NEHEMIA 13:14 - KITABI HABARI MOPIOHE

¹⁴ Yaa Eeyaau̒, ambunguolo eelailo mai ngoa̒amila u mapilohutu lo watotia ode Bele lo Eeya wau obubayaalio.

NEHEMIA 13:14 ပူးပေါင်းရင်းမြစ်များ

OLUO MONGO OLONGIA 20:3

“Yaa Eeya, ambunguolo eelailo mai deu̒ watotia botie malo tiwato ode Eeya wolo tatapu wau molotolo hilao wau tio̒otutua belesi lohilao. Watotia laito hemo tolopani modudua̒ otohilaa lo Eeya.” Lapatao̒ tei Hiskia hilumoyongo wolo suukali lohilao.

BOHULO TAWARI 29:3

Tumbao̒ sababu tolia̒nguu̒ to Bele lo Allahu Taa̒alau̒ boito wau̒ malohudu olo talaa̒ wau hulawa lonto halata milikiiu̒ lohihilao:

OLUO TAWARI 24:16

Tio yilobungio to pilolobunga lomongo olongia tokota lei Dauda u pilomasisia tou̒ totoonulalo huhutuulio u mopiohu ode Allahu Taa̒ala, to Bele lo Eeya wau umati lo Isirai̒lu.

ESRA 7:20

Wau totoonulalo kaparluwani wewo duo̒lo Bele lo Eeya, mowali pohile mao̒ lo Wutato monto kasi lo bele biluloa̒ saaha li olongia.

ESRA 7:24

Timongoli diila mowali mohimoa̒ beya monto mongo iimamu, taulo Lewi, tamoolahua, tamodahawa huhebu hulubangi, tamookalajawa, meaalo penu boli tatoonu wambai̒o tao̒ wumbutalio wolo Bele lo Eeya.

ESRA 7:27

Lapatao̒ ualei Esra, “Pujialo mola Eeya, Allahu Taa̒ala tahe tuboo linenemoyaanto! Eeya malo poo̒oliyoa̒i hilaa li olongia tilinggula tio lohuto tolomodu helo poo̒otuoto Bele lo Eeya to Yerusalemu.

NEHEMIA 13:22

Lapatao̒ tau-tauwalo Lewi hepilei̒ hutuu̒ mao̒ upacara poberesiyalo batanga wau lodaha huhuu-hebuwaalo hulubangi u longimato mao̒ alihu tau-tauwalo mohurumati dulahu Saabati. Wau̒ lodua̒ mola, “Yaa Allahu Taa̒ala, ambunguolo eelailo mai watotia sababu sua̒li boito olo, wau ponua mai watotia tutuuu̒de wolo ponu lo Eeya u udaa̒.”

NEHEMIA 13:31

Ilaatuluu̒ mao̒ olo alihu towakutu u tantutantu, ayu podiio̒ ode dewo bake mowali podapatolo wau ulipu moo̒delo dewo tilapulo huta u bohulio. Pulitio wau̒ lodua̒ mola, “Allahu Taa̒alau̒, ambunguolo eelai mai ngoa̒amila botie wau balakatialo mai watotia.”

NEHEMIA 5:19

Watotia momolohone yaa Allahu Taa̒ala, ambunguolo eelailo mai totoonulalo u mapilohutu lo watotia ode bangusa botie wau ambunguolo balakatiyalo mai watotia.

YESAYA 38:3

“Yaa Eeya, eelailo mai deu̒ watotia botie malotiwato to Eeya wolo tatapu wau molotolo hilao wau tuulusi lohilao. Watotia laito hemo ihi̒itiari modudua̒ u otohilaa lo Eeya.” Lapatao̒ tei Hiskia hilumoyongo wolo suukali lohilao.

IBRANI 6:10

Allahu Taa̒ala diila bo Allahu Taa̒ala tadiila aadili. Tio diila molipato wolo u kilalaja limongoli de o-Lio, wau tolia̒ngo upilo biloheo̒ limongoli o-Lio tou̒ lotulungi mongo wutato ngoi̒imani, omoo̒omolu wau botia.

WAHI 3:5

Toli mongolio tamoo̒haama mapakealio jumba moputio̒. Bo timongolio diila taluluto-U̒ monto Buku lo Taa Tumutumulo. Wau totalu li Paapa-U̒, wau mamaa-lai̒kati-Lio Wau̒ mamotolo akuo deu̒ timongolio yito miliki-U̒.