NEHEMIA 13:28 - KITABI HABARI MOPIOHE

²⁸ Tei Yoyada yito walai̒ Iimamu Daa̒ Elyasib, bo ngotaalio lo walae̒e Yoyada lowali moluhengee Sanbalat lonto kota Bet-Horon. Masababu uito tei Yoyada hepilo loontuluu̒ lonto Yerusalemu.

NEHEMIA 13:28 ပူးပေါင်းရင်းမြစ်များ

ESRA 10:8

Titaalo tita tadiila monao̒ mai todelomo tolo hui mola, mahamaalo ngoilanggubu halataalio wau tio diilalo anggapuolo pongawaa̒ lo ulipu. Maa̒alumati boito hedilutua mao̒ pali lo uluu̒ lomongo tau̒wa ulipu.

NEHEMIA 12:10

Uti-utieelo pilito lo walimai li Iimamu Daa̒ Yesua: tei Yesua, Yoyakhim, Elyasib, Yoyada,

NEHEMIA 12:22

Daputali tomimibihu mongo tau̒wa lou̒ ngaalaa̒ taulo Lewi wau ngaalaa̒ li iimamu matiluladu to jamani lomongo Iimamu Daa̒ u wumbutio mola botie: Elyasib, Yoyada, Yohanan wolei Yadua. Daputali boito yilapato tou̒ tei Dariusi helo malenta odelo olongia lo Persia.

NEHEMIA 13:25

Hediliniu̒ wau yilaa̒anatiu̒ timongolio. Woluo tahe pilateu̒ wau pilau̒uu̒ huwoi̒o. Lapatao̒ pilei̒ tadiyau̒ mao̒ timongolio domi tanggulo Allahu Taa̒ala deu̒ timongolio wau mongo walai̒ mongolio diila tamonika uu̒ulauwa poli.

NEHEMIA 2:10

Bo tou̒ tei Sanbalat, taulo Bet-Horon, wolei Tobia tamoleeto ngota lonto Amon, loo̒dungohe deu̒ wau̒ lonao̒ mai duo̒lo polohuna daa̒ bangusa lo Isirai̒lu, yi timongolio malowalo lole̒e daa̒.

NEHEMIA 2:19

Tou̒ ranjana lami boito ilotahua lei Sanbalat, Tobia wau lei Gesyem, ngotaalio lo Arabi, yi hepilo ii̒iya limongolio wau helo sosero olami. Uali mongolio mao̒, “Wolo u mapohutuo limongoli? Wolo timongoli ohilaa momintaa̒ tingolo toli olongia?”

NEHEMIA 3:1

Uti-utieelo dudulohu tomimbihu woloolo mola dingingo meeseli lo kota Yerusalemu hepiloo̒ piohio mao̒. Ti Iimamu Daa̒ Elyasib wau mongo sahaabatilio luli lomongu mola Huhebu Hulubangi Himba, helo pohuli mao̒ duduu-ngaalo huhebulio wau lopohetu mao̒ ode Eeya. Timongolio helo poo̒pioheo̒ wau lopohetu mao̒ dingingo meeseli demola Monara Ngohetuto wau demola Monara Hananeel.

NEHEMIA 4:1

Tou̒ tei Sanbalat loo̒dungohe deu̒ ami taulo Yahudi donggo hemo poo̒piohe dingingo meeseli lokota, yi tio maloingi daa̒ wau helo sosero olami.

JABURU 101:8

Monto dulahu odungga dulahu mapoo̒ pulito lowatia tau-tauwala moleeto tolipu botie. Ngoa̒amila taa hipohutua u moleeto mapoo̒ pulito lo watotia monto kota yaa Eeya.

POHUMAYA 20:26

Olongia tamolinepo motota tatoonu taa umoleeto; tio mahukuu-manio limongolio lou̒ diila o aambungu.

POHUMAYA 20:8

Wonu ti olongia motihuloa̒a tokadera lo bubutoo̒, mowali oontongalio ngoa̒amila u moleeto.