NEHEMIA 13:22 - KITABI HABARI MOPIOHE

²² Lapatao̒ tau-tauwalo Lewi hepilei̒ hutuu̒ mao̒ upacara poberesiyalo batanga wau lodaha huhuu-hebuwaalo hulubangi u longimato mao̒ alihu tau-tauwalo mohurumati dulahu Saabati. Wau̒ lodua̒ mola, “Yaa Allahu Taa̒ala, ambunguolo eelailo mai watotia sababu sua̒li boito olo, wau ponua mai watotia tutuuu̒de wolo ponu lo Eeya u udaa̒.”

NEHEMIA 13:22 ပူးပေါင်းရင်းမြစ်များ

OLUO MONGO OLONGIA 20:3

“Yaa Eeya, ambunguolo eelailo mai deu̒ watotia botie malo tiwato ode Eeya wolo tatapu wau molotolo hilao wau tio̒otutua belesi lohilao. Watotia laito hemo tolopani modudua̒ otohilaa lo Eeya.” Lapatao̒ tei Hiskia hilumoyongo wolo suukali lohilao.

OLUO MONGO OLONGIA 23:4

Lapatao̒ uito ti olongia helo malentao̒ oli Iimamu Daa̒ Hilkia, mongo iimamu tamoo-mantua wau tahi pokawalia tao̒ tuugasi tohuhebu Bele lo Eeya, alihu mopolualao̒ monto Bele boito ngoa̒amila pakaakasi u pilomake hepo lubowalo Baal, Dewi Asyera, wau popoo-liyamaalo. Ngoa̒amila balangi boito hepilobu li Olongia Yosia to bulemengo kota totili lo Lumbaya Kidron, tulusi wahulio dilelio ode Betel.

OLUO TAWARI 29:24

Lapatao̒ uito babaa-tadeyaalo boito ilolotio lomongo iimamu wau duhulio tiluwato tomesba odelo bake pongambungualo dusa lo ngoilanggubu ulipu. Sua̒li boito pilohutu limongolio sababu ti olongia malo malentao̒ alihu powoluwolo bake yilalango wau bake pongambungualo dusa duo̒lo ngoilanggubu ulipu lo Isirai̒lu.

OLUO TAWARI 29:27

Tei Hiskia longohi mao̒ tuoto alihu upacala podewowalo bake mowali tumulalo. Tou̒ bake donggo hepodewolo, tau-tauwalo lolumulo helo polahu mola lahu lo poloi̒laalo momuji ode Eeya, tahipo yitohea muusiki lopotingohe mola torompeti boli pakaa-kasiyaalo muusiki uwewo.

OLUO TAWARI 29:30

Ti Olongia wau tahimuloa lo ulipu helo poa̒hu tau-tauwalo Lewi lopolahu mola ode Eeya puji poloi̒laalo momuji u kilaalangi lei Dauda woli Nabi Asap. Ngoa̒amila tau hemo polahu mola wolo wengahe daa̒ sambela hibonggohuu̒a wau hipoluboa Allahu Taa̒ala.

NEHEMIA 12:10

Uti-utieelo pilito lo walimai li Iimamu Daa̒ Yesua: tei Yesua, Yoyakhim, Elyasib, Yoyada,

NEHEMIA 12:30

Mongo iimamu wau tau-tauwalo Lewi boito helohutu mao̒ upacara poberesiyalo batanga limongolio lapatao̒ ode ulipu, ode huhuu-hebuwaalo hulubangi wau dingingo meeseli lokota.

NEHEMIA 13:14

Yaa Eeyaau̒, ambunguolo eelailo mai ngoa̒amila u mapilohutu lo watotia ode Bele lo Eeya wau obubayaalio.

NEHEMIA 13:31

Ilaatuluu̒ mao̒ olo alihu towakutu u tantutantu, ayu podiio̒ ode dewo bake mowali podapatolo wau ulipu moo̒delo dewo tilapulo huta u bohulio. Pulitio wau̒ lodua̒ mola, “Allahu Taa̒alau̒, ambunguolo eelai mai ngoa̒amila botie wau balakatialo mai watotia.”

NEHEMIA 5:19

Watotia momolohone yaa Allahu Taa̒ala, ambunguolo eelailo mai totoonulalo u mapilohutu lo watotia ode bangusa botie wau ambunguolo balakatiyalo mai watotia.

JABURU 130:7

Poharapulo to Eeya, wuu umati lo Eeya, sababu Eeya debo momonu, wau laito dapadapato mopoa̒ahu.

JABURU 5:7

Pobinasa lo Eeya tau-tauwalo tao̒hilaa mohimbulo, tamoo himbuloa wau tamoomatea mate-mateelo mao̒ hebilohe lo Eeya dupa-dupaapa.

JABURU 51:1

Duo̒lo diriheni lopolemboa̒ tamoolahua. Jaburu kalaangani lei Dauda

YESAYA 38:3

“Yaa Eeya, eelailo mai deu̒ watotia botie malotiwato to Eeya wolo tatapu wau molotolo hilao wau tuulusi lohilao. Watotia laito hemo ihi̒itiari modudua̒ u otohilaa lo Eeya.” Lapatao̒ tei Hiskia hilumoyongo wolo suukali lohilao.

YESAYA 49:23

Mongo olongia madebo odelo tiyamo de olemu, wau mongo olongia taabua odelo tiilo. Timongolio mamosujudu mohulumati olemu wau motidupapa batanga to talumu. Yi mao̒taawamu deu̒ Wau̒ulo Eeya; taa u motiwunela to Olau̒ diila pokikio̒lio to hilao.”

YESAYA 55:7

Maamusi taa moleeto mopoo̒piohu tutumulio, wau molomelo dalalo pikiilangilio. Huliilo mao̒ tio muli mohualinga ode Eeya, alihu moo̒toduo odehu hilaa lo Eeya. Maamusi tio mopalinga ode Allahu Taa̒alanto, sababu Eeya mongambungu mai wolo muura lohilao.

2 KORINTUS 1:12

Amiaatia meengahe, sababu hilaa lamiaatia helo poyakini olamiaatia deu̒ tutumulo lamiaatia todunia botie – lebe-lebe mao̒ wumbuta lamiaatia wolo Wutato – mapilo ponao̒ lamiaatia wolo ihilasi wau hilaa belesi. Hepilohutu lamiaatia uito, diila wolo tinepo lomanusia, bo wolo omambo uilohi mai lo Allahu Taa̒ala.

TINGULI 5:12

Polamea mola dulahu Saabati wau hulumatia mao̒ odelo dulahu umantali, sababu Wau̒lo Eeya Allahu Taa̒ala limongoli tamo malentai olimongoli.