NEHEMIA 13:15 - KITABI HABARI MOPIOHE

¹⁵ To maasa boito wau̒ loo̒onto deu̒ to dulahu Saabati dengolo lota to Yehuda hipomitode angguru. Woluo taa wewo poli tahe mopodetohe pale, angguru, hungo lo angguru, hungo lo ara wau babaa-rangiyaalo toitaato kolodailio wau dilelolio ode Yerusalemu.

NEHEMIA 13:15 ပူးပေါင်းရင်းမြစ်များ

OLUO TAWARI 24:19

Eeya lolao mai tomongo nabi u helodini olimongolio alihu muli motiwato wau to Eeya, bo ulipu diila lohuto lodungohu.

NEHEMIA 10:31

Wonu bolo woluo bangusa deli taa ohilaa mopotali lopale meaambo penu boli wolo ode olami to dulahu Saabati meaalo to dulahu mantali wewolio, ami diila tamotali mao̒. To timii̒du taunu u opitulio, ami diila tamokalaja halabolu wau diila tamolagi biloli.

NEHEMIA 10:32

Timii̒du taunu ami ngota-ngota mamopo dembulo mao̒ limo loharamu talaa̒ duo̒lo oonggosi Bele lo Eeya.

NEHEMIA 13:16

Dengolo lota lonto Tirus tahi biluloa̒wa to Yerusalemu helodelo tola wau barangi daahangi hidala-dalaala ode Yerusalemu to dulahu Saabati, mota pilotali to taulo Yahudi.

NEHEMIA 13:21

Wau̒ loloi̒ya mao̒ olimongolio, “Diila ohuna timongoli mohima demola dimodupo teto. Poo̒dahai, wonu pohutuo limongoli uito pee̒entapo, wau̒ mamohama mao̒ lou̒ pakusa olimongoli!” Tumulalo mai uito timongolio diilalo helonao̒ mai todulahu Saabati.

NEHEMIA 9:29

He dilini lo Eeya timongolio alihu pongaajali lo Eeya dungoheelo, bo timongolio he lopotouli butoo̒ Eeya wolo hilaa mangimangi. Lebe-lebe pomao̒, wonu butoo̒ Eeya poponao̒olo, tantuulo mao̒ maa mowali pongakualo tutumulo. Timongolio baaa̒ngiolo wau diila mowali bolio̒lo huhamaalio, diila mohuto modungohu, diila mohuto motaaa̒ti.

AYUBA 39:12

Wolo palacayamu sapi boito mohimoa̒ sembomu, wau modelo mai ode tambati hepo lotaa̒amu sembo?

JABURU 50:7

“Dungohilo, umati-U̒, Wau̒ ohilaa motahuda mai, Isirai̒lu, Wau̒ ohilaa mosakusi to olimongoli; Wau̒ botie Allahu Taa̒ala, Allahu Taa̒alamu.

PILOTIMUA̒TA 31:12

Eeya lomalentao̒ olei Musa

PILOTIMUA̒TA 31:16

Bangusa lo Isirai̒lu musi mopolame mao̒ dulahee boito wawaalia mola odelo tuoto lo daantia.

PILOTIMUA̒TA 34:21

Wolomo hui mola u mokalaja; diila mao̒ pokalaja todulahee opitulio, eleponu uito tosembo lo momadeo̒ meaalo sembo lou̒ mongotolo.

PILOTIMUA̒TA 35:2

Woluo wolomohui mola u mokalaja, bo dulahu u opitulio yi todulahee u pohuheliyalo, dulahu buka u pilohetu mai uolo Eeya. Tatoonu tamo kalaja todulahu Saabati musi hukuu-maniyolo mate.

POHUMAYA 28:4

Tatoonu tamo malonga butoo̒, motiwambao̒ totaa moleeto; tatoonu tamo dungohe butoo̒ moluwali taa loruusa sama-samaata.

YESAYA 58:13

Eeya lotahuda mai, “Hulumatiyalo dulahu Saabati odelo dulahu duo̒lo Eeya. Diila mao̒ ponguulusi polohuna daa̒ ode batangamu lohihilao to dulahee boito. Porameeyalo dulahee boito odelo dulahee sanangi tutu; hulumatiyalo dulahu Eeya wolo diila mopasiyali; diila mao̒ olo pokalaja meaambo mobisala udiila ohuna.

YEREMIA 17:24

Dungohilo ngoa̒amila palentaa-U̒. Diila mao̒ pomintaa̒a penu boli balangi wolo molibaya tohuhebu hulubangi lokota botie todulahu Saabati. Potolomodua mao̒, dulahu Saabati ode Olau̒, wau diila mao̒ pokalaja penu boli wolo todulahee boito.

