilae̒yaau̒, ami diila helodelo binatangi potitae̒yaalo uwewo.

NEHEMIA 2:12 ပူးပေါင်းရင်းမြစ်များ

ESRA 7:27

Lapatao̒ ualei Esra, “Pujialo mola Eeya, Allahu Taa̒ala tahe tuboo linenemoyaanto! Eeya malo poo̒oliyoa̒i hilaa li olongia tilinggula tio lohuto tolomodu helo poo̒otuoto Bele lo Eeya to Yerusalemu.

NEHEMIA 2:11

Wau̒ leidungga mola ode Yerusalemu, tulusi lohuheli tolo hui mola.

NEHEMIA 2:13

Dulahe donggo hui, tou̒ ami lololaa mao̒ kota lolibaaya Huhebu Hulubangi Lumbaya to ambahu otolopa. Ami lotidulunga mola ode ambahu hulialio, ode Huhebu Hulubangi Puputo, lolibaaya Butu lo Taluhu Naha. To delomo nonao̒ boito wau̒ lomalakisao̒ totoonulalo helorusa to dingingo meeseli lokota wau iloontongau̒ olo huhuu-hebuwalo hulubangi u mailaahu lotulu.

JABURU 122:6

Podua̒alo mola duo̒lo osalaamati lo Yerusalemu: “Pohileaala dua̒ ngoa̒amila taa u motohilaa olemu moa̒ahu.

JABURU 51:18

Eeya diila motuhatawa tobake tilambalo; humayaalio watotia mopodewo mola bake yilalango, Eeya diila motohilaa uito.

POHUMAYA 12:23

Taa u molinepo diila mopolebe pongototaalio; taa mohulodu mopodaata loi̒ya lo ohulodio.

TAMOO-HUTUBAWA 3:7

wakutu u mongaidingo wau wakutu u modetumo, wakutu u motipoo̒yo batanga wau wakutu u mobisala.

YEREMIA 31:33

Uti-utieelo daantia bohu u mapohutuwo-U̒ wolo umati lo Isirai̒lu: ngoa̒amila butoo̒o-U̒ madutuwo-U̒ todelomo hilaa limongolio, wau tuladu-U̒ mao̒ todelomo hilaa limongolio. Wau̒ mamowali Allahu Taa̒ala limongolio, wau timongolio mamowali umati-U̒.

YEREMIA 32:40

Wau̒ mamohutu daantia u ohiheo-hiheolo mao̒ woli mongolio. Wau̒ diila tamohuheli mohutu u mopiohu ode limongolio. Wau̒ mamohutu mai olimongolio moohe wau mohulumati to Olau̒ wolo lealeaatu lohilao alihu timongolio diila mohalahu monto Olau̒.

AMOS 5:13

Sababu huhutuumu boito, yi tau-tauwalo tahi tinepawa molaasa lebe mopiohe motipoo̒yo wambao̒ tomaasa u moleeto debo odelo uito.

MIKHA 7:5

Diila mao̒ yakinia to tiheedumu, diila mao̒ potiwunela to sahaabati. Poo̒daha-dahaalo mao̒ wolo loloo-i̒yaamu eleponu tamo dungoheo̒ yito dilemu taabua lohihilao.

MATIUSI 10:16

“Poo̒tuoti mao̒ utie: Wau̒ molao olimongoli debo odelo himba udiila olootolo ode huungo saligala u mongantau. Timongoli musi mopoo̒daha mao̒ debo odelo tulidu wau tulusi lohilao debo odelo bulungi poombo.

MATIUSI 2:14

Tei Yusu malobongu, wau tou̒ huilo boito tio lodelo Walao̒ boito woliilo-Lio lomonggata mola ode Masiri.

2 KORINTUS 8:16

Donggo boli sukurulio amiaatia to Allahu Taa̒ala sababu Tio malohutu olei Titus debo odelo olohu lamiaatia u motulungi olimongoli!

YOSUA 10:9

Ilo-iloonua tei Yosua wolo pasuukanilio ilumoliyoo̒ lonto Gilgal ode Gibeon, lapatao̒ bolo tilumahuo̒olo mola heloluhu tau-tauwalo Amori.

WAHI 17:17

Sababu Allahu Taa̒ala malo poo̒liyooo̒ hilaa limongolio u moponao̒ lanjana lo Allahu Taa̒ala. Allahu Taa̒ala lohutu olimongolio ngopikiilangi u mohudu okokawasa limongolio to binatangi boito, alihu binatangi boito momalenta tunggula motoduo wolo upilo tahuda lo Allahu Taa̒ala.

MONGO HAKIMU 6:27

Yi tei Gideon loluaotao̒ mopulu lota watolio tulusi lonao̒ helo ponao̒ wolo upilo malentao̒ lo Eeya olio. Bo kalana mailaba wohelio to ngaalaa̒lio wau totau-tauwala to kambungulio boito, yi tio diila buheli mohutu mao̒ sua̒li boito tou̒ dulahu. Oditolio tio lopohutu mao̒ tou̒ hui.

MONGO HAKIMU 9:32

Sababu uito, wajibulio yio̒ wau tahidudua̒ olemu monao̒ motituuo̒ to halabolu tou̒ hui.