NEHEMIA 13:5 - KITABI HABARI MOPIOHE

⁵ Tei Elyasib longohi mao̒ odelei Tobia huwali udaa̒ tuwau u otutuulio mao̒ pilohetu tolomodu u polahuwalo dewo lopale, alama, pakaa-kasiyaalo u pomake to Bele lo Eeya, dewo ode mongo iimamu, dewo lopale ngotayade mopulu, angguru, wau winulo jaitun, u matayadulo ode tau-tauwalo Lewi, tahi pooitohea muusiki wau tamoodahawa hulubangi Bele lo Eeya.

NEHEMIA 13:5 ပူးပေါင်းရင်းမြစ်များ

OLUO TAWARI 31:11

To palenta li olongia, timongolio helo podapato wiwii-bungowalo topalito Bele lo Eeya,

OLUO TAWARI 34:11

ode mongo pani lo ayu wau pani lohudungu u musi motali botu wau ayu u mopoo̒piohe huhuu-dunguwalo u mailulia lomongo olongia lo Yehuda.

NEHEMIA 10:36

Ami mamodelo mota walao̒ mongo lolai̒ lami tahi hulanga daa̒ ode mongo iimamu to Bele lo Eeya u mohudu mola ode Allahu Taa̒ala, lotuuu̒de wolo wuu̒du lo Butoo̒. Ami mamohudu mao̒ olo walao̒ sapi, walao̒ himba meaalo walao̒ batade lami u bohulo pilotutu mai.

NEHEMIA 10:37

Ami mamodelo mota ode mongo iimamu to Bele lo Eeya ukiloco monto pale ubohulo tipuo mai timii̒du taunu, wau olo dedee-wowaalo wewo debo odelo angguru, winulo jaitun wau ngoa̒amila huhuu-ngowaalo u hidala-dalaala. Dewo ngotayade mopulu monto tilapulo halabolu lami madeloo mota lami ode tau-tauwalo Lewi tahemohimoa̒a dedee-wowaalo ngotayade mopulu to kokoo-tawaalo pomengiyaalo.

NEHEMIA 10:38

Bo ngotaalio li iimamu wali mai lei Haruna musi pee̒-pee̒enta wolo tau-tauwalo Lewi boito wonu bolo timongolio mohimoa̒ dedee-wowaalo boito. Wau ngotayade mopulu monto ngoa̒amila dewo boito musi deloo mota lotau-tauwalo Lewi boito ode huhuu-waliyaalo potomeu̒ to Bele lo Eeya.

NEHEMIA 12:44

Tou̒ boito dengolo lota tiluugasialio mao̒ helo ngimato huhuu-waliyaalo potomeu̒ tambati polahuwalo dedee-mbulowalo ode Bele lo Eeya, leituoto dewo ngotayade mopulu wau tilapulo huta u bohulio timii̒du taunu. Tahi pongimatoa boito wajibu mohimoa̒a dedee-mbulowalo boito monto hahaa-laboluwaalo topalito kokoo-tawaalo. Dedee-mbulowalo boito wuduwola ode mongo iimamu wau tau-tauwalo Lewi, lotuuu̒de wolo wuu̒du lo Butoo̒. Tau-tauwalo Yehuda helo masisi mao̒ to mongo iimamu wau tau-tauwalo Lewi boito,

NEHEMIA 13:7

u luli lohualingai ode Yerusalemu. Leidungga mai odia, wau̒ iloohea lotota mao̒ deu̒ tei Elyasib malongohi mao̒ odelei Tobia huwali tuwau to Bele lo Eeya.

YEHESKIEL 40:38

To palepelo bulemengio ohuwali tuwau duhengio to hulubangi delomio to ambahu tilayo. Monto huwali duhengio boito o huhebu tuwau udulu-dulunga ode huwali leidaa̒. Teteetolo pongulowalo bibii-natangiyalo ode bake yilalango.