YEREMIA 17:27

Ngoa̒amila boito mamotoduo mai wonu bolo timongoli modungohe ola-U̒ wau mopoheetu dulahu Saabati ode Olau̒. Diila mao̒ pomintaa̒a penu boli barangi wolo molibaya huhuu-hebuwaalo hulubangi lo Yerusalemu to dulahee boito. Wonu timongoli molambanga ngoa̒amila palentaa-U̒ boito, huhuu-hebuwaalo hulubangi lo Yerusalemu wau tataa-mbatiyalo biluloa̒ saaha li olongialio matumbila-U̒ tunggula maahu wau tulu boito diila tamowali pateelo.’ ”

YEREMIA 42:19

Lapatao̒ watia luli loloi̒ya mao̒, “Eeya malo malentai alihu timongoli tadonggo ilolabita to Yehuda diila monao̒ ode Masiri. Sababu uito watia mopoe̒elai olimongoli botia

YEHESKIEL 20:13

Bo tohuta luasi ohungayo boito olo timongolio helo luwali ola-U̒. Timongolio helo lambanga papaa-lentaa-U̒ wau bubuu-too̒o-U̒ u mopongaku mao̒ deu̒ taa u modungoheo̒ debo tumumulo. Timongolio helo ponajisi daa̒ dulahu Saabati. Sababu uito, tohuta luasi ohungayo boito, Wau̒ ohilaa mopomukao̒ omulukaa-U̒ uwali-walihuhu ode limongolio wau mopobinasa olimongolio.

AMOS 8:5

Timongoli hipoloiyawa to batangamu lohihilao, “Donggo boli hiheolio duduu-laheyaalo rameyangi. Ito motohilaa hua̒a mopotali paleento poli, bo rameyangi boito diila hemo pulito. Omolua dulahu Saabati mopulito, alihu ito mowali molumula mopotaalia poli? Ito ohilaa daa̒ mopo daahangi u hitua-tuawua wolo dudelo udiila patutilio wau mohama pae̒eda daata-daatalo mao̒, mohimbulo wolo titimenga, wau mohutu diila motulidu hale wolo titimenga.

MIKHA 6:3

Eeya lotahuda, “Wuu umati-U̒, wolo u mapilohutu-U̒ ode limongoli? To delomo sua̒li wolo Wau̒ mopo totolo olimongoli? Tametilo mai Wau̒!

WUNGGULI LOMONGO RASULU 2:40

Odieelo mola tei Petrus helo tombangao̒ olimongolio. Wau wolo dadaata loi̒ya uwewo olo hepilo nasehatilio mao̒ olimongolio alihu timongolio mopolahi batanga monto bangusa u moleeta botie tamaa hukuumanio lo Allahu Taa̒ala.

WUNGGULI LOMONGO RASULU 20:21

Mopio ode tau-tauwalo Yahudi meaalo ode tau-tauwala bangusa wewo watia laito hemopoe̒ela alihu timongolio molilihu monto duduu-sawaalo limongolio wau monao̒ mai ode Allahu Taa̒ala, wau palacaya li Isa Eeya.

GALATIA 5:3

Pee̒entapo watia mopoe̒elai Totaa u mei̒tuuna, deu̒ tio wajibu moponao̒ ngoa̒amila butoo̒ lo agama!

EPESUS 4:17

Sababu uito domi tanggulo Eeya, uti-utieelo u mapolele wau popidudutai lowatia: diilalo potitumulo debo odelo tau-tauwalo tadiila hitootawa to Allahu Taa̒ala, wau momikiilangi udia-diaaluo mao̒.

TINGULI 8:19

Diila mao̒ lipata to Eeya Allahu Taa̒ala limongoli wau diila mao̒ pobale ode ila-ila wewo u molubo wau motiwato to ii̒i-lawaalo boito. Todulahee botie poe̒elau̒ mai olimongoli deu̒ wonu timongoli debo mohutu mao̒ olo, yi timongoli tantulo mao̒ pobinasa mai lo Eeya.

1 TESALONIKA 4:6

Todelomo sua̒li debo odelo uito, diila mao̒ pohutu totala penu boli ngotaa towutatio, meaalo mohimbulo olio. Omoo̒omolu amiaatia malo poe̒elai lou̒ moo̒ohuu̒ olimongoli, deu̒ Eeya mamo hukuumani mai tahipo hutua totala debo odelo uito.