NEHEMIA 2:1 - KITABI HABARI MOPIOHE

¹ Tou̒ dulahe tuwau, wopato hula mola lapatio mao̒, deu̒yito-yito tohulalo Nisani, tou̒ ti Olongia Artahsasta donggo hemolamelo, wau̒ lopohinta mao̒ angguru olio wolo baya wunuwunulo. Diipo pee̒enta mao̒ wau̒ oontonga wunuwunulo totalulio debo odelo todulahe boito.

NEHEMIA 2:1 ပူးပေါင်းရင်းမြစ်များ

ILOOWALI 40:11

Tou̒ boito watia donggo dihudihu halati lo minumani li olongia, tulusi pilohinta mao̒ lowatia olio.”

ILOOWALI 40:21

Tamoo-ngulusia minumani pilopo walingio mao̒ ode huhuloa̒ ubohu-bohulio mai.

ESRA 4:7

Wau olo tojamani pamalenta lei Artahsasta, kaisari lo Persia, uilowali boito helonguli mola: tei Bislam, Mitredat, Tabeel, wau mongo sahaabati limongolio helo luladueo̒ tuladu odeli olongia. Tuladee boito hetiluladio todelomo bahasa lo Aram, wau musi tohuwaleelo tou̒ pobacaalo.

ESRA 7:1

O taataunua mola lapatio mao̒, tou̒ tei Artahsasta helo malenta odelo olongia lo Persia, woluo talolai̒ ngota tai̒lunte Esra, lonto wali mai li Iimamu Daa̒ Haruna. Pilito lo waliilio mai lonto tibawa odeitaato yito odie mola: Esra Seraya Ajarya Hilkia

NEHEMIA 1:1

Uti-utieelo podulohu lei Nehemia walae̒e Hakhalya tomimbihu poloo̒olohio. To delomo hulalo Kislewu totaunu odulo pulu pamalenta lei Artahsasta odelo olongia to Persia, wau̒, Nehemia, woluo to Susan, tiilo kota lo bele biluloa̒ saaha li olongia.

NEHEMIA 1:11

Ambunguolo dungohilo mai dua̒ lo watotia wau dua̒ lo ngoa̒amila wato lo Eeya uwewo, tao̒hilaa mohurumati mola to Eeya. Ambunguolo tulungiyalo mai lo Eeya alihu todulahe botie wato lo Eeya botie ohaasili moo̒ toduo mai odehu hilao monto li olongia.” To maasa boito wau̒ yito hemongurusi uilumo li olongia.

ESTERI 3:7

To taunu opulaa duluo pamalenta li Olongia Ahasyweros, to hulalo bohulio, deu̒yito-yito hulalo Nisani, tei Haman helei̒ pahuta undi u ilunte “purim” u motota mao̒ dulahu wau hulalo toonu u motuuhatawa poponao̒olo niyatilio u moleeta boito. Yi matilantulio mao̒ todulahu opulaa totolu wau hulalo opulaa duluo, deu̒yito-yito hulalo Adar.

DANIALI 9:25

Tuladeelo wau pahamualo utie: Poo̒opitu piu̒wa pitu lotaunu mola mamopaluto, tumulalo mai tou̒ yilualio palenta u muli momongu Yerusalemu, tunggula meidungga mai ngotaalio tau̒wa tatulaoto lo Allahu Taa̒ala. Ngotilonggadu poo̒opitu piu̒wa wolomo pulaa dulo taunu mola dadaa-lalaala wau bibii-ntengiyalo lo Yerusalemu mamuli bongulolo, bo tou̒ boito polupolu lou̒ suukali.