NEHEMIA 13:2 - KITABI HABARI MOPIOHE

² sababu tou̒ bangusa lo Isirai̒lu todelomo nonao̒olio yilumualai lonto Masiri, dulo bangusa boito diila helongohi ua̒alo wau taluhu ode bangusa boito. Tumbao̒ timongolio maloseuwa olei Bileam helo laa̒anati bangusa lo Isirai̒lu, bo Allahu Taa̒alanto malo lomelo laa̒anati boito lowali balakati.’

NEHEMIA 13:2 ပူးပေါင်းရင်းမြစ်များ

JABURU 109:28

Eleponu timongolio molaa̒anati olo watotia, pohileaala dua̒ Eeya mobalakati mai olo watotia. Eleponu timongolio mobongu mai, timongolio mapoo̒o-litolio; bo pohileaala dua̒ watotia, wato lo Eeya, poe̒engahulo.

MIKHA 6:5

Umati-U̒, eelailo mola wolo u yilanjana lei Balak olongia lo Moab to olemu, wau wolo u pilolametai lei Bileam walae̒e Beor to olio. Eelailo mola wolo u lotoduo mai tononao̒ wolota piloti kemawa to Sitim wau to Gilgal. Wonu timongoli moe̒ela mola ngoa̒amilalo boito, timongoli mamo ngalati wolo u mapilohutu-U̒ u mopoa̒ahu olimongoli.”

YIA̒APO 23:18

lapatao̒ tei Bileam loloi̒ya mao̒ nubuati botie, “Wuu, Balak, walae̒e Jipor, odiaalo mai, dungohilo wolo uhilaa loi̒yaau̒ mai.

MATIUSI 25:40

Ti Olongia boito mamo lametai, ‘Ototai mao̒: tou̒ timongoli mohutu mao̒ sua̒li boito, eleponu ode tala ngota lomongo wutatu-U̒ taahina daa̒, boliilio mao̒ timongoli malohutu uito ode ola-U̒!’

TINGULI 23:3

Taulo Amon wau Moab wau wali limongolio demola u opitulio diila mowali mali walaga umati lo Eeya,

TINGULI 23:4

sababu timongolio diila mohuto mongohi ua̒alo wau taluhu tou̒ timongoli todelomo nonao̒ yilumualai lonto Masiri. Tumbao̒ timongoli helongohi wuupa odelei Bileam, walae̒e Beor lonto kota Petor to Mesopotamia, u lolaa̒anati olimongoli.

TINGULI 23:5

Bo Eeya Allahu Taa̒ala limongoli diila lohuto lodungohe olei Bileam. Bolii̒o mao̒ Eeya lomolio̒ laa̒anati boito wolo balakati, sababu Tio momonu olimongoli.

2 PETRUS 2:15

Sababu timongolio diila mohuto modudua̒ dalalo motulidu, yi timongolio mailapalo. Timongolio lohama dalalo u diludua̒ lei Bileam walae̒e Beor omoo̒omolu. Tei Bileam botie ohilaa daa̒ moo̒tapu doi monto huhutuulio u moleeto.