NEHEMIA 13:13 - KITABI HABARI MOPIOHE

¹³ Wau̒ helongohi mao̒ tuugasi totau-tauwalo u wumbutio mola botie u longimato huhuu-waliyaalo potomeu̒ boito: ti Iimamu Selemya, Jadok ngotaalio ahali lo Butoo̒ wolei Pedaya ngotaalio taulo Lewi. Tei Hanan walae̒e Jakur wau wombu lei Matanya yilohiyau̒ mao̒ tuugasi helomantu olimongolio. Otaawau̒ deu̒ tau-tauwalo boito mowali palacayaalo wau mamonguurusi molayadeo̒ babaa-haniyaalo boito ode mongo sahaabati tangokalaja wolio wolo juujulu.

NEHEMIA 13:13 ပူးပေါင်းရင်းမြစ်များ

OLUO MONGO OLONGIA 12:15

Tahi pongimatoa kalaja boito juujuru daa̒, oditolio diila palalu pohileaala lapuurani lodoi monto olimongolio.

OLUO MONGO OLONGIA 12:16

Doi monto bake poluloo̒ uiluhi wau monto bake pongaa-mbungualo dusa diila potuwotolo ode delomo bulua mooyoto boito. Doi boito wohi mao̒ ode mongo iimamu.

OLUO MONGO OLONGIA 22:7

Tahi pongimatoa kalaja boito hijuujurua daa̒, oditolio diila palalu pohileaala lopuurani lodoi monto olimongolio.”

NEHEMIA 10:38

Bo ngotaalio li iimamu wali mai lei Haruna musi pee̒-pee̒enta wolo tau-tauwalo Lewi boito wonu bolo timongolio mohimoa̒ dedee-wowaalo boito. Wau ngotayade mopulu monto ngoa̒amila dewo boito musi deloo mota lotau-tauwalo Lewi boito ode huhuu-waliyaalo potomeu̒ to Bele lo Eeya.

NEHEMIA 11:22

Tamoo-ngimatoa tau-tauwalo Lewi tahi biluloa̒wa to Yerusalemu yito tei Uji walae̒e Bani wau wombu lei Hasabya. Ti nenemoyalio to wolotalio mao̒ wewo yito tei Matanya wolei Mikha. Tio leituoto to kaumu Asap, tao̒ tuugasi mongurusi muusiki to poi̒baadatialo to Bele lo Eeya.

NEHEMIA 12:44

Tou̒ boito dengolo lota tiluugasialio mao̒ helo ngimato huhuu-waliyaalo potomeu̒ tambati polahuwalo dedee-mbulowalo ode Bele lo Eeya, leituoto dewo ngotayade mopulu wau tilapulo huta u bohulio timii̒du taunu. Tahi pongimatoa boito wajibu mohimoa̒a dedee-mbulowalo boito monto hahaa-laboluwaalo topalito kokoo-tawaalo. Dedee-mbulowalo boito wuduwola ode mongo iimamu wau tau-tauwalo Lewi, lotuuu̒de wolo wuu̒du lo Butoo̒. Tau-tauwalo Yehuda helo masisi mao̒ to mongo iimamu wau tau-tauwalo Lewi boito,

NEHEMIA 7:2

Pamalenta kota lo Yerusalemu yiluduu̒ mao̒ ode wutatuu̒ Hanan wau odelei Hananya, eyaanggu lo biintengi sababu tio lebe mao̒ wolo taa wewo, moohe to Allahu Taa̒ala wau mowali palacayaalo.

NEHEMIA 8:4

Tei Esra tilimihula mola tomimbari lo ayu u mapilohutu ode kaparluwani lo dudunggaya boito. To ambahu olowalalio hitihula tau-tauwalo botie: tei Matica, Sema, Anaya, Uria, Hilkia wolei Maaseya; hiambola to ambahu oloihilio hitihula: tei Pedaya, Misael, Malkia, Hasum, Hasbadana, Jakaria wolei Mesulam.

LUKASI 12:42

Eeya lolametao̒, “Tatoonu tamoomayawa u tatapu wau molotolo hilao wau molinepo tilinggula piluduo̒ lituanilio mowali tau̒wa lo tahi pomayawa wewolio alihu tio mopotamela olimongolio to wakutuulio?

WUNGGULI LOMONGO RASULU 4:35

wau yilohi limongolio ode mongo rasulu. Lapatao̒ doi boito hetila-tilayadi mongolio ode timii̒du taa palalu leeto.

WUNGGULI LOMONGO RASULU 6:1

Tahidudua̒ li Isa helebe mohiheo mao̒ helebe oduhenga mola dadaata. Towakutu boito tau-tauwalo Yahudi tahipo bahasawa lo Yunani, diilalo sanangi totau-tauwalo Yahudi pulua. Tahipo bahasawa lo Yunani boito loloi̒ya mao̒, “Mongobua lami tamaa janda diila ilotayade lo dembulo onggosi ngohui-ngohui utila-tilayadio ode tau-tauwalo.”

WUNGGULI LOMONGO RASULU 6:3

Oditolio, mopiohulo wonu Mongo wutato molulaotao̒ towolota limongoli pitulota taa otanggulo mopiohe wau kiluwaasa lo Rohullah wau molinepo, tamowali wohia lami tuugasi u mongulusi mao̒ susuu-aliyaalo botie;

1 KORINTUS 4:2

Ubohu-bohulio pohileelo wolo moo̒ohuu̒ monto tamoomayawa u odito yito deu̒ tio musi tatapu wau molotolo hilao toli tuanilio.

1 TIMOTIUS 1:12

Watia molapali mola oduo̒lo odeli Isa Almasi Eeyanto. Tio malongohi mai lotolo olaatia u lomaya o-Lio, wau Tio longanggapu olaatia lotuuu̒de ode tuugasi boito,

1 TIMOTIUS 3:10

Patutilio timongolio tesiyopo meemulo wau wonu loi̒laalo timongolio diila oa̒aibu, deu̒ito timongolio mowali momantu todelomo jamaa̒.